Apocalipsi 2:13 - Tachi Ak'õre Pedea

¹³ »Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.

Apocalipsi 2:13 ပူးပေါင်းရင်းမြစ်များ

Mateo 10:23

P'uuru abaɨde ẽpẽrarãpa mãra piawẽa oodai k'orea ẽp'ẽnaipɨra, awara p'uurudea mĩruwãt'ɨ. Mɨa piarã jararuma: mãra Israeldepema p'uuru becha jõma p'ɨrrɨadai naena mɨ, chi Ẽpẽra Warra cheipɨ.

Mateo 24:9

»Mãɨ ewaride ẽpẽrarãpa mãra jitadak'ari teadaipɨ mĩapidak'ari peadamẽrá. Mɨne ĩjãa p'anɨ k'orea jõmãɨrãpa mãra unuemaanaipɨ.

Mateo 4:10

Mãɨne Jesupa tiorea jarasima: —Tiore, ãyá wãse. Tachi Ak'õre pedeade nãɨya bɨ bɨma: “Aba pɨ Chipari Tachi Ak'õreapuru pia pedease. Ichia jara bɨt'a oo base”.

Luca 21:17

Mɨne ĩjãa p'anɨ k'orea jõmãɨrãpa mãra unuemaanaipɨ.

Hecho 22:20

Chi pɨ k'orea pedea bɨ Esteban peasidaɨde mɨ sida arí basima. Ichi peautat'a mɨa pia unusima. Mãɨ awara ãchi neet'á ɨ̃rɨ jɨ̃pataɨ mɨa ak'ɨ basima”.

Hecho 9:14

Mãɨ awara p'aarerã chi mãɨrã chaarearã t'ɨ̃nepa nãɨ p'uurudea che bɨma pɨde ĩjãapataɨrã jõma jita ateei k'orea.

1 Tesalonicense 5:21

Jõma mãɨ jĩrak'aua ũrit'ɨ, maapae aba chi piadepuru ĩjãat'ɨ.

1 Timoteo 5:8

Abaɨpa ara ichi ẽpẽrarã mãɨnepa ichi tedepemarã sida k'aripak'á baipɨra, Tachi Ak'õre pedea itu bɨ bɨma. Cristode ĩjãanak'apɨɨrã k'aepẽra piawẽa oo bɨma.

2 Timoteo 1:13

Mɨa jĩp'a jaratea bada jĩra jaratea base. Jesucristode ĩjãa bɨdepa, waapẽarã k'ɨ̃rianepa nipase.

2 Timoteo 2:12

Tachi minachia mĩa p'anɨ choadaipɨra, ichi ome chi minachia k'awa p'anɨrã jĩra p'ananaipɨ. Tachia Cristo atua p'anɨane adaipɨra, ichia pida tachi atua bɨade aipɨ.

Hebreo 10:23

Tachi Ak'õre pedea auda pẽra tachia nɨ p'anɨt'a mãɨnepa mãɨ k'orea ãareaɨrã́ jara p'anɨt'a mi ãpia pida k'ẽet'aadaiwẽa p'anɨma.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Santiago 2:7

Mãra Jesucristoderãpɨ. Maamina ¿ãchia ichi t'ɨ̃ pia bɨ k'orea k'achia pedeadaiwẽk'ãra?

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Apocalipsi 11:3

Mãɨ ewaride mɨa ẽpẽra ume tea peeipɨ mãɨrãpa mɨ k'orea pia pedeadamẽrá. Ãchia neet'á sõp'ua p'anɨne jɨ̃pataɨ jɨ̃nak'ari maapae Tachi Ak'õre k'orea pedeadaipɨ 1.260 ewari bɨpari».

Apocalipsi 12:11

Tachi ũpẽarãpa p'uesidama chi Oveja Chak'e oa ãrinanepa mãɨnepa ichia pedeade piarã ĩjãa bɨade a bɨdepa. Ãchi piudai p'anɨne wap'eadaé pasima, maawẽapuru chi Cristo pari piudayá p'anasima.

Apocalipsi 13:2

Mãɨ ãnimara mɨa ununa imama jĩra t'ɨt'ɨdɨa basima. Ichi jĩru ui jĩru jĩra basima. Ichi it'ae imama it'ae jĩra basima. Chi jepa mãɨ ãnimara chi nãɨ ĩjũa chipari jĩra papisima. Mãɨnepa ichi suak'a beeparí auk'ará bɨde suak'abari beepisima, chi nãɨ ĩjũane be ichi juade p'ue uru bamẽrá.

Apocalipsi 14:12

Mãɨpuru Tachi Ak'õre ẽpẽerãpa minachia ĩjãa p'anɨnepa chi ichia oopi bɨ pedea ũri p'ananai p'anɨma mãɨnepa minachia choadai p'anɨma.

Apocalipsi 17:14

Mãɨne ãchi Oveja Chak'e ome k'ĩruunaipɨ. Maamina chi Oveja Chak'epa ãchi p'ueipɨ ichi jõmãɨrã poro jũra jɨ̃parí jɨ̃ p'anɨrã k'aepẽra chi Atepe Bɨ pẽra, mãɨnepa jõmãɨrã chiparirã k'aepẽra chi Atepe Bɨ pẽra. P'uerude chi ichide minachia ĩjãa p'anɨ ichi ome p'ananaipɨ. Ãchi t'ɨ̃k'ari maapae jɨrɨ atasima».

Apocalipsi 17:6

Mãɨ ak'ɨside k'awasima mãɨ wẽra ẽpẽerã Tachi Ak'õreneerã oa torudepa piu basit'a, chi Jesude ĩjãapataɨrã peadada oapa. Mɨa mãɨ wẽra unuk'ari, waa k'awa k'ɨ̃risiawẽa beesima.

Apocalipsi 2:2

»Mãrapa oo p'anɨt'a mɨa k'awa bɨma. Mɨ pae minachia mimia p'anɨt'a mãɨnepa minachia mĩa p'anɨne ãarea choa p'anɨt'a k'awa bɨma. Mãrapa chi nemietá oopataɨrã́ itu oopidak'at'a k'awa bɨma. Eda waapẽarã mãramá wãnak'ari Jesucristopa peesiade apachidama. Maamina mãrapa jĩrak'aua ak'ɨ p'anɨnepa k'awasidama ãchi chi sea bet'a.

Apocalipsi 3:11

Mɨ tãaraawẽa bɨde cheipɨ. Mãɨpuru choa p'anat'ɨ mɨne ĩjãa p'anɨnepa. Mãɨya abaɨ pida mãra porode jũra jɨ̃parí ẽemariiwẽma.

Apocalipsi 3:3

Chi piarãpẽa pedea mãrapa ũrinana k'ɨ̃risia p'anat'ɨ. Mãɨne pia ĩjãat'ɨ. Nemietá itu bɨdak'ari Tachi Ak'õremá chet'ɨ. Mãra taujĩra p'ananaepɨra mɨ cheipɨ mãra ɨtɨai k'orea chi nechɨaparí atua nɨbɨde chepari jĩra.