Apocalipsi 17:3 - Tachi Ak'õre Pedea

³ Ara mãɨne Tachi Ak'õre Jaoredepa bɨde Tachi Ak'õrepa ɨt'aripa peedapa mɨ ĩjũa pania newẽa bɨdea ateesima. Mãma mɨa unusima wẽra ãnimara mietá mãɨnepa p'urea bɨ ɨ̃rɨ suak'abari bɨt'a. Chi ãnimara k'ak'uade t'ɨ̃ miak'ãe bɨ basima. Mãɨpa Tachi Ak'õre k'orea k'achia pedea basima. Poro siete mãɨnepa k'achu diez uru basima.

Apocalipsi 17:3 ပူးပေါင်းရင်းမြစ်များ

Mateo 27:28

Maapae Jesú neet'á wẽanak'ari k'ak'ua ɨ̃rɨ jɨ̃pataɨ p'urea bɨ jɨ̃pisidama.

Hecho 8:39

Toedaɨpa ochia cheside Tachi Chipari Jaorepa P'elipe ãyá ateewãsima. Chi Etiopiadepema mimiaparí minachia k'awa bɨpa ichi waa unué pasima, maamina ode arapá wãsima.

2 Tesalonicense 2:4

Mãɨ ẽpẽra k'achia bɨpa Tachi Ak'õre k'ɨ̃riawẽa baipɨ. Ichiaba jõmãɨrãpa nãɨ ĩjũanepema tachi ak'õreane apataɨ k'ɨ̃riawẽa baipɨ. Ichia ãarea mãɨ k'aepẽra chi atepe minachia k'awa bɨade aipɨ. Mãɨpuru Tachi Ak'õre te minachia bɨde suak'abari beek'ari ichit'a Tachi Ak'õreane aipɨ.

Apocalipsi 1:10

Tachi Chipari ewaride mɨ Tachi Ak'õre Jaoredepa basima. Mãɨne mɨ ãpɨte abaɨpa pedea ãnimara k'achu chaaru jĩra ũrisima.

Apocalipsi 12:14

Maamina jepa piawẽa oopiemaapa Tachi Ak'õrepa wẽrá ĩk'arra ume teasima ĩjũa pania newẽa bɨmá wãamari wãmẽrá. Mãma Tachi Ak'õrepa ichi ãyo ũpeak'ari ya estarik'a chi jedepema ak'ɨ uru bai k'orea ãarea oo uru basima.

Apocalipsi 12:3

Maapae mãicha pajãne ne jara k'ɨ̃ria bet'a unupisima. Mɨa je p'urea minachia bɨt'a unusima. Mãɨ jepa poro siete uru basima mãɨnepa k'achu diez uru basima. Poro jũra jɨ̃parí porocha jɨ̃ basima.

Apocalipsi 12:6

Maapae wẽra ĩjũa pania newẽa bɨmá mĩruwãsima. Mãma Tachi Ak'õrepa ãarea oo uru basima, 1.260 ewari ichi ak'ɨ uru p'ananamẽrá.

Apocalipsi 17:18

Chi pɨa ununa wẽra k'achia bɨ p'uuru waibɨa bɨ jara k'ɨ̃ria bɨma. Mãɨ p'uurudepema poro jũra jɨ̃parí jɨ̃ bɨpa chi waapẽarã tuachadepema poro jũra jɨ̃parí jɨ̃ p'anɨrã ichi juade uru bɨma».

Apocalipsi 17:4

Mãɨ wẽrapa neet'á chi arena k'ĩra mãɨnepa p'urea bɨt'a jɨ̃ basima. Nee ooda auk'ará be, mawara neepɨa be mãɨnepa ne achiterrea be jɨ̃ basima. P'arat'u jãjoa bɨ nee ooda ichi juade uru basima. Mãɨ p'arat'u jãjoa bɨ nejõma Tachi Ak'õrepa k'ɨ̃riak'aɨ mãɨnepa jõma mãɨ wẽrapa k'ĩra p'era oo bɨpa ipiru basima.

Apocalipsi 18:12

Mãɨ p'uurude ne ãarea netopachidama: nee, nee jĩra be, mawara neepɨa be, neet'á neepɨa be, lino p'aru, seda p'aru, p'aru chi molau be, p'aru p'urea be, pak'uru p'iumá be, elep'ante k'ida ne ooda, pak'uru neepɨa be ooda, bronce ooda, jiorro ooda, mãɨnepa marmol mawara ooda mãɨ netopachidama.

Apocalipsi 18:16

«¡Miachupuri, miachupuri jãɨ p'uuru minachia bɨ pẽra! Jãɨ p'uuru wẽra lino p'aru chi piipará bɨt'a k'ak'apia bɨ jĩra jɨ̃ basima. P'aru chi molau bɨt'a mãɨnepa p'urea bɨt'a k'ak'apia bɨ jĩra jɨ̃ basima. Nee oodat'a, neet'á neepɨa bɨt'a mãɨnepa mawara neepɨa k'edet'a k'ak'apia bɨ jĩra jɨ̃ basima.

Apocalipsi 21:10

Ara mãɨne Tachi Ak'õre Jaoredepa bɨde ichia mɨ eya minachia ɨt'ɨ bɨmá ateewãsima. Mãma unupisima Tachi Ak'õre p'uuru chiwidi Jerusalén apataɨ Tachi Ak'õre bɨmãɨpa pajãnepa edá cherut'a.

Apocalipsi 4:2

Ara mãɨne mɨ Tachi Ak'õre Jaorede beek'ari, suak'a beeparí auk'ará bɨt'a pajãne unusima. Mãɨ ɨ̃rɨ aba suak'abari basima.