Apocalipsi 19:4 - Tachi Ak'õre Pedea

⁴ Mãɨne chi veinticuatro chõarã mãɨnepa ẽpẽra jĩra k'ĩmari chok'ae p'anɨ sĩraporode bari k'op'aneesidama Tachi Ak'õre k'ɨ̃rianai k'orea. Tachi Ak'õre ichi suak'a beeparí auk'ará bɨde suak'abari bɨde ãchia nãɨya pia pedeasidama: «¡Mãɨya beese! ¡Tachi Chiparia pia pedeadai p'anɨma!»

Apocalipsi 19:4 ပူးပေါင်းရင်းမြစ်များ

Mateo 28:20

Ãchiá jarateat'ɨ mɨa mãrá jarada jõma ĩjãanak'ari oodamẽrá. Mãɨne mɨ mãra ome ewaricha baipɨ aba nãɨ ewari jõrunea.

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

1 Corintio 14:16

Pɨ jaorepa Tachi Ak'õrea pia pedeaipɨra chi pɨa jarada k'awa ũrik'apɨɨpa ¿sãmaasã́ mãɨ piarãane aima, pɨa sõpia bɨade ada k'orea?

Apocalipsi 15:7

Mãɨne ẽpẽra jĩra k'ĩmari chok'ae p'anɨnepema abaɨpa chi Tachi Ak'õrepa ɨt'aripa peedaɨrã́ ãchicha p'arat'u jãjoa bɨ nee ooda teasima. Mãɨ p'arat'ut'a chi Tachi Ak'õre ewaricha chok'ae baparí k'ĩruu bɨ k'awapi bɨma.

Apocalipsi 19:1

Mãɨya nak'ari mɨa pajãne chok'ará nãɨya pedea p'anɨt'a ũrisima. «¡Tachi Ak'õrea pia pedeadai p'anɨma! Ichiapuru ẽpẽerã k'aripa bɨma. Ichit'a chi atepe bɨma mãɨnepa chi jua chaarea bɨma.

Apocalipsi 19:3

Mãicha nãɨya jĩk'ua jarasidama: «¡Tachi Chiparia pia pedeadai p'anɨma! Jãɨ p'uuru paawãmaa bɨ nãri ewaricha nɨbaipɨ».

Apocalipsi 19:6

Maapae chok'ará jĩk'ua pedea p'anɨ mɨa ũrisima. Mãɨ to pedea jĩra pũa nɨbɨ jĩra basima mãɨnepa pa pedea minachia baeru jĩra basima. Ãchia nãɨya jara tuanasidama: «¡Tachi Chipari pia bɨma! ¡Tachi Chipari chi Ne Ãarea P'ue Bɨpɨ! ¡Ichit'a jõmãɨrã Chiparipɨ!

Apocalipsi 5:14

Maapae chi ẽpẽra jĩra k'ĩmari chok'ae berãpa nãɨya jarasidama: «Pia bɨma mãɨya bait'a». Ara mãɨne chi chõarã veinticuatro p'anɨ sĩraporode k'op'aneenak'ari chi ewaricha chok'ae bɨa pia pedeasidama.