Apocalipsi 20:1 - Tachi Ak'õre Pedea

¹ Mãɨya nak'ari mɨa Tachi Ak'õrepa ɨt'aripa peeda aba pajãnepa edá cherut'a unusima. Ichia chi uria minachia bɨ eda wãpataɨ ewaparí uru basima. Mãɨnepa k'ãnena minachia bɨ ichi juade uru basima.

Apocalipsi 20:1 ပူးပေါင်းရင်းမြစ်များ

Luca 8:31

Mãɨne ãchia Jesua chichupuria idisidama edá uria minachia bɨ p'ue ochiadak'apɨɨdea peepiemaapa.

2 Pedro 2:4

Chi Tachi Ak'õrepa ɨt'aripa peedaɨrãpa nemietá oosidaɨde Ichia k'ĩra chupuriaé pasima. Mãɨpari mietade uria p'ãrio bɨde jirak'oasima. Mãma k'ãnenapa jɨ̃ p'anɨma aba Tachi Ak'õrepa ãchi nepɨra ak'ɨi ewaridea.

Juda 1:6

Mãɨnepa k'ɨ̃risiat'ɨ chi eda waapẽarã Tachi Ak'õrepa ɨt'aripa peedaɨrã Tachi Ak'õrepa bɨda jĩra p'aneenaé pasit'a. Mãɨpari ãchi p'anana itu bɨsidama. Mãɨpuru Tachi Ak'õrepa uria p'ãrio bɨde ewaricha eda jɨ̃a nɨbɨsima aba ichia ɨtɨai ewaridea.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Apocalipsi 10:1

Mãɨya nak'ari k'ãmok'araa jĩra mɨa Tachi Ak'õrepa ɨt'aripa peeda chi atepe bɨt'a pajãnepa edá cherut'a unusima. Ichi neet'á jɨ̃ara jĩra basima. Ichi poro ɨ̃rɨ iuma jũra basima. Ichi k'ĩra ɨmata jĩra urua basima. Ichi jĩru t'ɨpɨ urua nɨbɨ jĩra basima.

Apocalipsi 18:1

Mãɨya nak'ari mɨa Tachi Ak'õrepa ɨt'aripa peeda unusima pajãnepa edá cherut'a. Mãɨ chi minachia k'awa bɨ pasima. Ichi achiterreapa nãɨ ĩjũa ãarea jẽrat'ĩusima.

Apocalipsi 20:3

Tachi Ak'õrepa ɨt'aripa peedapa chi uria minachia bɨde edá jirat'aak'ari jɨ̃a nɨbɨk'ari maapae t'ap'asima, mi ãpia pida p'ue ewapiemaapa. Mãɨpa tiorepa tuachapemarã waa seaiwẽma aba mil ãyo jõrunea. Mil ãyo pak'ari ichi ẽraipɨ nãɨ ĩjũane tãaraawẽa bamẽrá.