Apocalipsi 20:12 - Tachi Ak'õre Pedea

¹² Ichiaba chi piudaadarã chi atepe berã mãɨnepa chi k'aepea k'ede sida Tachi Ak'õre k'ĩrari bai nɨp'anɨt'a mɨa unusima. Mãɨne k'art'a ewak'oasima. Mãɨ k'art'ade jõma ẽpẽerãpa ne oodada bɨ nɨbasima. Abaɨ k'art'a sida ewasima. Mãɨne chi ewaricha chok'ae p'ananai k'art'ade ẽpẽerã t'ɨ̃ bɨ nɨbasima. Jõma piudaadarã Tachi Ak'õrepa ɨtɨasima ãchia oodada jĩra. Ãchia oodada ãarea k'art'ade bɨ nɨbasima.

Apocalipsi 20:12 ပူးပေါင်းရင်းမြစ်များ

Mateo 11:22

Maamina mɨa mãrá jararuma: Tachi Ak'õrepa jõmãɨrã ɨtɨai ewaride Tirodepemarã mãɨnepa Sidonepemarã k'aepẽra mãra atepe ɨtɨaipɨ.

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Luca 10:20

Maamina arapá p'anat'ɨ mãrapa jaore mietaarã ãyá jeret'aautade ãchia mãra ũrinak'ari mãɨya oopata pẽra, mãɨpari arapá p'anat'ɨ Tachi Ak'õrepa mãra t'ɨ̃ pajãne bɨ uru bɨẽra.

Hecho 24:15

Chi nãɨrã judiorãpa nɨ p'anɨma chi jĩp'a be mãɨnepa chi jĩp'awẽa be piudak'ari Tachi Ak'õrepa chok'ae p'irabaripiit'a. Mɨa pida mãɨ nɨ bɨma.

Romano 2:6

Ichia jõmãɨrã́ teaipɨ ãchia oodada jĩra.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

2 Corintio 5:10

Piarã Cristopa jõma tachia oodada ak'ɨipɨ. Ichia tachicha teaipɨ tachia nãɨ k'ak'uade oo bada jĩra. Pia oo badapɨra, ara mãɨ jĩra teaipɨ. Piawẽa oo badapɨra, ara mãɨ jĩra teaipɨ.

P'ilipense 4:3

Ichiaba pɨ, chi mɨ ome Tachi Ak'õrepa oo bɨt'a ooparí, mɨa pɨá idiruma mãɨ ũpẽawẽrarã k'aripamẽrá. Ãchi, Clemente ome mãɨnepa waapẽarã sida mɨ ome minachia mimiasidama, chi pedea pia Cristo k'orea k'awapidai k'orea. Jõma ãchi t'ɨ̃ Tachi Ak'õrepa ichi ewaricha chok'ae p'ananai k'art'ade bɨ bɨma.

Apocalipsi 11:18

Tuachapemarã pɨ ome k'ĩruusidama. Maamina pɨa ɨtɨai ewari chesima. Naapae pɨa piudaadarã ɨtɨaipɨ. Mãɨne chi pɨ pae pari mimiapataɨrã, chi pɨ pari pedeapataɨrã́, pɨ ẽpẽerã́, pɨ wap'ea be chi atepe berã́ mãɨnepa k'aepea berã́ pida pɨa nepia teaipɨ ãchia oodada jĩra. Maamina chi nãɨ ĩjũane nemietá oodada pɨa k'enaipɨ».

Apocalipsi 13:8

Mãɨne chi nãɨ ĩjũane ãareaɨrãpa mãɨ ãnimara minachia k'ɨ̃riasidama. Nãɨ ĩjũa ooi naena ãchi t'ɨ̃ chi Oveja Chak'e k'art'ade eda bɨ baé pasima. Mãɨ chi ewaricha chok'ae p'ananai k'art'ade ãchi t'ɨ̃ ãarea eda bɨ bɨma.

Apocalipsi 17:8

Chi pɨa ununa ãnimara mietá bɨ naena chok'ae bada, idiapae newẽma, maamina ewariaba chi uria minachia bɨdepa cherude, Cristopa mãɨ ɨtɨaipɨ. Nãɨ ĩjũanepemarãpa mãɨ ãnimara unuutade k'awa k'ɨ̃risiadawẽa p'aneenaipɨ. Nãɨ ĩjũa ooi naena ãchi t'ɨ̃ chi ewaricha chok'ae p'ananai k'art'ade bɨwẽa basima.

Apocalipsi 19:5

Mãɨnepa mɨa ũrisima Tachi Ak'õre suak'a beeparí auk'ará bɨdepa abaɨpa nãɨya pedearut'a: «¡Jõma chi Tachi Ak'õre pae pari mimiapataɨrãpa, Tachi Ak'õrea pia pedeat'ɨ! ¡Machi, chi Tachi Ak'õre wap'ea berãpa, ichiá pia pedeat'ɨ! ¡Chi atepe berãpa mãɨnepa chi k'aepea berã pida pia pedeat'ɨ!»

Apocalipsi 2:23

Ichi warrarã mɨa ãarea piupiipɨ. Mãɨya ũpẽarã ãareaɨrãpa k'awadaipɨ mɨa jõmãɨrã k'ɨ̃risia k'awa bɨt'a. Ichiaba k'awadaipɨ jõmãɨrãpa ãchi sõnepa oo k'ɨ̃ria p'anɨt'a, mɨa mãɨ k'awa bɨt'a. Ara machicha oodada jĩra mɨa ɨtɨaipɨ.

Apocalipsi 20:11

Mãɨya nak'ari mɨa chi suak'a beeparí waibɨa t'ot'oa bɨt'a unusima. Ichiaba chi mãɨne suak'abari bɨt'a unusima. Ichi k'ĩrari nãɨ ĩjũa ãarea mãɨnepa pajã sida wẽpasima. Abaɨ pida waa ununaé pasima.

Apocalipsi 20:13

Chi p'usade piudaadarã ãarea Tachi Ak'õre k'ĩrari chesidama. Abaeda chi piudaadarã jaore ãarea ãchi p'anapataɨmãɨpa Tachi Ak'õre k'ĩrari chesidama. Maapae Tachi Ak'õrepa ãchicha ɨtɨasima ãchia oodada jĩra.

Apocalipsi 20:15

Chi ẽpẽerã ewaricha chok'ae p'ananai k'art'ade chi t'ɨ̃ bɨwẽa be Tachi Ak'õrepa mãɨrã t'ɨpɨ uruade jirat'aasima.

Apocalipsi 21:27

Maamina ãarea chi Tachi Ak'õrepa pia unuk'apɨ́ chi p'uurude eda p'ue ateewãnaiwẽma. Chi nemietá oopataɨrã mãɨnepa chi seajarapataɨrã eda wãnaiwẽma. Abapuru chi ewaricha chok'ae p'ananai k'art'ade chi t'ɨ̃ bɨ berã mãɨrã p'ue eda wãnaipɨ. Mãɨ k'art'a chi Oveja Chak'epa uru bɨma.

Apocalipsi 22:12

»¡Ũrit'ɨ, mɨ isapea cheipɨ! Cherude mɨa jõmãɨrã́ ne teade eneemeeipɨ ãchia oodada jĩra.

Apocalipsi 3:5

Nemietá p'uedaadapa ara mãɨ jĩra neet'á t'ot'oa bɨt'a jɨ̃naipɨ. Ãchi t'ɨ̃ chi ewaricha chok'ae p'ananai k'art'ade eda bɨ bɨ pẽra mɨa ãchi t'ɨ̃ wẽpapiiwẽma. Maawẽapuru mɨ Ak'õre k'ĩrari, mãɨnepa ichi pae pari mimiapataɨrã pajãnepema k'ĩrari ãchi mõréane aipɨ.