Apocalipsi 20:13 - Tachi Ak'õre Pedea

¹³ Chi p'usade piudaadarã ãarea Tachi Ak'õre k'ĩrari chesidama. Abaeda chi piudaadarã jaore ãarea ãchi p'anapataɨmãɨpa Tachi Ak'õre k'ĩrari chesidama. Maapae Tachi Ak'õrepa ãchicha ɨtɨasima ãchia oodada jĩra.

Apocalipsi 20:13 ပူးပေါင်းရင်းမြစ်များ

Mateo 11:23

¿Capernaunepemarã ɨt'aa pajãnea wãnaik'ãra? ¡Wãnaiwẽma! ¡Tachi Ak'õrepa mãra piudaadarã p'anapataɨmá peeipɨ! Mɨa ẽpẽrarãpa ne p'ue oodak'apɨ́ mãra t'ãena Sodoma p'uurude oodapara, jãɨ p'uuru wapida bai pasima.

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

1 Corintio 15:26

Mãɨ ãarea p'uek'ari, chi k'aadeapema nek'ĩramá, tachi piupataɨ, ichia mãɨ jõpiipɨ,

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Apocalipsi 2:23

Ichi warrarã mɨa ãarea piupiipɨ. Mãɨya ũpẽarã ãareaɨrãpa k'awadaipɨ mɨa jõmãɨrã k'ɨ̃risia k'awa bɨt'a. Ichiaba k'awadaipɨ jõmãɨrãpa ãchi sõnepa oo k'ɨ̃ria p'anɨt'a, mɨa mãɨ k'awa bɨt'a. Ara machicha oodada jĩra mɨa ɨtɨaipɨ.

Apocalipsi 20:12

Ichiaba chi piudaadarã chi atepe berã mãɨnepa chi k'aepea k'ede sida Tachi Ak'õre k'ĩrari bai nɨp'anɨt'a mɨa unusima. Mãɨne k'art'a ewak'oasima. Mãɨ k'art'ade jõma ẽpẽerãpa ne oodada bɨ nɨbasima. Abaɨ k'art'a sida ewasima. Mãɨne chi ewaricha chok'ae p'ananai k'art'ade ẽpẽerã t'ɨ̃ bɨ nɨbasima. Jõma piudaadarã Tachi Ak'õrepa ɨtɨasima ãchia oodada jĩra. Ãchia oodada ãarea k'art'ade bɨ nɨbasima.

Apocalipsi 20:14

Tachi Ak'õrepa chi tachi piudai p'anɨt'a jõpisima t'ɨpɨ uruade bat'a peeru jĩra. Ichiaba chi piudaadarã p'anapataɨmá t'ɨpɨ uruade bat'a peesima. Mãɨ uria azup're t'ɨpɨ urua nɨbɨmá bari k'ak'o ume piusiade apatama.

Apocalipsi 21:4

Ãchi tauba ichia ãarea p'oapiipɨ. Jõma naena bada jõna pẽra waa piudaiwẽma, waa jẽanaiwẽma, waa sõk'achiadaiwẽma mãɨnepa waa sõp'uadaiwẽma».

Apocalipsi 6:8

Mãmá ak'ɨside mũra k'uará bɨt'a unusima. Chi mũra ɨ̃rɨ suak'abari bɨa «Chi Piuda» apatama. Chi ichi ome p'ɨrrɨa bɨa «Chi Piudaadarã P'anapataɨ» apatama. Tachi Ak'õrepa ãchiá chi k'ĩmarinepema abaabá ãarea peapade asima nãɨ ĩjũa ãareaɨne. Mãɨ ẽpẽerã peadayade asima ãchia k'ĩruupik'a p'anɨnepa, jarradepa, k'ɨdade p'anɨnepa ichiaba chi ãnimararã mietá p'anɨrãnepa.