Apocalipsi 18:20 - Tachi Ak'õre Pedea

²⁰ ¡Jõma pajãne be arapaat'ɨ jãɨ p'uuru jõna pẽra! Ẽpẽerã Tachi Ak'õreneerã, Jesupa peedaɨrã mãɨnepa Tachi Ak'õre pari pedeapataɨrã arapaat'ɨ. Tachi Ak'õrepa jãɨ p'uuru ɨtɨasima, mãra piawẽa ooda pẽra».

Apocalipsi 18:20 ပူးပေါင်းရင်းမြစ်များ

Ep'esio 2:20

Mãra mawara te jĩra p'anɨma. Jesupa peedaɨrã mãɨnepa Tachi Ak'õre pari pedeapataɨrã mãɨ te jĩru mawara jĩra p'anɨma. Mãɨ tedepema mawara chi piipará bɨ, Jesucristopɨ.

Ep'esio 3:5

Naena Tachi Ak'õrepa ẽpẽrarã́ mãɨ k'awapiwẽa basima, maamina naapae chi ichi pari pedeapataɨrã́ mãɨnepa chi Jesucristopa peedaɨrã́ ichi Jaoredepa mãɨ k'awapisima.

Ep'esio 4:11

Ichiapuru chi eda waapẽarã bɨsima ichia peedaɨrã p'ananamẽrá, waapẽarã bɨsima Tachi Ak'õre pari pedeapataɨrã p'ananamẽrá, waapẽarã bɨsima chi pedea pia Cristo k'orea jaratea nipadamẽrá, mãɨnepa waapẽarã bɨsima ũpẽarã ak'ɨpataɨrã mãɨnepa jarateapataɨrã p'ananamẽrá.

2 Pedro 3:2

Mɨa k'ɨ̃ria bɨma Tachi Ak'õre pari pedeapataɨrãpa naena jaradaadade mãrapa k'ɨ̃risiadamẽrá. Mãɨnepa k'ɨ̃ria bɨma Jesucristo Tachi Chipari mãɨnepa Tachi K'aripaparipa jarateadade k'ɨ̃risiadamẽrá. Mãɨ ichia peedaɨrãpa mãrá jarateasidama.

Juda 1:17

Maamina ũpẽarã, chi Tachi Chipari Jesucristopa peedaɨrãpa naena jaradada k'ɨ̃risiat'ɨ.

Apocalipsi 12:12

¡Mãɨpuru chi ãarea pajãne nɨbɨ arapaat'ɨ! Maamina chi nãɨ ĩjũane nɨbɨ mãɨnepa chi p'usade nɨbɨ sõk'achiadaipɨ, tiore ãchimá chesideepuru. Tiorepa Jesú minachia tãaraa baiwẽ k'awa bɨ pẽra minachia k'ĩruu bɨma».

Apocalipsi 18:6

Jãɨ p'uuru piawẽa oot'ɨ waapẽarã piawẽa oodada jĩra. Waapẽarã piawẽa oodada jĩra ara mãɨya bari k'ak'o ume piawẽa oot'ɨ. Jãɨ p'uurudepemarãpa waapẽarã piawẽa oodada pẽra, bari k'ak'o ume ɨtɨat'ɨ, uvaba asia topiru jĩra. Mãɨpuru ichi bari k'ak'o ume piawẽa oot'ɨ uvaba asia bari k'ak'o ume tearu jĩra.

Apocalipsi 6:10

Nãɨya ɨbɨa jarasidama: «Jõmãɨrã Chipari, pɨ minachia pia bɨma, mãɨnepa pɨ pedea piarãpẽapɨ. ¿Sãapae pɨa chi jãɨ ĩjũanepemarã nepɨra ak'ɨk'ari maapae ɨtɨaima, tai peadada k'orea?»