Apocalipsi 18:10 - Tachi Ak'õre Pedea

¹⁰ Wap'ea p'ananaipɨ Tachi Ak'õrepa Babilonia p'uuru ɨtɨada jĩra ãchi sida ɨtɨaipɨ. Mãɨ k'orea t'ɨmɨɨpa ak'ɨ p'anɨne nãɨya jaradaipɨ: «¡Miachupuri, miachupuri Babilonia p'uuru minachia bɨ ne wawaria oo bada pẽra! Tachi Ak'õrepa jãɨ p'uuru isapea ɨtɨasima».

Apocalipsi 18:10 ပူးပေါင်းရင်းမြစ်များ

Apocalipsi 11:8

Chi piudada chi Jerusalén p'uuru waibɨa bɨde bari beaipɨ. Mãɨ p'uuru «Sodomaane» wa «Egitoade» apatama, mãma ãchi Chipari Jesú k'urusude barijira bɨdada pẽra.

Apocalipsi 14:8

Mãɨ Tachi Ak'õrepa ɨt'aripa peeda mãɨ ɨ̃ari chek'ari nãɨya jarasima: «Babilonia p'uuru jõsima. Piarã ãarea baesima. Mãɨ p'uurudepemarãpa chi minachia k'ĩra p'era oo p'anɨpa tuachadepemarã́ abarik'a nemietá oopisidama uvaba topiuta jĩra».

Apocalipsi 16:19

Chi p'uuru waibɨa bɨ bari k'ak'o ũpea ãarea t'odochoapisima. Mãɨnepa jõma nãɨ ĩjũanepema p'uuru baewãk'oasidama. Tachi Ak'õrepa Babilonia p'uuru waibɨa bɨdepema k'ɨ̃risiasima, mãɨ ɨtɨai k'orea. Ichi k'ĩruupidepa mãɨ p'uuru minachia ɨtɨasima uvaba minachia asia bɨ topi bɨ jĩra.

Apocalipsi 17:12

»Chi pɨa k'achu diez ununa jara k'ɨ̃ria bɨma poro jũra jɨ̃parí jɨ̃ p'anɨrã diez p'anɨt'a. Ãchi waidi poro jũra jɨ̃parí jɨ̃ p'anɨrã padawẽma. Maamina chi ãnimara mietá bɨ poro jũra jɨ̃parí jɨ̃ bɨ parude ãchi sida poro jũra jɨ̃parí jɨ̃ p'anɨrã padaipɨ. Maamina tãaraanaiwẽma.

Apocalipsi 18:18

Mãɨ p'uuru paa nɨbɨ nãri unuutade nãɨya jĩk'ua jaradaipɨ: «¿Sãɨ p'uuru jãɨ p'uuru bada jĩra bɨma?»

Apocalipsi 18:19

Sõp'uapa nãɨya jĩk'ua jẽanaipɨ: «¡Miachupuri, miachupuri jãɨ p'uuru minachia bada! Jãɨ p'uuru ne minachia uru bada pẽra, chi p'ãp'orro uru be jãma ɨbɨa p'aneesidama. Maamina jãɨ p'uuru isapea ãarea jõsima.

Apocalipsi 18:21

Maapae Tachi Ak'õrepa ɨt'aripa peeda chi atepe bɨpa mawara waibɨa k'ũruma minachia bɨt'a atak'ari p'usadea jirat'aasima. Mãɨya oorude nãɨya jarasima: «Mãɨ mawara p'usadea jirat'aada jĩra Babilonia p'uuru minachia bɨ isapea ãarea jõipɨ. Mãɨ p'uuru waa ununaiwẽma.

Apocalipsi 18:8

Mãɨya k'ɨ̃risia bɨ pẽra ewari aba bɨde jãɨ p'uurudepemarã sõk'achiapa jẽanaipɨ, jarrapa piawẽa tuananaipɨ mãɨnepa ãarea piudaipɨ. Tachi Ak'õre Chipari jõma p'ue bɨpa ak'ɨrude jãɨ p'uuru paaipɨ».