Apocalipsi 18:2 - Tachi Ak'õre Pedea

² Ichia nãɨya jĩk'ua jarasima: «¡Babilonia p'uuru minachia bɨ baesima! ¡Piarã ãarea baesima! Ẽpẽerã newẽma, maawẽapuru jaore mietaarã mãma p'anapatama. Jõma jaore mietá be mãma p'anapatama. Jõma ĩpana Tachi Ak'õre k'ĩrari mietá be mãma p'anapatama.

Apocalipsi 18:2 ပူးပေါင်းရင်းမြစ်များ

Apocalipsi 1:15

Ichi jĩru bronce t'ɨpɨde torroapidak'ari achiterreada jĩra basima. Ichi pedea to minachia cheru jĩra jĩk'ua basima.

Apocalipsi 10:3

Maapae ichi imama arraapari jĩra jĩk'ua biasima. Mãɨya biak'ari pa bari k'ak'o siete baesima.

Apocalipsi 11:8

Chi piudada chi Jerusalén p'uuru waibɨa bɨde bari beaipɨ. Mãɨ p'uuru «Sodomaane» wa «Egitoade» apatama, mãma ãchi Chipari Jesú k'urusude barijira bɨdada pẽra.

Apocalipsi 14:15

Mãɨne chi Tachi Ak'õre te minachia ɨt'ari bɨdepa aba chi ichia ɨt'aripa peeda ochiak'ari chi pajãnepa chi jɨ̃ara ɨ̃rɨ suak'a badá nãɨya jĩk'ua jarasima: «Chi ĩjũane ne uudada ãarea wará nɨbeesima. Pɨchi nek'opa pude wãse, chi mãɨ pui ewari pasi pẽra».

Apocalipsi 14:8

Mãɨ Tachi Ak'õrepa ɨt'aripa peeda mãɨ ɨ̃ari chek'ari nãɨya jarasima: «Babilonia p'uuru jõsima. Piarã ãarea baesima. Mãɨ p'uurudepemarãpa chi minachia k'ĩra p'era oo p'anɨpa tuachadepemarã́ abarik'a nemietá oopisidama uvaba topiuta jĩra».

Apocalipsi 16:13

Mãɨnepa mɨa jaore ũpea mietá tobio jĩra bet'a unusima. Abaɨ chi je it'aedepa ochiasima. Ya abaɨ ãnimara it'aedepa ochiasima. Mãɨnepa abaɨ ochiasima chi piarã Tachi Ak'õre pari pedeapariwẽ it'aedepa.

Apocalipsi 16:19

Chi p'uuru waibɨa bɨ bari k'ak'o ũpea ãarea t'odochoapisima. Mãɨnepa jõma nãɨ ĩjũanepema p'uuru baewãk'oasidama. Tachi Ak'õrepa Babilonia p'uuru waibɨa bɨdepema k'ɨ̃risiasima, mãɨ ɨtɨai k'orea. Ichi k'ĩruupidepa mãɨ p'uuru minachia ɨtɨasima uvaba minachia asia bɨ topi bɨ jĩra.

Apocalipsi 17:18

Chi pɨa ununa wẽra k'achia bɨ p'uuru waibɨa bɨ jara k'ɨ̃ria bɨma. Mãɨ p'uurudepema poro jũra jɨ̃parí jɨ̃ bɨpa chi waapẽarã tuachadepema poro jũra jɨ̃parí jɨ̃ p'anɨrã ichi juade uru bɨma».

Apocalipsi 17:5

Ichi tau bɨɨrɨde t'ɨ̃ aba tachia ũrinak'apɨ́ bɨ uru basima. Nãɨya bɨ basima: «Mɨ Babilonia chi p'uuru minachia bɨpɨ. Mɨ wẽrarã k'achiarã naepɨ, mãɨnepa chi ãarea nãɨ ĩjũane Tachi Ak'õrepa k'ɨ̃riak'apɨ́ naepɨ».

Apocalipsi 18:10

Wap'ea p'ananaipɨ Tachi Ak'õrepa Babilonia p'uuru ɨtɨada jĩra ãchi sida ɨtɨaipɨ. Mãɨ k'orea t'ɨmɨɨpa ak'ɨ p'anɨne nãɨya jaradaipɨ: «¡Miachupuri, miachupuri Babilonia p'uuru minachia bɨ ne wawaria oo bada pẽra! Tachi Ak'õrepa jãɨ p'uuru isapea ɨtɨasima».

Apocalipsi 18:21

Maapae Tachi Ak'õrepa ɨt'aripa peeda chi atepe bɨpa mawara waibɨa k'ũruma minachia bɨt'a atak'ari p'usadea jirat'aasima. Mãɨya oorude nãɨya jarasima: «Mãɨ mawara p'usadea jirat'aada jĩra Babilonia p'uuru minachia bɨ isapea ãarea jõipɨ. Mãɨ p'uuru waa ununaiwẽma.

Apocalipsi 5:2

Mãɨne mɨa Tachi Ak'õrepa ɨt'aripema peeda jua chaarea bɨt'a unusima. Ɨbɨa pedea bɨdepa idisima: «¿K'ai pia bɨma nãɨ k'art'a k'ara nɨbɨ oet'aak'ari ewait'a?»