Apocalipsi 13:8 - Tachi Ak'õre Pedea

⁸ Mãɨne chi nãɨ ĩjũane ãareaɨrãpa mãɨ ãnimara minachia k'ɨ̃riasidama. Nãɨ ĩjũa ooi naena ãchi t'ɨ̃ chi Oveja Chak'e k'art'ade eda bɨ baé pasima. Mãɨ chi ewaricha chok'ae p'ananai k'art'ade ãchi t'ɨ̃ ãarea eda bɨ bɨma.

Apocalipsi 13:8 ပူးပေါင်းရင်းမြစ်များ

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Luca 10:20

Maamina arapá p'anat'ɨ mãrapa jaore mietaarã ãyá jeret'aautade ãchia mãra ũrinak'ari mãɨya oopata pẽra, mãɨpari arapá p'anat'ɨ Tachi Ak'õrepa mãra t'ɨ̃ pajãne bɨ uru bɨẽra.

Juan 1:29

Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

Ep'esio 1:4

Nãɨ ĩjũa ooi naena Cristodepa tachi jɨrɨ atasima ichi pae pia p'ananamẽrá mãɨnepa ichi k'ĩrari nemietaawẽa p'ananamẽrá. Jua chiwidieda Jesucristodepa tachi ichi warrarã padayade a k'ɨ̃risiasima, mãɨya oo k'ɨ̃ria bada pẽra mãɨnepa tachi k'ɨ̃riana pẽra.

P'ilipense 4:3

Ichiaba pɨ, chi mɨ ome Tachi Ak'õrepa oo bɨt'a ooparí, mɨa pɨá idiruma mãɨ ũpẽawẽrarã k'aripamẽrá. Ãchi, Clemente ome mãɨnepa waapẽarã sida mɨ ome minachia mimiasidama, chi pedea pia Cristo k'orea k'awapidai k'orea. Jõma ãchi t'ɨ̃ Tachi Ak'õrepa ichi ewaricha chok'ae p'ananai k'art'ade bɨ bɨma.

Tito 1:2

Chi mãɨya ĩjãa p'anɨpa Tachi Ak'õre ome ewaricha chok'ae p'ananai k'orea nɨ p'anɨma, nãɨ ĩjũa ooi naena Tachi Ak'õre sea jarak'á bɨpa mãɨya ooyade asi pẽra.

Apocalipsi 12:15

Mãɨpuru chi jepa ichi it'aedepa pania to jĩra chepisima chi mãɨ wẽra to barrea ateewãmẽrá.

Apocalipsi 13:12

Chi ãnimara ĩjũanepa ochiada jõma chi nãɨ ĩjũanepemarã chipari jĩra beesima, ichiaba chi naapema ãnimara jĩra. Ichi jua chaareadepa ẽpẽerã́ chi naapema ãnimara minachia k'ɨ̃riapipachima. Mãɨ ichi k'õnanepa piui basimina, ya wapida chok'ae basima.

Apocalipsi 17:8

Chi pɨa ununa ãnimara mietá bɨ naena chok'ae bada, idiapae newẽma, maamina ewariaba chi uria minachia bɨdepa cherude, Cristopa mãɨ ɨtɨaipɨ. Nãɨ ĩjũanepemarãpa mãɨ ãnimara unuutade k'awa k'ɨ̃risiadawẽa p'aneenaipɨ. Nãɨ ĩjũa ooi naena ãchi t'ɨ̃ chi ewaricha chok'ae p'ananai k'art'ade bɨwẽa basima.

Apocalipsi 21:27

Maamina ãarea chi Tachi Ak'õrepa pia unuk'apɨ́ chi p'uurude eda p'ue ateewãnaiwẽma. Chi nemietá oopataɨrã mãɨnepa chi seajarapataɨrã eda wãnaiwẽma. Abapuru chi ewaricha chok'ae p'ananai k'art'ade chi t'ɨ̃ bɨ berã mãɨrã p'ue eda wãnaipɨ. Mãɨ k'art'a chi Oveja Chak'epa uru bɨma.

Apocalipsi 3:10

Mãra mɨ k'orea minachia mĩa p'anɨt'a ãarea choa p'anɨma mɨa jarada jĩra. Mãɨpuru nãɨ ĩjũanepemarã minachia mĩanai ewari cherude mɨa mãra ak'ɨipɨ. Mãɨ ewaride mɨa jõma nãɨ ĩjũane tuanurã minachia mĩapiipɨ, sãmaasã́ oodai k'awayá.

Apocalipsi 3:20

¡Ũrit'ɨ! Mɨ tede eda wãpataɨde bɨma. Awaraɨdepa t'ɨ̃ bɨma mãrapa ewadak'ari mɨ itu eda wãpidamẽrá. Parituapa mɨ pedea ũrik'ari chi eda wãpataɨ ewaipɨra, mɨ eda wãk'ari ichi ome nek'oipɨ.

Apocalipsi 3:5

Nemietá p'uedaadapa ara mãɨ jĩra neet'á t'ot'oa bɨt'a jɨ̃naipɨ. Ãchi t'ɨ̃ chi ewaricha chok'ae p'ananai k'art'ade eda bɨ bɨ pẽra mɨa ãchi t'ɨ̃ wẽpapiiwẽma. Maawẽapuru mɨ Ak'õre k'ĩrari, mãɨnepa ichi pae pari mimiapataɨrã pajãnepema k'ĩrari ãchi mõréane aipɨ.

Apocalipsi 5:12

Nãɨya jĩk'ua k'ari p'anasidama: «¡Chi Oveja Chak'e peadada minachia pia bɨma! Ãareaɨrãpa pia pedeadai p'anɨma ichit'a mãɨ ichia ãarea jõma p'ue bɨẽra, mãɨnepa ãarea uru bɨẽra, mãɨnepa ãarea k'awa bɨẽra mãɨnepa jua chaarea bɨẽra. Ichit'u chi atepe bɨade a jaradai p'anɨma mãɨnepa chi piipará bɨade a jaradai p'anɨma».

Apocalipsi 5:13

Mãɨne mɨa ũrisima jõma Tachi Ak'õrepa ooda pajãne bepa, nãɨ ĩjũane bepa, piudaadarã jaorepa, p'usade be pida nãɨya k'ari p'anɨ: «Ãareaɨrãpa pia pedeadai p'anɨma ewaricha chi Tachi Ak'õre suak'a beeparide auk'ará bɨde suak'a bɨa mãɨnepa chi Oveja Chak'e k'edea. Chi atepe pia bɨade adai p'anɨma, minachia auk'ará bɨade adai p'anɨma, mãɨnepa ichi juade nejõma p'ue uru bait'a pia bɨade adai p'anɨma».

Apocalipsi 6:1

Mãɨne mɨa unusima chi Oveja Chak'epa chi k'art'ade k'ara bada aba oet'asit'a. Mãɨnepa chi ẽpẽra jĩra chok'ae be k'ĩmari p'anɨnepema chi abaɨpa nãɨya jara bɨt'a ũrisima: «¡Chese!» Chi pedea pa pedea jĩra basima.