Apocalipsi 16:6 - Tachi Ak'õre Pedea

⁶ Ãchia pɨ ẽpẽerã mãɨnepa chi pɨ pari pedeapataɨrã oa ãripisidama. Mãɨpuru idi pɨa ãchiá oa topimaa bɨma ãchia nemietá oodada jĩra».

Apocalipsi 16:6 ပူးပေါင်းရင်းမြစ်များ

Mateo 7:2

Mãrapa waapẽarãpa nemietá oodada ak'ɨpata jĩra, ara mãɨya Tachi Ak'õrepa mãra ak'ɨipɨ. Abaɨ pia bɨwẽane a jarapataɨ jĩra, ara mãɨya Tachi Ak'õrepa mãra pia bɨwẽane aipɨ.

Luca 12:48

Maamina chi ichi pae pari mimiaparipa atua bɨdepa chi chiparipa jara bɨt'a piawẽa oosira mãɨ ichi pae pari mimiaparí ãpia puru soapa p'eipɨ. Piarã Tachi Ak'õrepa waapẽarã́ waibɨa tea bɨma ichi pae oodamẽrá. Chi waibɨa jitadaɨrãpa ichi pae waibɨa oodai pia bɨma.

Hebreo 10:29

Mãɨpa ¿sãmaasã́ k'ɨ̃risia p'anɨma? ¿Tachi Ak'õrepa chi ichi Warra itu bɨpataɨ atepe ɨtɨaiwẽk'ãra? Tachi Ak'õrepa ichi Warra oadepa pedea chiwidi ausima tachi ichi pae pia bɨi k'orea. Mãɨyara chi Tachi Ak'õre Warra oa ãrina piawẽa bɨade apataɨrã ¿ichia atepe ɨtɨaiwẽk'ãra? Mãɨ awara Tachi Ak'õre Jaorepa ichi sõpiadepa tachi k'aripa bɨma. Mãɨyara chi Tachi Ak'õre Jaore k'orea mietá bɨade apataɨrã ¿ichia atepe ɨtɨaiwẽk'ãra?

Apocalipsi 11:18

Tuachapemarã pɨ ome k'ĩruusidama. Maamina pɨa ɨtɨai ewari chesima. Naapae pɨa piudaadarã ɨtɨaipɨ. Mãɨne chi pɨ pae pari mimiapataɨrã, chi pɨ pari pedeapataɨrã́, pɨ ẽpẽerã́, pɨ wap'ea be chi atepe berã́ mãɨnepa k'aepea berã́ pida pɨa nepia teaipɨ ãchia oodada jĩra. Maamina chi nãɨ ĩjũane nemietá oodada pɨa k'enaipɨ».

Apocalipsi 13:10

«Chi p'uek'oada eda serra bɨde ateewãnai bɨt'a, mãɨ piarã ateewãnait'a. Chi k'ĩruuparí nek'odepa piui bɨ piarã nek'odepa piuipɨ». Mãɨ k'orea Tachi Ak'õre ẽpẽerãpa minachia ĩjãa p'anɨnepa minachia choadai p'anɨma.

Apocalipsi 13:15

Tachi Ak'õrepa chi ĩjũanepa chedá chi sãdo chi naapema ãnimara k'ĩra jĩra bɨa ɨ̃apa teapade asima. Mãɨya pedea beek'ari, chi juapa oodada sãdo k'ɨ̃rianawẽa p'anɨt'a ãarea itu peapipadaade asima.

Apocalipsi 18:20

¡Jõma pajãne be arapaat'ɨ jãɨ p'uuru jõna pẽra! Ẽpẽerã Tachi Ak'õreneerã, Jesupa peedaɨrã mãɨnepa Tachi Ak'õre pari pedeapataɨrã arapaat'ɨ. Tachi Ak'õrepa jãɨ p'uuru ɨtɨasima, mãra piawẽa ooda pẽra».

Apocalipsi 18:24

Tachi Ak'õre pari pedeapataɨrã peadada k'orea, ẽpẽerã Tachi Ak'õreneerã peadada k'orea mãɨnepa ãarea nãɨ ĩjũane peadada k'orea mãɨ p'uuru nepɨra pará beesima».

Apocalipsi 19:2

Ara ichi piarãpẽanepa ãarea jĩp'a ɨtɨaparima. Wẽra nemietá ooparí pada chi mãɨ t'ɨ̃ p'oa bada ɨtɨasima, nemietá oo bɨdepa ãarea nãɨ ĩjũanepemarã́ abarik'a nemietá oopida pẽra. Tachi Ak'õrepa mãɨ wẽra ɨtɨasima, chi ichi pae pari mimiapataɨrã k'enana k'orea».