Apocalipsi 19:14 - Tachi Ak'õre Pedea

¹⁴ Ichi k'aade chi pajãnepema papaká berã mũra t'ot'oa ɨ̃rɨ cheepɨrɨsidama. Ãchi neet'á lino p'aru t'ot'oa jɨ̃ p'anasima. Mi ãpia pida jayoawẽa beasima.

Apocalipsi 19:14 ပူးပေါင်းရင်းမြစ်များ

Mateo 21:5

«Sión p'uurudepemarã́ nãɨya jarat'ɨ: “Ak'ɨt'ɨ, mãra chipari mũra ɨ̃rɨ mãramá cheruma. Chi ẽpẽra minachia k'awa bɨ jĩra chewẽma. Mũra chak'e ɨ̃rɨ cheruma”».

Mateo 26:53

Mɨ Ak'õrea idiipɨra ara mãɨne ichia ɨt'aripa peedarã minachia peeipɨ. ¿Pɨa mãɨ k'awawẽa bɨk'ãra?

Mateo 28:3

Ichi k'ĩra pa achiterreapari jĩra urua basima. Ichi neet'á minachia t'ot'oa basima.

2 Tesalonicense 1:7

Maamina mãra, chi mĩa berã ɨ̃apaapiipɨ tai ɨ̃apaapii bɨ jĩra. Mãɨyaipɨ Tachi Chipari Jesú ichi ɨt'aripa peedaɨrã jua chaarea berã ome t'ɨpɨ tau urua nɨbɨde pajãnepa cherude. Mãɨne jõma Tachi Ak'õrene ĩjãanak'apɨɨrã mãɨnepa chi pedea pia Tachi Chipari Jesú k'orea ĩjãanak'apɨɨrã ɨtɨaipɨ.

Juda 1:14

Enopa mãɨ ẽpẽerã k'orea pedeasima. (Mãɨ Adannepa waa Enomá ẽpẽerãnepa chedaadarã bari k'ak'o siete pa p'anasima). Enopa nãɨya jarateasima: «¡Ũrit'ɨ! Tachi Chipari cheruma chi ichidirã minachia p'anɨ paara mãɨrã ãarea ɨtɨai k'orea. Mãɨne ãarea chi ichi k'ɨ̃rianak'apɨɨrã ɨtɨaipɨ, nemietá oodada pẽra ichi k'ɨ̃rianaé pẽra, mãɨnepa ichi k'orea minachia k'achia pedeadada pẽra».

Apocalipsi 14:1

Mãɨya nak'ari mɨa unusima chi Oveja Chak'e chi Sión p'uuru eya ɨ̃rɨ bai nɨbɨt'a. Ichi ome 144 mil p'anasima. Ãchi tau bɨɨrɨde chi Oveja Chak'e t'ɨ̃ mãɨnepa ãchi Ak'õre t'ɨ̃ bɨ uru p'anasima.

Apocalipsi 14:20

Jerusalén p'uuru awara chi uva pertɨasima. Mãɨ pertɨasidaɨde mãmãɨpa oa minachia chesima. Chi t'umá mũra k'idat'umá pa basima.

Apocalipsi 17:14

Mãɨne ãchi Oveja Chak'e ome k'ĩruunaipɨ. Maamina chi Oveja Chak'epa ãchi p'ueipɨ ichi jõmãɨrã poro jũra jɨ̃parí jɨ̃ p'anɨrã k'aepẽra chi Atepe Bɨ pẽra, mãɨnepa jõmãɨrã chiparirã k'aepẽra chi Atepe Bɨ pẽra. P'uerude chi ichide minachia ĩjãa p'anɨ ichi ome p'ananaipɨ. Ãchi t'ɨ̃k'ari maapae jɨrɨ atasima».

Apocalipsi 19:11

Mãɨya nak'ari mɨa unusima pajãne eda wãpataɨ ewa nɨbɨ. Mãɨya bɨde mũra t'ot'oa bɨt'a chesima. Mãɨ mũra ɨ̃rɨ suak'abari bɨt'a Chi Ichia Jarada Jĩra Abarik'a Oo Bɨade apatama mãɨnepa Chi Piarãane apatama. Ichia ẽpẽerã nepɨra jĩp'a ak'ɨparima mãɨnepa jĩp'a oo bɨdepa chi nek'ĩramá ome k'ĩruuparima.

Apocalipsi 19:8

Tachi Ak'õrepa lino p'aru t'ot'oa ũucho ũuchoa bɨdepa ichi k'ak'apiapisima». (Mãɨ lino p'arupa jara k'ɨ̃ria bɨma chi ẽpẽerã Tachi Ak'õrenerãpa ne jĩp'a oopataɨ).

Apocalipsi 3:4

Maamina mãra Sardidepemarã chi eda ãpia p'anɨnepema waidi nemietaade nipadawẽma, mãra neet'á jayoapidawẽa p'anɨ jĩra. Mɨ ome pia p'ananai k'orea p'anɨ pẽra, neet'á t'ot'oa jɨ̃nak'ari mɨ ome ará nipadaipɨ.

Apocalipsi 4:4

Mãɨnepa veinticuatro suak'a beeparí auk'ará p'anɨt'a jũra p'anasima. Chi mãɨ ɨ̃rɨ suak'a p'anasima chi chõarã 24 p'anɨt'a. Ãchi neet'á t'ot'oa beasima. Mãɨnepa poro jũra jɨ̃parí nee ooda jɨ̃ p'anasima.

Apocalipsi 7:9

Mãɨya nak'ari mãicha k'ãmok'araa jĩra mɨa ẽpẽerã minachia nɨbɨt'a unusima. Abaɨ pida ãchi p'ue joisiadaé pasima. Ĩjũachapema, p'uuruchapema, ẽpẽerã awaraɨrãchapema mãɨnepa pedeachapema mãma tuanasidama. Ãarea neet'á t'ot'oa jɨ̃ beasima, mãɨnepa ãchi sõpia p'anɨnepa ãchi juade meme k'irú uru p'anasima. Ãchi bai nɨp'anasima chi suak'a beeparí auk'ará bɨ naa mãɨnepa chi Oveja Chak'e k'ede naa.