Apocalipsi 19:11 - Tachi Ak'õre Pedea

¹¹ Mãɨya nak'ari mɨa unusima pajãne eda wãpataɨ ewa nɨbɨ. Mãɨya bɨde mũra t'ot'oa bɨt'a chesima. Mãɨ mũra ɨ̃rɨ suak'abari bɨt'a Chi Ichia Jarada Jĩra Abarik'a Oo Bɨade apatama mãɨnepa Chi Piarãane apatama. Ichia ẽpẽerã nepɨra jĩp'a ak'ɨparima mãɨnepa jĩp'a oo bɨdepa chi nek'ĩramá ome k'ĩruuparima.

Apocalipsi 19:11 ပူးပေါင်းရင်းမြစ်များ

Juan 1:51

Maapae Jesupa jarasima: —Mɨa piarã jararuma: mãrapa pajã ewa nɨbɨt'a ununaipɨ. Mãɨnepa ununaipɨ Tachi Ak'õrepa ɨt'aripa peedaɨrã mɨ, chi Ẽpẽra Warra bɨmá chedak'ari ya ɨt'aa wãutat'a.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Apocalipsi 11:19

Maapae Tachi Ak'õre te minachia bɨ pajãne bɨ ewasima. Mãma chi Tachi Ak'õrepa oopida baulte mɨa unusima. Mãɨne pa wiwirá nɨbeesima, pa bae nɨbeesima, mãɨnepa minachia jĩk'ua bae nɨbeesima. Nãɨ ĩjũa ore nɨbeesima mãɨnepa hielo k'oe jĩra bae nɨbeesima.

Apocalipsi 19:19

Maapae mɨa unusima ãnimara mietá bɨ, nãɨ ĩjũanepema poro jũra jɨ̃parí jɨ̃ p'anɨrã, mãɨnepa jõma ãchi papaká berã ará p'anɨt'a. Ará tuanasidama chi mũra ɨ̃rɨ suak'abari bɨ ome, mãɨnepa chi ichi ome p'anɨ papaká berã ome k'ĩruunai k'orea.

Apocalipsi 19:21

Chi k'ĩruuparí nek'o ichi it'aedepa ochia bɨpa waapẽarã ãarea k'enasima. Maapae jõma chi ne mik'ia k'opataɨ ɨt'ɨ wãamaripataɨrã mãɨ k'iuru k'o p'anɨpa jãwaasidama.

Apocalipsi 3:14

»Chi Laodicea p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi Piarãpẽa Pedea apataɨpa Tachi Ak'õre k'orea piarã jõma arí jaraparima. Ichidepa Tachi Ak'õrepa nejõma oosima. Ichia nãɨya jara bɨma:

Apocalipsi 3:7

»Chi P'iladelp'ia p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Ichi chi Tachi Ak'õre Paepuru Bɨ mãɨnepa chi Piarã Pedea Aba Bɨ, chi Daví p'uuru minachia k'awa bɨpɨ. Chi ichia ewaru mi ãpia pida p'ue serraiwẽma. Ichia serraru mi ãpia pida p'ue ewaiwẽma.

Apocalipsi 4:1

Mãɨya nak'ari mɨa k'ãmok'araa jĩra unusima pajãne eda wãpataɨ ewa nɨbɨt'a. Mãɨne mɨa ãnimara k'achu pedea jĩra naena ũri badapa jarasima: «Nãma ɨt'aa chese. Mɨa pɨá unupiipɨ nãɨ ewari cherude chi mãɨ ne bai bɨt'a».

Apocalipsi 6:2

Mãɨ mãmá ak'ɨside, mũra t'ot'oa bɨt'a unusima. Chi mãɨ mũra ɨ̃rɨ suak'abari bɨpa sia jĩra bɨt'a uru basima. Abaɨpa ichiá poro jũra jɨ̃parí teasima. Ara mãɨne waapẽarã jõma p'uek'ari, mãicha waapẽarã jõma p'ueyá wãsima.