Apocalipsi 17:17 - Tachi Ak'õre Pedea

¹⁷ Tachi Ak'õrepa mãɨ diez poro jũra jɨ̃parí jɨ̃ p'anɨrã sõne bɨsima ichia k'ɨ̃ria bɨ jĩra oodamẽrá. Mãɨ k'orea abarik'a k'ɨ̃risia uru p'ananak'ari ãchi ãnimara mietá bɨ juade bɨdaipɨ aba Tachi Ak'õrepa jarada jõma mãɨyarunea.

Apocalipsi 17:17 ပူးပေါင်းရင်းမြစ်များ

Luca 22:22

Piarã mɨ, chi Ẽpẽra Warra minachia mĩa bɨma Tachi Ak'õrepa jarada jĩra, ¡maamina chi mɨ jitapii bɨ ẽpẽra mãɨ chichupuria baipɨ!

Luca 22:3

Mãɨya bɨde tiorepa Juda Iscariote k'ɨ̃risia p'uesima. Mãɨ Juda Jesupa doce peedaɨrãnepema pasima.

Luca 22:37

Mɨa jararuma: Tachi Ak'õre pari pedeaparipa mɨ k'orea bɨda piarã mãɨyai pia bɨma. Nãɨya bɨsima: “Ara ichi ẽpẽra k'achia bɨ jĩra k'ɨ̃risia p'anasidama”. Chi mɨ k'orea bɨdada piarã ãarea mãɨyaipɨ.

Juan 10:35

Tachia k'awa p'anɨma Tachi Ak'õre pedea ewaricha piarãt'a. Tachi Ak'õrepa mãɨ ẽpẽerã́ “Mãra tachi ak'õrerãane” asira,

Juan 13:18

»Mɨa mãɨ mãrá ãarea jarawẽa bɨma, mɨa jɨrɨ atadaɨrã sãmaasã́ bet'a k'awa bɨ pẽra. Maamina mɨa jararuma Tachi Ak'õre pedeade bɨ bɨ jĩra piarã mãɨyamẽrá: “Chi mɨ ome nek'o bada, mɨ ome chi nek'ĩramá beesima”.

Juan 13:2

K'ewará nek'o p'anasidama. Mãɨ naena tiorepa Simón warra Juda Iscariotea k'ɨ̃risiapisima Jesú jitapimẽrá.

Juan 19:24

Mãɨne papaká berãpa ãchi tuaba jarasidama: —Nãɨ k'õanaiwẽma. Pia bɨma nãɨ k'orea ne jemenanai, mãɨ k'aipa jitai k'awayá. Ara mãɨya mãɨt'u chi ãchia oosidama. Mãɨyasima Tachi Ak'õre pedeade naena bɨda jĩra: «Mɨa ɨ̃rɨa anamari jɨ̃ bada ãchicha jedasidama; mãɨnepa mɨa neet'á ek'ari jɨ̃ bada atadai k'orea jemenasidama».

Juan 19:28

Mãɨya jarak'ari Jesupa k'awasima ichia ooi pada ãarea oosit'a. Mãɨne jarasima: —Mɨ opisia bɨma. Mãɨ jarasima Tachi Ak'õre pedeade jara bɨ jĩra.

2 Corintio 8:16

Mɨa Tachi Ak'õrea sõpia bɨade aparima. Ichia ũpẽa Tito sõne bɨsima mãra k'ɨ̃ria bamẽrá mɨa mãra k'ɨ̃ria bɨ jĩra.

Apocalipsi 10:7

Chi ichi pari pedeapataɨrã, ichiaba chi ichi pae pari mimiapataɨrãpɨ. Naena Tachi Ak'õrepa ãchiá jarapachima ichia k'awapiwẽa bɨ k'aadea ãarea mãɨyait'a. Tachi Ak'õrepa ɨt'aripa peeda chi k'aadeapemapa ãnimara k'achu chaarude piarã jõma mãɨyaipɨ».

Apocalipsi 15:1

Mɨa mãicha pajãne ne jara k'ɨ̃ria bet'a unusima. Mãɨnepa chi ẽpẽerã chi mãɨya k'awa k'ɨ̃risiadawẽa p'aneesidama. Pajãne chi Tachi Ak'õrepa ɨt'aripa peedaɨrã siete p'anasidama. Ãchi k'ak'awá ne uru p'anasidama chi ẽpẽerã mĩapidai k'orea. Tachi Ak'õrepa mãɨya ɨtɨak'ari maapae ichi k'ĩruui pada jõma jõipɨ.

Apocalipsi 17:13

Mãɨ diez poro jũra jɨ̃parí jɨ̃ p'anɨrãpa abarik'a k'ɨ̃risia p'ananaipɨ. Ãchi tua mãɨnepa ãchi jua chaarea bɨt'a chi ãnimara juade bɨdaipɨ. Chi ãnimarapa jararut'a ãchia oodaipɨ.

Apocalipsi 19:9

Tachi Ak'õrepa ɨt'aripa peedapa mɨá jarasima: «K'art'ade nãɨya bɨse: “¡Oveja Chak'e miak'ãipataɨ ewari nek'opataɨmá chi t'ɨ̃naanãɨrã minachia pia p'anɨma!”» Mãɨnepa jarasima: «Mãɨ piarã pedea Tachi Ak'õrepa jaradapɨ».

Apocalipsi 6:11

Mãɨrã́ neet'á t'orroa bɨt'a teasima mãɨ jɨ̃namẽrá. Maapae nãɨya jarasima: «Pik'ã́ nɨ p'ananot'ɨ jõma chi mãra ũpẽarã Cristo pae pari mimiapataɨrã peautadea, ẽpẽerãpa ara mãra peadada jĩra».