Apocalipsi 17:4 - Tachi Ak'õre Pedea

⁴ Mãɨ wẽrapa neet'á chi arena k'ĩra mãɨnepa p'urea bɨt'a jɨ̃ basima. Nee ooda auk'ará be, mawara neepɨa be mãɨnepa ne achiterrea be jɨ̃ basima. P'arat'u jãjoa bɨ nee ooda ichi juade uru basima. Mãɨ p'arat'u jãjoa bɨ nejõma Tachi Ak'õrepa k'ɨ̃riak'aɨ mãɨnepa jõma mãɨ wẽrapa k'ĩra p'era oo bɨpa ipiru basima.

Apocalipsi 17:4 ပူးပေါင်းရင်းမြစ်များ

Apocalipsi 14:8

Mãɨ Tachi Ak'õrepa ɨt'aripa peeda mãɨ ɨ̃ari chek'ari nãɨya jarasima: «Babilonia p'uuru jõsima. Piarã ãarea baesima. Mãɨ p'uurudepemarãpa chi minachia k'ĩra p'era oo p'anɨpa tuachadepemarã́ abarik'a nemietá oopisidama uvaba topiuta jĩra».

Apocalipsi 18:12

Mãɨ p'uurude ne ãarea netopachidama: nee, nee jĩra be, mawara neepɨa be, neet'á neepɨa be, lino p'aru, seda p'aru, p'aru chi molau be, p'aru p'urea be, pak'uru p'iumá be, elep'ante k'ida ne ooda, pak'uru neepɨa be ooda, bronce ooda, jiorro ooda, mãɨnepa marmol mawara ooda mãɨ netopachidama.

Apocalipsi 18:16

«¡Miachupuri, miachupuri jãɨ p'uuru minachia bɨ pẽra! Jãɨ p'uuru wẽra lino p'aru chi piipará bɨt'a k'ak'apia bɨ jĩra jɨ̃ basima. P'aru chi molau bɨt'a mãɨnepa p'urea bɨt'a k'ak'apia bɨ jĩra jɨ̃ basima. Nee oodat'a, neet'á neepɨa bɨt'a mãɨnepa mawara neepɨa k'edet'a k'ak'apia bɨ jĩra jɨ̃ basima.

Apocalipsi 19:2

Ara ichi piarãpẽanepa ãarea jĩp'a ɨtɨaparima. Wẽra nemietá ooparí pada chi mãɨ t'ɨ̃ p'oa bada ɨtɨasima, nemietá oo bɨdepa ãarea nãɨ ĩjũanepemarã́ abarik'a nemietá oopida pẽra. Tachi Ak'õrepa mãɨ wẽra ɨtɨasima, chi ichi pae pari mimiapataɨrã k'enana k'orea».

Apocalipsi 21:21

Mãɨ p'uurude eda wãpataɨ doce p'anɨ ne achiterrea be ooda pasima. Mãɨ mawara achiterrea be abapuru ooda pasima. Chi o p'uuru esa bɨ nee chiarapa ooda pasima. Mãɨ tot'á basima vidrio jĩra.

Apocalipsi 9:21

Mãɨnepa ẽpẽra mĩa peapataɨ, waapẽarã nɨɨpataɨ, tachi k'ak'uadepa nemietá oopataɨ mãɨnepa nechɨapataɨ itu bɨdaé pasima.