Apocalipsi 17:12 - Tachi Ak'õre Pedea

¹² »Chi pɨa k'achu diez ununa jara k'ɨ̃ria bɨma poro jũra jɨ̃parí jɨ̃ p'anɨrã diez p'anɨt'a. Ãchi waidi poro jũra jɨ̃parí jɨ̃ p'anɨrã padawẽma. Maamina chi ãnimara mietá bɨ poro jũra jɨ̃parí jɨ̃ bɨ parude ãchi sida poro jũra jɨ̃parí jɨ̃ p'anɨrã padaipɨ. Maamina tãaraanaiwẽma.

Apocalipsi 17:12 ပူးပေါင်းရင်းမြစ်များ

Apocalipsi 10:11

Maapae mɨá jarasima: «Pɨa mãicha Tachi Ak'õre pari pedeai bɨma p'uuru chok'ará mãɨyai bɨ k'orea, tuacha mãɨyai bɨ k'orea, pedeacha mãɨyai bɨ k'orea, ya poro jũra jɨ̃parí jɨ̃ p'anɨrã k'orea pida».

Apocalipsi 12:3

Maapae mãicha pajãne ne jara k'ɨ̃ria bet'a unupisima. Mɨa je p'urea minachia bɨt'a unusima. Mãɨ jepa poro siete uru basima mãɨnepa k'achu diez uru basima. Poro jũra jɨ̃parí porocha jɨ̃ basima.

Apocalipsi 13:1

Mãɨya nak'ari chi je chi p'usa ipude bai nɨbeesima. Mãɨne ãnimara mietá chi p'usadepa ochiarut'a mɨa unusima. Mãɨ ãnimara chi poro siete mãɨnepa chi k'achu diez uru basima. Chi k'achucha porode jũra jɨ̃pataɨ uru basima. Chi porocha t'ɨ̃ k'achia Tachi Ak'õre k'orea bɨ basima.

Apocalipsi 17:16

Chi pɨa diez k'achu ununapa mãɨnepa chi ãnimara mietá bɨpa mãɨ wẽra k'achia bɨ unuamaanaipɨ. Mãɨpuru jõma ichia uru bɨt'a ẽemarinaipɨ. Ãarea ãk'adá bɨdaipɨ. Ãchia ara chi wẽra k'ak'ua k'odaipɨ mãɨnepa paa peedaipɨ.

Apocalipsi 18:10

Wap'ea p'ananaipɨ Tachi Ak'õrepa Babilonia p'uuru ɨtɨada jĩra ãchi sida ɨtɨaipɨ. Mãɨ k'orea t'ɨmɨɨpa ak'ɨ p'anɨne nãɨya jaradaipɨ: «¡Miachupuri, miachupuri Babilonia p'uuru minachia bɨ ne wawaria oo bada pẽra! Tachi Ak'õrepa jãɨ p'uuru isapea ɨtɨasima».

Apocalipsi 18:17

Maamina jãɨ p'uurudepemarãpa nepia uru p'anana isapea jõsima». Jõma p'ãp'orro chiparirãpa, p'ãp'orrode wãpataɨrãpa, p'ãp'orrode mimiapataɨrãpa mãɨnepa p'usade mimiapataɨrã pida t'ɨmɨɨpa ak'ɨ tuananaipɨ.

Apocalipsi 18:19

Sõp'uapa nãɨya jĩk'ua jẽanaipɨ: «¡Miachupuri, miachupuri jãɨ p'uuru minachia bada! Jãɨ p'uuru ne minachia uru bada pẽra, chi p'ãp'orro uru be jãma ɨbɨa p'aneesidama. Maamina jãɨ p'uuru isapea ãarea jõsima.