Apocalipsi 16:9 - Tachi Ak'õre Pedea

⁹ Tachi Ak'õre k'orea k'achia pedeapachidama ãchi pisiapa minachia paa bɨdepa, mãɨ ichiapuru minachia mĩapi bɨẽra. Maamina chi nemietá oodai itu bɨdaé pasima, mãɨnepa mi ãpia pida Tachi Ak'õret'a chi atepe piipará bɨade adaé pasima.

Apocalipsi 16:9 ပူးပေါင်းရင်းမြစ်များ

Luca 13:3

Mɨa jararuma: Mãɨyawẽma. Maamina mãrapa nemietá oopataɨ itu bɨdak'ari Tachi Ak'õremá chedaepɨra mãra sida piudaipɨ.

Luca 13:5

Mɨa jararuma: mãɨyawẽma. Maamina mãrapa nemietá oopataɨ itu bɨdak'ari Tachi Ak'õremá chedaepɨra mãra sida piudaipɨ».

2 Corintio 12:21

Mɨa wap'ea bɨma mãramá mãicha cherude Tachi Ak'õrepa mɨ mãra k'orea k'ĩra p'erapiit'a. Mãɨne chok'ará mãrapa naena nemietá oo p'anana wapida oo p'anɨ pẽra mɨ jẽaipɨ. Mãrapa chi Tachi Ak'õremá piawẽa oopataɨ, awaraɨ ome k'ãipataɨ mãɨnepa waapẽarã taade ne k'ĩra p'era oopataɨ wapida mãɨ itu bɨdawẽa p'anɨ pẽra jẽaipɨ.

Apocalipsi 11:13

Ara mãɨne iurumia ɨbɨa chesima. Mãɨpa Jerusalén p'uurude te minachia k'orap'et'ak'oasima. Ẽpẽerã siete mil piusidama. Ara mãɨne chi chok'ae beadapa chi pajãnepema Tachi Ak'õrea chi wap'eapa ichi pia bɨade a jarasidama.

Apocalipsi 14:7

Ichia nãɨya jĩk'ua jarasima: «¡Tachi Ak'õre wap'eat'ɨ! Ichiá pia bɨade a jarat'ɨ, chi ichia ɨtɨai ewari cheda pẽra. Ichiá pia pedeat'ɨ, chi pajã, ĩjũa, p'usa mãɨnepa chi to ek'aripa t'ɨ nɨbɨ ooda pẽra».

Apocalipsi 16:21

Ɨt'aripa k'oe tau p'ẽya waibɨa k'ojada jĩra chi ẽpẽra ɨ̃rɨ bae nɨbeesima. Mãɨ k'oe tau k'ojada cien libra wãyá chɨk'ɨa basima. Mãɨ k'oe tau k'ojadapa chi ẽpẽerã minachia mĩapiipachi pẽra, Tachi Ak'õre k'orea k'achia pedeapachidama.

Apocalipsi 2:21

Mɨa nɨ basima ichia k'ak'uadepa nemietá ooparí itu bɨk'ari ya Tachi Ak'õremá chemẽrá. Maamina mãɨ nemietá itu bɨi k'ɨ̃riaé pasima.

Apocalipsi 9:20

Chi ẽpẽerã mãɨ mãɨya badadepa piudadawẽpa wapida ãchia nemietá oodai mãɨnepa tiorerãne ĩjãanai itu bɨdaé pasima. Juapa oodada sãdo itu bɨdaé pasima: chi nee ooda, p'arat'a ooda, bronce ooda, mawara ooda mãɨnepa pak'uru ooda mãɨrã ãarea itu bɨdaé pasima. Mãɨrã ãstu ununak'ama, ũrinak'ama, mãɨnepa wãnak'ama.