Apocalipsi 13:7 - Tachi Ak'õre Pedea

⁷ Mãɨnepa Tachi Ak'õrepa jãɨ ãnimará ichidirã paara k'ĩruupik'ari chi animarãnea itu p'uepisima. Ẽpẽerã awaraɨcha, p'uurucha, pedeacha mãɨnepa ĩjũacha, mãɨrã ichi jua chaareade bɨsima.

Apocalipsi 13:7 ပူးပေါင်းရင်းမြစ်များ

Luca 4:6

Mãɨne tiorepa jarasima: —Nãɨ ĩjũane p'uuru be mãɨnepa mãɨ p'uurude nepia be ãarea pɨ juade bɨipɨ. Mõré pẽra mɨa tea k'ɨ̃riaru teai bɨma.

Juan 19:11

Mãɨne Jesupa p'anoosima: —Tachi Ak'õrepa pɨ bɨdaépara pɨa mɨ mi ãpia pida ooiwẽ pasima. Mãɨpuru chi mɨ pɨ juade teadapa pɨ k'aepẽra nemietá atepe oosima.

Apocalipsi 10:11

Maapae mɨá jarasima: «Pɨa mãicha Tachi Ak'õre pari pedeai bɨma p'uuru chok'ará mãɨyai bɨ k'orea, tuacha mãɨyai bɨ k'orea, pedeacha mãɨyai bɨ k'orea, ya poro jũra jɨ̃parí jɨ̃ p'anɨrã k'orea pida».

Apocalipsi 11:18

Tuachapemarã pɨ ome k'ĩruusidama. Maamina pɨa ɨtɨai ewari chesima. Naapae pɨa piudaadarã ɨtɨaipɨ. Mãɨne chi pɨ pae pari mimiapataɨrã, chi pɨ pari pedeapataɨrã́, pɨ ẽpẽerã́, pɨ wap'ea be chi atepe berã́ mãɨnepa k'aepea berã́ pida pɨa nepia teaipɨ ãchia oodada jĩra. Maamina chi nãɨ ĩjũane nemietá oodada pɨa k'enaipɨ».

Apocalipsi 11:7

Maamina Tachi Ak'õre k'orea jõma pedeadak'ari mãɨ ãnimara mietá chi uria minachia bɨdepa chedapa ãchi k'ĩruupik'oipɨ. Ãchi p'uek'ari k'enaipɨ.

Apocalipsi 12:17

Mãɨpuru chi je minachia k'ĩruusima chi wẽra ome. Ara mãɨne chi wẽranepa chedaadarã ome k'ĩruune wãsima. Mãɨ chedaadarã chi Tachi Ak'õrepa oopi bɨ pedea oopataɨrãpɨ, mãɨnepa chi Jesucristopa jarateadade ĩjãapataɨrãpɨ.

Apocalipsi 17:15

Maapae Tachi Ak'õrepa ɨt'aripa peedapa mɨá nãɨya jarasima: «Wẽra k'achia bɨ suak'abari bɨmá pɨa to wawaria unusima. Mãɨ to wawaria p'anɨrãpa jara k'ɨ̃ria bɨma p'uurucha, ĩjũacha mãɨnepa pedeacha.

Apocalipsi 5:9

Chi chõarã veinticuatro p'anɨpa mãɨnepa chi ẽpẽra jĩra chok'ae berãpa nãɨ k'ari chiwidit'a k'arisidama: «Pɨ pia bɨma mãɨ k'art'a jitak'ari chi k'ara nɨbɨ oet'ait'a, pɨ peasida pẽra. Chi mãɨ oa pɨa ãrisidepa ẽpẽerã Tachi Ak'õre pae atasima. Ẽpẽerã awaraɨcha, pedeacha, p'uurucha mãɨnepa ĩjũacha mãɨrãnepema eda waapẽarã atasima.