Apocalipsi 15:3 - Tachi Ak'õre Pedea

³ Mãɨ arpa chaautade Moisé chi Tachi Ak'õre pae pari mimiaparí k'arit'a mãɨnepa chi Oveja Chak'e k'arit'a k'arimaa p'anasima. Nãɨya k'arisidama: «Tai Chipari, chi Ne Ãarea P'ue Bɨ Tachi Ak'õre, pɨa oo bɨ waibɨa bɨma. Pɨa oo bɨ k'orea ẽpẽerãpa k'awa k'ɨ̃risiadawẽa p'anapatama. Jõmãɨrã Poro Jũra Jɨ̃parí Jɨ̃ bɨ, pɨa oo bɨt'a jĩp'a bɨma mãɨnepa pɨ pedea aba piarã bɨma.

Apocalipsi 15:3 ပူးပေါင်းရင်းမြစ်များ

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

1 Timoteo 1:17

Tachi Ak'õre chi ewaricha jõmãɨrã Chiparipɨ. Ichi chi tachia ununak'aɨ piuk'ama. Ichit'u Tachi Ak'õrepɨ. Ichiá tachia ewaricha pia pedeadai p'anɨma mãɨnepa wap'eadai p'anɨma. Mãɨya beese.

Hebreo 3:5

Moisé Tachi Ak'õre pae pari mimiaparí pẽra chi Tachi Ak'õre tedepemarã ome ãarea arí oosima. Ichia k'awapisima Tachi Ak'õrepa k'aadeapema ewaride k'ãre jarait'a.

Apocalipsi 1:8

Tachi Chiparipa jarasima: «Mɨt'u chi Ne Ãarea P'ue Bɨ Tachi Ak'õrepɨ, chi Alp'apɨ mãɨnepa chi Omegapɨ. Mãɨpa jara bɨma mɨ chi Naapemapɨ mãɨnepa chi K'aadeapemapɨ. Mɨpɨ, naena basima, mãɨnepa chi chei bɨpɨ».

Apocalipsi 11:17

Nãɨya jarasidama: «Tai Chipari, chi Ne Ãarea P'ue Bɨ Tachi Ak'õre, pɨ idi bɨma, mãɨnepa naena basima. Pɨ jua chaarea waibɨa bɨ unupi bɨ pẽra mãɨnepa jõmãɨrã Chipari beeda pẽra taipa pia bɨade a p'anɨma.

Apocalipsi 14:3

Mãɨne chi Tachi Ak'õre suak'a beeparí auk'ará bɨ naa, chi ẽpẽra jĩra k'ĩmari chok'ae p'anɨ naa mãɨnepa chi chõarã 24 p'anɨ naa k'ari chiwidit'a k'ari p'anasima. Abaɨ pida mãɨ k'ari p'ue k'awadaé pasima. Chi mãɨ abapuru 144 mil p'anɨrãpa, chi Tachi Ak'õrepa k'aripa badapa mãɨrãpuru k'ari k'awa p'anasima.

Apocalipsi 14:8

Mãɨ Tachi Ak'õrepa ɨt'aripa peeda mãɨ ɨ̃ari chek'ari nãɨya jarasima: «Babilonia p'uuru jõsima. Piarã ãarea baesima. Mãɨ p'uurudepemarãpa chi minachia k'ĩra p'era oo p'anɨpa tuachadepemarã́ abarik'a nemietá oopisidama uvaba topiuta jĩra».

Apocalipsi 17:14

Mãɨne ãchi Oveja Chak'e ome k'ĩruunaipɨ. Maamina chi Oveja Chak'epa ãchi p'ueipɨ ichi jõmãɨrã poro jũra jɨ̃parí jɨ̃ p'anɨrã k'aepẽra chi Atepe Bɨ pẽra, mãɨnepa jõmãɨrã chiparirã k'aepẽra chi Atepe Bɨ pẽra. P'uerude chi ichide minachia ĩjãa p'anɨ ichi ome p'ananaipɨ. Ãchi t'ɨ̃k'ari maapae jɨrɨ atasima».

Apocalipsi 19:16

Ichi anamari jɨ̃ bɨde ichi mak'ara ɨ̃rɨ nãɨ t'ɨ̃ bɨ uru bɨma: «Jõmãɨrã poro jũra jɨ̃parí jɨ̃ p'anɨrã k'aepẽra ichit'u chi Atepe Bɨpɨ» ichiaba «Jõmãɨrã chiparirã k'aepẽra ichit'u chi Atepe Bɨpɨ».

Apocalipsi 19:2

Ara ichi piarãpẽanepa ãarea jĩp'a ɨtɨaparima. Wẽra nemietá ooparí pada chi mãɨ t'ɨ̃ p'oa bada ɨtɨasima, nemietá oo bɨdepa ãarea nãɨ ĩjũanepemarã́ abarik'a nemietá oopida pẽra. Tachi Ak'õrepa mãɨ wẽra ɨtɨasima, chi ichi pae pari mimiapataɨrã k'enana k'orea».

Apocalipsi 4:8

Chi mãɨrã ãchi k'ak'awá ĩk'arra sei uru beasima. Ãchi k'ak'ua ãarea tau pará beasima. Chi ĩk'arra ek'ari pida tau ãarea beasima. Ãst'á mãɨnepa teamasi pida sẽnawẽa pedeadepa nãɨya jarapachidama: «Minachia pia bɨma, minachia pia bɨma, minachia pia bɨma Tachi Chipari, chi Ne Ãarea P'ue Bɨ Tachi Ak'õre». Ichipɨ, ichi naena basima mãɨnepa ichi chei bɨpɨ.