Apocalipsi 13:13 - Tachi Ak'õre Pedea

¹³ Chi ãnimara ĩjũanepa ochiadapa ne p'ue oodak'apɨ́ minachia oopachima. Ẽpẽrapa ak'ɨ p'anɨmisa t'ɨpɨ tau urua bɨ ɨt'aripa ĩjũanea chepipachima.

Apocalipsi 13:13 ပူးပေါင်းရင်းမြစ်များ

Mateo 16:1

Mãɨya bak'ari waapẽarã p'ariseorã mãɨnepa saduceorã Jesumá orrobarisidama, ichi Tachi Ak'õrenepa che bɨ k'awadayá. Mãɨ k'orea ichiá idisidama ẽpẽrarãpa ne p'ue oodak'apɨ́ oomẽrá.

Mateo 24:24

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Marco 13:22

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽerãpa ne p'ue oodak'apɨ́ waibɨa be oodaipɨ ẽpẽerã seadai k'orea. Tachi Ak'õrepa jɨrɨ atadaɨrã p'ue seadaipara, ãchi sida seadai pasima.

2 Timoteo 3:8

Jãɨrã ẽpẽrarãpa chi piarã pedea itu bɨpatama. Jane apataɨ mãɨnepa Jambre apataɨ jĩra oopatama, chi Moisé pedea itu bɨsidaɨt'a. Ãchi k'ɨ̃risia k'achia k'ɨ̃risiapatama mãɨnepa Cristode piarã ĩjãanak'ama.

Apocalipsi 11:5

Chi abaɨpa ãchi nemietá oo k'ɨ̃ria bɨpɨra, ãchi it'aedepa t'ɨpɨ urua cheipɨ ya mãɨrã nek'ĩramá ãarea paa peedaipɨ. Mãɨya chi mãɨ nemietá oodayá p'anɨt'a ãarea peadaipɨ.

Apocalipsi 16:14

Mãɨrã chi ãnimara mietaarã jaorerãpa ne p'ue oodak'apɨ́ minachia oopachidama. Mãɨnepa chi tuachadepemarã poro jũra jɨ̃parí jɨ̃ p'anɨrã́ jarade wãsidama Tachi Chipari ome k'ĩruune wãnamẽrá, Tachi Ak'õre chi Ne Ãarea P'ue Bɨpa ɨtɨai ewaride.

Apocalipsi 19:20

K'ĩruutade chi mũra ɨ̃rɨ suak'abari bɨpa chi ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a jitasima. Mãɨ chi piarã Tachi Ak'õre pari pedeapariwẽpa chi ãnimara mietá bɨ t'ɨ̃nepa ẽpẽerãpa ne p'ue oodak'apɨ́ waibɨa bet'a oopachima. Mãɨya chi ẽpẽerãpa chi ãnimara mietá bɨa itu tauchaapidaadarã ãarea seapachima. Ichiaba chi mãɨ ãnimara jĩra bɨ juapa oodada sãdo minachia k'ɨ̃rianaanat'a seapachima. Chi mũra ɨ̃rɨ suak'abari bɨpa mãɨ ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a chok'ae p'anɨ senia azup're paara t'ɨpɨ urua bɨdea jirat'aasima.

Apocalipsi 20:9

Mãɨ tioredé papaká berã nãɨ ĩjũane ãarea wãnaipɨ. Mãɨne ãchia chi ẽpẽerã Tachi Ak'õreneerã mãɨnepa chi ichia k'ɨ̃ria bɨ p'uurut'a jũranaipɨ. Maamina Tachi Ak'õrepa pajãnepa t'ɨpɨ tau urua peepik'ari, mãɨpa ãchi ãarea k'enaipɨ.