Apocalipsi 16:15 - Tachi Ak'õre Pedea

^15-16 Ãchia chi hebreo pedeade Armagedón apataɨ ĩjũanea chi poro jũra jɨ̃parí jɨ̃ p'anɨrã ateewãsidama. «¡Tau pará p'anat'ɨ! Mɨ nechɨaparí jĩra cheipɨ, chi mãɨ abaɨ pida nɨ p'anɨwẽne. Pia p'ananaipɨ chi mãɨ mɨ nɨ p'anɨrãpa mãɨnepa chi ãchi neet'á oo uru p'anɨrãpa. Mãɨya p'ue ãk'adá wãnaiwẽma mãɨnepa k'ĩra p'eradaiwẽma».

Apocalipsi 16:15 ပူးပေါင်းရင်းမြစ်များ

Mateo 25:13

»Mãɨ k'orea mãra tau pará p'anat'ɨ. Mɨ, chi Ẽpẽra Warra chei ewari mãɨnepa chi hora atua p'anɨma.

Mateo 26:41

Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.

Marco 14:38

Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.

Luca 21:36

Mãɨ k'orea minachia jĩrak'aua p'anat'ɨ. Tachi Ak'õrea ewaricha ɨt'aa chiidi p'anat'ɨ mãɨ ewari k'achiadepema k'aripadai k'orea mãɨnepa mɨ, chi Ẽpẽra Warra k'ĩrari p'eradawẽa p'ananai k'orea».

Hecho 20:31

Mãɨpuru jĩrak'aua p'anat'ɨ. K'ɨ̃risiat'ɨ mɨa ãyo k'ak'o ũpea, ãst'á mãɨnepa teamasi jẽa bɨpa machicha chi sea jarateapataɨrã k'orea ũraa basit'a.

2 Corintio 5:3

Tachia mãɨ pajãnepema k'ak'ua uru p'ananai pẽra k'ak'ua nea p'ananaiwẽma.

1 Tesalonicense 5:4

Maamina ũpẽarã, mãra p'ãrione p'anɨwẽma. Mãɨpuru Tachi Chiparipa ɨtɨade cheru ewaride mãra p'eradaiwẽma nechɨaparí cherude p'erapata jĩra.

1 Tesalonicense 5:6

Mãɨpuru tachi k'ãi p'anɨwẽma waapẽarã k'ãi p'anapari jĩra, mãɨpari tau p'it'á p'ananai p'anɨma mãɨnepa k'ĩra jĩp'a p'ananai p'anɨma.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

2 Pedro 3:10

Tachi Chiparipa ɨtɨai ewari paipɨ nechɨaparí chepari jĩra. Mãɨ ewaride ɨbɨa chi jĩk'ua baek'ari pajã wẽpapiipɨ. Nejõma tachia pajãne unupataɨ paawãipɨ. Mãɨnepa nãɨ ĩjũa mãɨnepa nejõma nãɨ ĩjũane be paawãipɨ.

Apocalipsi 22:7

Jesupa jarasima: «¡Ũrit'ɨ, mɨ isapea cheipɨ! Chi nãɨ k'art'ade Tachi Ak'õre pari pedeaparí pedea bɨda ĩjãa bɨt'a minachia pia bɨma».

Apocalipsi 3:11

Mɨ tãaraawẽa bɨde cheipɨ. Mãɨpuru choa p'anat'ɨ mɨne ĩjãa p'anɨnepa. Mãɨya abaɨ pida mãra porode jũra jɨ̃parí ẽemariiwẽma.

Apocalipsi 3:18

Mãɨpuru mɨa mãrá nãɨya ũraaruma: nee chi ichiera t'ɨpɨde torbarida, mãɨ mɨnepa atat'ɨ. Mãɨya mãra piarã ɨbɨa padaipɨ. Mãɨnepa p'aru t'ot'oa be mɨnepa atat'ɨ jɨ̃nai k'orea. Mãɨya mãra ãk'adá p'anana k'orea k'ĩra p'eradaiwẽma. Mãɨnepa mɨnepa nẽará atat'ɨ mãra taude t'aadak'ari pia ununamẽrá.