Apocalipsi 2:14 - Tachi Ak'õre Pedea

¹⁴ Maamina mɨa mãra k'orea ne ãpia jarai bɨma. Eda waapẽarã mãranepemarãpa Balaampa jarateada ũri p'anɨma. Balaampa Balác jarateasima sãmaasã́ israel ĩjũanepemarã nemietaade baepiit'a. Juapa oodada sãdorã́ ne k'iuru teada k'opipachima mãɨnepa chi k'ak'uadepa nemietá oopipachima.

Apocalipsi 2:14 ပူးပေါင်းရင်းမြစ်များ

Mateo 18:7

¡Chi waapẽarã́ nãɨ ĩjũanepemarã nemietá oopipataɨrã ãchi chupuria p'ananaipɨ! Mãɨrã paraapɨ, maamina chi waapẽarã́ nemietá oopiparí, mãɨ mĩa chupuri baipɨ.

Hecho 15:29

juapa oodada sãdo ne k'iuru paateada k'odaiwẽa p'anɨma mãɨnepa oa k'odaiwẽa p'anɨma, ãnimara ojɨ̃ peadada k'odaiwẽa p'anɨma mãɨnepa nemietá awaraɨ ome oodaiwẽa p'anɨma. Ãarea mãɨ oosidara pia p'ananaipɨ. Pia p'anat'ɨ.

Hecho 21:25

Maamina judiorãwẽ Jesude ĩjãapataɨrãpa oodai p'anɨt'a taipa k'awa jaradak'ari k'art'ade bɨsidama: ãchia juapa oodada sãdoa teadada k'odaiwẽa p'anɨma, oa k'odaiwẽa p'anɨma, ãnimara ojɨ̃ peadada k'odaiwẽa p'anɨma mãɨnepa awaraɨ ome nemietá oodaiwẽa p'anɨma.

Romano 11:9

Mãɨnepa judiorã poro jũra jɨ̃parí jɨ̃ bɨ Davipa mãɨ k'orea Tachi Ak'õrea jarasima: «Ãchi arapaapataɨ nek'opataɨ te oomaa p'anɨne, pɨa ãchiá ãchi ɨtɨaiwẽane a k'ɨ̃risiapise. Mãɨya ãchi tuaba seadaipɨ ãnimara k'idap'ede baeuta jĩra. Mãɨne ãchi ɨtɨase.

Romano 14:13

Mãɨpuru abaɨpa oo bɨ k'orea waa piawẽa pedeadaiwẽa p'anɨma. Mãɨpari sõnepa nãɨya k'ɨ̃risiadai p'anɨma: tachia oo p'anɨnepa ũpẽa abaɨ sida nemietaade baepidaiwẽa p'anɨma.

Romano 14:21

Pia bɨma ne k'iuru k'oiwẽt'a, uvaba toiwẽt'a, wa mi ãpia pida ooiwẽt'a, pɨ ũpẽa nemietaade baepiemaapa.

Romano 9:32

¿K'ãre k'orea mãɨyanaé pasima? Mãɨyanaé pasima Cristode ĩjãanai k'aepẽra ãchia oo p'anɨnepa ichi k'ĩrari jĩp'a p'ananai k'orea jɨrɨ p'anana pẽra. Piarã ãchia Cristode ĩjãanaé pasima mawaramá t'enabariuta jĩra.

1 Corintio 1:23

Maamina taipa Cristo k'urusude piuda jaratea p'anɨma. Mãɨ pedea judiorãpa pia ũrinak'ama. Judiorãwẽpa mãɨ piawẽa bɨ k'ɨ̃risiapatama.

1 Corintio 7:2

Maamina mãra t'ãena mãɨya minachia nemietá oopata pẽra ɨmɨk'ĩracha ãchi k'ima uru bai bɨma, mãɨnepa wẽerã pida ãchicha ãchi k'ima uru bai bɨma.

Hebreo 13:4

Ãareaɨrãpa ãchi k'ima ome pia p'ananai k'orea minachia k'ɨ̃risiat'ɨ. Tachi k'ak'uadepa nemietá oopataɨ mãɨnepa k'ima awaraɨ ome k'ãipataɨ Tachi Ak'õrepa ɨtɨai pẽra abapuru mãra k'ima ome k'ãinai p'anɨma.

1 Pedro 2:8

Mãɨnepa nãɨya bɨ bɨma: «Mãɨ mawaramá ẽpẽrarã t'enabaridak'ari baedaipɨ». Ãchia Tachi Ak'õre pedea ĩjãanawẽa p'anɨ pẽra mawaramá t'enabariuta jĩra p'anɨma. Tachi Ak'õrepa ãchi bɨsima mãɨya p'ananamẽrá.

2 Pedro 2:15

Tachi Ak'õre o jĩp'a bɨ itu bɨdak'ari o ãyá wãsidama. Beor warra Balaampa ooda jĩra oopatama. Balaam erreara awaa bada pẽra erreara k'orea nemietá ooi k'ɨ̃risiasima.

Juda 1:11

¡Miachupuri p'anɨma chi nemietaade nipapataɨrã! Caínpa ooda jĩra oopatama. Erreara k'ɨ̃ria p'anɨnepa Balaampa ooda jĩra piawẽa oo nipapatama. Corepa Moisé itu bɨda jĩra ara mãɨya Tachi Ak'õre itu bɨ p'anɨ pẽra ãchi sida ɨtɨaipɨ.

Apocalipsi 2:20

Maamina mɨa mãra k'orea ne ãpia jarai bɨma. Chi wẽra Jezabel apataɨpa sea jaratea bɨt'a mãrapa mãɨa itu jarateapi p'anɨma. Ara ichia Tachi Ak'õre pari pedeapariade aparima. Maamina ichia jaratea bɨdepa chi mɨ pae pari mimiapataɨrã seaparima k'ak'uadepa nemietaade nipadamẽrá mãɨnepa ne k'iuru juapa oodada sãdorã́ teada k'odamẽrá.

Apocalipsi 2:4

Maamina mɨa mãra k'orea ne ãpia jarai bɨma: mãra naena chi k'ɨ̃ria p'anapatat'a mãɨ waa idi chi k'ɨ̃ria p'anɨwẽma.

Apocalipsi 21:8

Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.