Apocalipsi 16:10 - Tachi Ak'õre Pedea

¹⁰ Mãɨya nak'ari abaɨ chi Tachi Ak'õrepa ɨt'aripa peedapa chi ichi p'arat'u jãjoa bɨde uru bada chi ãnimara suak'a beeparí minachia bɨde ɨ̃rɨ ãarea wea peesima. Ara mãɨne chi ãnimarapa chi ichi p'ue bɨ ĩjũa ãarea p'ãriosima. Mãɨne chi p'uapa ãchi k'ĩrame k'aasidama.

Apocalipsi 16:10 ပူးပေါင်းရင်းမြစ်များ

Mateo 13:42

Mãɨrã t'ɨpɨ uruade bat'ak'oadaipɨ. Mãma jẽa p'ananaipɨ mãɨnepa p'uapa k'ida k'ɨterrea p'ananaipɨ.

Mateo 13:50

Maapae t'ɨpɨ uruade bat'ak'oadaipɨ. Mãma jẽa p'ananaipɨ mãɨnepa p'uapa k'ida k'ɨterrea p'ananaipɨ.

Mateo 22:13

Mãɨne chi minachia k'awa bɨpa ichi mimiapataɨrã́ jarasima: “Nãɨ ẽpẽra jua mãɨnepa jĩru bɨradak'ari tajatá p'ãrionea ateewãt'ɨ. Mãma jẽa p'anapatama mãɨnepa p'uapa k'ida k'ɨterrea p'anapatama”.

Mateo 24:51

Maapae chi chiparipa minachia ɨtɨak'ari chi pia jĩra berã ome eda jɨ̃a nɨbɨpiipɨ. Mãma ãareaɨrã jẽa p'ananaipɨ mãɨnepa p'uapa k'ida k'ɨterrea p'ananaipɨ.

Mateo 8:12

Maamina Tachi Ak'õrepa ẽpẽrarã naa ua k'ɨ̃ria bada p'ãrionea ãyá jerek'oaipɨ. Mãma jẽa p'ananaipɨ mãɨnepa p'uapa k'ida k'ɨterrea p'ananaipɨ.

Luca 13:28

»Mãra chi tajata berã jẽa p'ananaipɨ mãɨnepa p'uapa k'ida k'ɨterrea p'ananaipɨ. Abrahán, Isá, Jacobo mãɨnepa Tachi Ak'õre pari pedeapataɨrã sida Tachi Ak'õrepa ichidirã ichi juade ua bɨde p'ananaipɨ, maamina mãrat'u Tachi Ak'õrepa itu eda wãpiiwẽma.

1 Pedro 2:17

Jõmãɨrã wap'eat'ɨ. Ũpẽarã minachia k'ɨ̃riat'ɨ. Tachi Ak'õre wap'eat'ɨ. Nãɨ ĩjũanepema chi minachia k'awa bɨ wap'eat'ɨ.

Apocalipsi 11:10

Chi ẽpẽerã nãɨ ĩjũanepemarã chi piudada k'orea arapaapatama. Arapá p'anɨnepa ara ãchicha ne pari teadaipɨ Tachi Ak'õre pari pedeapataɨrãpa ãchiá minachia mĩapisida pẽra.

Apocalipsi 11:2

Maamina chi Tachi Ak'õre te minachia bɨ ik'á tejã eda bɨt'a chaarãse, mãɨ mɨa chi mɨne ĩjãanak'apɨɨrã́ teada pẽra. Ãchia chi Tachi Ak'õre p'uuru Jerusalén p'uedaipɨ jedek'o k'ak'o 42 bɨpari.

Apocalipsi 11:8

Chi piudada chi Jerusalén p'uuru waibɨa bɨde bari beaipɨ. Mãɨ p'uuru «Sodomaane» wa «Egitoade» apatama, mãma ãchi Chipari Jesú k'urusude barijira bɨdada pẽra.

Apocalipsi 17:17

Tachi Ak'õrepa mãɨ diez poro jũra jɨ̃parí jɨ̃ p'anɨrã sõne bɨsima ichia k'ɨ̃ria bɨ jĩra oodamẽrá. Mãɨ k'orea abarik'a k'ɨ̃risia uru p'ananak'ari ãchi ãnimara mietá bɨ juade bɨdaipɨ aba Tachi Ak'õrepa jarada jõma mãɨyarunea.

Apocalipsi 17:9

»Chi pɨa ununa ũrii k'orea ne minachia k'awa bai bɨma. Chi ãnimara poro siete p'anɨ mãɨpa jara k'ɨ̃ria p'anɨma chi eya k'ak'o siete. Mãɨ siete eya ɨ̃rɨ chi wẽra nemietá bɨ suak'abari bɨma.

Apocalipsi 18:2

Ichia nãɨya jĩk'ua jarasima: «¡Babilonia p'uuru minachia bɨ baesima! ¡Piarã ãarea baesima! Ẽpẽerã newẽma, maawẽapuru jaore mietaarã mãma p'anapatama. Jõma jaore mietá be mãma p'anapatama. Jõma ĩpana Tachi Ak'õre k'ĩrari mietá be mãma p'anapatama.

Apocalipsi 18:21

Maapae Tachi Ak'õrepa ɨt'aripa peeda chi atepe bɨpa mawara waibɨa k'ũruma minachia bɨt'a atak'ari p'usadea jirat'aasima. Mãɨya oorude nãɨya jarasima: «Mãɨ mawara p'usadea jirat'aada jĩra Babilonia p'uuru minachia bɨ isapea ãarea jõipɨ. Mãɨ p'uuru waa ununaiwẽma.

Apocalipsi 18:23

Mãma ĩpira urua waa ununaiwẽma. K'ima atautade arapaapataɨ tede waa ne oo p'anɨt'a waa ũrinaiwẽma. Chi mãmapema ne netopataɨrã nãɨ ĩjũane minachia ɨbɨarã pasidama. Chi mãmapema jaipanarãpa tuachapemarã ãarea seapachidama.

Apocalipsi 8:12

Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Ara mãɨne perá estarik'a pait'ea chi jedek'o mãɨnepa chi ɨmata estarik'a p'ãriosima. Mãɨnepa chi k'ãk'ãi sida perá ichiaba estarik'a p'ãriosidama. Mãɨpuru chi ewari mãɨnepa teamasi perá estarik'a pait'ea p'ãriosima.

Apocalipsi 9:2

Chi uria minachia bɨdepema eda wãpataɨ ewaside, chi uriadepa ɨt'aa jɨ̃ara minachia chesima mãɨ mẽa nejarra paauta jĩra. Mãɨ jĩarãnepa ãarea chi ɨmata mãɨnepa pajã p'ãriosima.