Apocalipsi 17:16 - Tachi Ak'õre Pedea

¹⁶ Chi pɨa diez k'achu ununapa mãɨnepa chi ãnimara mietá bɨpa mãɨ wẽra k'achia bɨ unuamaanaipɨ. Mãɨpuru jõma ichia uru bɨt'a ẽemarinaipɨ. Ãarea ãk'adá bɨdaipɨ. Ãchia ara chi wẽra k'ak'ua k'odaipɨ mãɨnepa paa peedaipɨ.

Apocalipsi 17:16 ပူးပေါင်းရင်းမြစ်များ

Apocalipsi 12:3

Maapae mãicha pajãne ne jara k'ɨ̃ria bet'a unupisima. Mɨa je p'urea minachia bɨt'a unusima. Mãɨ jepa poro siete uru basima mãɨnepa k'achu diez uru basima. Poro jũra jɨ̃parí porocha jɨ̃ basima.

Apocalipsi 16:12

Mãɨya nak'ari abaɨ chi Tachi Ak'õrepa ɨt'aripa peedapa chi ichi p'arat'u jãjoa bɨde uru bada Éup'rate to waibɨade wea peesima. Ara mãɨne to p'oasima chi ɨmata ochiaparieridepema poro jũra jɨ̃parí jɨ̃ p'anɨrã k'ĩruune cheutade pia p'asadamẽrá.

Apocalipsi 17:10

Ichiaba mãɨ poro siete p'anɨ jara k'ɨ̃ria bɨma poro jũra jɨ̃parí jɨ̃ p'anɨrã k'ak'o siete p'anɨ. Mãɨ siete poro jũra jɨ̃parí jɨ̃ p'anɨrãnepema joesoma piusidama. Chi mãɨrãnepema abapa ẽpẽerã ichi juade wapida uru bɨma. Mãɨnepa chi abaɨ waidi chewẽa bɨma. Maamina ichi cherude poro jũra jɨ̃parí jɨ̃ bɨ beeimina tãaraa baiwẽma.

Apocalipsi 18:19

Sõp'uapa nãɨya jĩk'ua jẽanaipɨ: «¡Miachupuri, miachupuri jãɨ p'uuru minachia bada! Jãɨ p'uuru ne minachia uru bada pẽra, chi p'ãp'orro uru be jãma ɨbɨa p'aneesidama. Maamina jãɨ p'uuru isapea ãarea jõsima.

Apocalipsi 18:8

Mãɨya k'ɨ̃risia bɨ pẽra ewari aba bɨde jãɨ p'uurudepemarã sõk'achiapa jẽanaipɨ, jarrapa piawẽa tuananaipɨ mãɨnepa ãarea piudaipɨ. Tachi Ak'õre Chipari jõma p'ue bɨpa ak'ɨrude jãɨ p'uuru paaipɨ».

Apocalipsi 19:18

Mãma k'odaipɨ poro jũra jɨ̃parí jɨ̃ bɨ piudaadarã, papaká berã chi minachia k'awa p'anɨrã piudaadarã, chi jua chaarea berã piudaadarã, mũra k'iuru mãɨnepa chi mũra ɨ̃rɨ wãpataɨ piudaadarã. Ãarea ẽpẽerã piudaadarã k'odaipɨ: chi chipari newẽa mimiapataɨrã piudaadarã, chi chipari pae pari mimiapataɨrã piudaadarã, chi k'aepe k'ede piudaadarã, mãɨnepa chi atepe berã piudaadarã k'odaipɨ».