Apocalipsi 12:9 - Tachi Ak'õre Pedea

⁹ Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.

Apocalipsi 12:9 ပူးပေါင်းရင်းမြစ်များ

Mateo 13:39

Chi nek'ĩramá, mãɨpa ne uu mietá uuda jara k'ɨ̃ria bɨma tiore mietapɨ. Chi ne uu ĩjũa chaudai ewari jara k'ɨ̃ria bɨma nãɨ jõi ewari. Chi ne uu ĩjũa chauparí ewari mimiapataɨrã jara k'ɨ̃ria bɨma Tachi Ak'õrepa ɨt'aripa peedarã.

Mateo 24:24

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Mateo 4:1

Mãɨya bak'ari Tachi Ak'õre Jaorepa Jesú ĩjũa pania newẽa bɨdea enemeesima. Maapae tiorepa ichiá mĩesa jarasima nemietá oomẽrá.

Mateo 4:10

Mãɨne Jesupa tiorea jarasima: —Tiore, ãyá wãse. Tachi Ak'õre pedeade nãɨya bɨ bɨma: “Aba pɨ Chipari Tachi Ak'õreapuru pia pedease. Ichia jara bɨt'a oo base”.

Mateo 4:5

Mãɨya bak'ari tiorepa Jesú Jerusalén, Tachi Ak'õre p'uurudea ateewãsima. Mãma Tachi Ak'õre te poro ɨt'ɨ bɨmá ateewãsima.

Mateo 4:8

Mãɨya bak'ari tiorepa Jesú eya ɨt'ɨ bɨdea ateewãsima. Mãmãɨpa Jesua jõma nãɨ ĩjũane be p'uuru mãɨnepa p'uurucha ne auk'ará k'ede ak'ɨpisima.

Luca 10:18

Mãɨ k'orea Jesupa ãchiá jarasima: —Ãjã, mɨa unu basima tiore ɨt'aripa pa baepari jĩra baesit'a.

Luca 13:16

Mãɨyaipɨra ¿pia bɨwẽk'ãra nãɨ wẽra, tiorepa dieciocho ãyo pa bada piawẽa uru badadepema mimianak'apɨ́ ewaride jɨpa beepii? ¿Ichi sida Abrahanepa chedawẽk'ãra?

Luca 22:3

Mãɨya bɨde tiorepa Juda Iscariote k'ɨ̃risia p'uesima. Mãɨ Juda Jesupa doce peedaɨrãnepema pasima.

Luca 22:31

Mãɨ awara Tachi Chiparipa jarasima: «Simón, Simón, tiorepa Tachi Ak'õrea idisima mãra oo bɨdepa mɨne ĩjãa p'anɨ itu bɨpii k'orea.

Luca 8:12

Mãɨ chi net'a tau ode baedat'a nãɨ jara bɨma: waapẽarã ẽpẽrarãpa Tachi Ak'õre pedea ũrinak'ari tiorepa mãɨ pedea ãchi sõne cheda k'ɨ̃risia atuapiparima ĩjãapidaemaapa. Mãɨya ãchi nemietaadepema k'aripaiwẽma.

Juan 12:31

Naapae Tachi Ak'õrepa nãɨ ĩjũanepemarãpa nemietá oopataɨ ak'ɨk'ari ɨtɨaipɨ. Naapae, chi nãɨ ĩjũanepema chipari Tachi Ak'õrepa p'ueipɨ.

Juan 14:30

»Mɨ mãra ome minachia pedeawẽma, chi nãɨ ĩjũanepema chaarea bɨ cheru pẽra. Ichia mɨ p'uek'ama.

Juan 16:11

Mãɨnepa Tachi Ak'õre Jaorepa k'awapiipɨ nãɨ ĩjũanepemarã nepɨra pará p'anɨane ait'a, Tachi Ak'õrepa chi nãɨ ĩjũanepema chipari nepɨra pará bɨade ada pẽra.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Hecho 5:3

Mãɨne Pedropa jarasima: —Anania, pɨa ¿k'ãre k'orea tiore pɨ sõne itu wãpisima? Pɨa Tachi Ak'õre Jaore sea bɨma. Pɨ ĩjũa netodadepema erreara waapẽarã mẽra uru bɨma.

Romano 16:18

Ãchia Tachi Chipari Jesucristopa k'ɨ̃ria bɨ oo p'anɨwẽma, mãɨpari ãchia k'ɨ̃ria p'anɨt'a oo p'anɨma. Ãchi pedea pia bɨdepa chi k'ɨ̃risiadawẽa berã seapatama.

Romano 16:20

Chi ne k'ɨ̃risiawẽa bapiparí Tachi Ak'õrepa tãaraawẽa bɨde tiore p'uek'ari mãra juade bɨipɨ. Mɨa k'ɨ̃ria bɨma Tachi Chipari Jesupa ichi sõpiadepa mãra k'aripa bait'a.

2 Corintio 11:14

Jãɨrã k'orea mãrapa k'awa k'ɨ̃risiadawẽa p'anɨwẽma. Tiore sida Tachi Ak'õrepa ɨt'aripa peeda ɨnaanepema jĩra cheparima.

2 Corintio 11:3

Maamina mɨa wap'ea bɨma waapẽarãpa mãra seadait'a taamapa k'ɨ̃risia k'awaadepa Eva seada jĩra. Mãɨyara mãrapa Cristode piarã sõnepa ĩjãa p'anɨt'a itu bɨdaipɨ.

2 Corintio 12:7

Tachi Ak'õrepa mɨá pajãne unupida minachia atepe piipará basima. Maamina ara mɨchi k'orea minachia pia k'ɨ̃risiapiemaapa mɨ p'uapisima, ɨɨrɨpa su nɨbɨ jĩra. Tiorepa peedapa mãɨya ooparima.

2 Corintio 2:11

Mãɨya mɨa mãɨ k'ɨ̃risia atuasima tiorea tachi seapiemaapa. Ichia sãmaasã́ oopari tachia minachia k'awa p'anɨma.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

Ep'esio 4:14

Mãɨyara waa warra chak'e jĩra p'ananaiwẽma. Warra chak'epa paritua pedeauta ĩjãaparima. Mãɨ awara ẽpẽrarã sea k'awa berãpa jaratea p'anɨnepa seade ĩjãapipatama nãupa japa ãyá ateeru jĩra. Maamina tachi mãɨ japa jĩra p'ananaiwẽma.

2 Tesalonicense 2:3

Mi ãpia pida abaɨa itu seapirãt'ɨ. Tachi Chiparipa ɨtɨai ewari pai naena chok'araɨrãpa Tachi Ak'õre itu bɨdaipɨ. Mãɨne chi ẽpẽra k'achia bɨt'a unupiipɨ. Mãɨ ẽpẽra Tachi Ak'õrepa t'ɨpɨ uruadea jira peeipɨ.

1 Timoteo 2:14

Mãɨ awara tiorepa Adán seaé pasima, mãɨpari wẽra seasima. Mãɨya seaside wẽrapa nemietá oosima.

2 Timoteo 3:13

Mãɨnepa ẽpẽra k'achiarãpa mãɨnepa awara seapataɨrãpa atepe nemietá oo p'ananaipɨ. Waapẽarã sea p'ananaipɨ mãɨnepa waapẽarãpa ãchi seadaipɨ.

Hebreo 2:14

Mãɨ warrarã k'ak'ua pará mãɨnepa oa pará ooda pẽra Jesú sida abarik'a basima ichi piudadepa tiore p'uei k'orea. Mãɨ tiorepa tachi piudai p'anɨ ichi juade uru bɨma.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.

Juda 1:9

Maamina Tachi Ak'õrepa ɨt'aripa peeda chi minachia k'awa bɨ Miguelpa mãɨya ook'a pasima. Moisé piuside Miguel tiore ome k'ĩk'ĩrua pedea p'anasima chi k'ak'ua k'ai juade beei k'awayá. Maamina k'achia pedeai k'ɨ̃risiaé pasima, mãɨyawẽapuru jarasima: «Tachi Chiparipa pɨ ɨtɨaipɨ».

Apocalipsi 12:12

¡Mãɨpuru chi ãarea pajãne nɨbɨ arapaat'ɨ! Maamina chi nãɨ ĩjũane nɨbɨ mãɨnepa chi p'usade nɨbɨ sõk'achiadaipɨ, tiore ãchimá chesideepuru. Tiorepa Jesú minachia tãaraa baiwẽ k'awa bɨ pẽra minachia k'ĩruu bɨma».

Apocalipsi 12:3

Maapae mãicha pajãne ne jara k'ɨ̃ria bet'a unupisima. Mɨa je p'urea minachia bɨt'a unusima. Mãɨ jepa poro siete uru basima mãɨnepa k'achu diez uru basima. Poro jũra jɨ̃parí porocha jɨ̃ basima.

Apocalipsi 12:7

Mãɨya nak'ari Tachi Ak'õrepa ɨt'aripa peeda chi atepe bɨ Miguel apataɨpa chi ichi ome p'anɨrãpa chi je ome pajãne k'ĩruu p'anasima. Mãɨnepa chi jederã paara k'ĩruu p'anasima.

Apocalipsi 12:8

Maamina chi je chi ichi lawari ãarea p'anɨrãpa p'uedaé pasima. Mãɨpuru ãchi pajãne waa p'ue p'ananaé pasima.

Apocalipsi 13:14

Tachi Ak'õrepa mãɨ ĩjũanepa ochiadá ne p'ue oodak'apɨɨt'a itu oopisima chi mãɨ p'usadepa cheda t'ɨ̃ne. Mãɨya chi nãɨ ĩjũanepa ochiadapa chi nãɨ ĩjũanepemarã seasima. Ichia ẽpẽerã́ sãdo jĩra oopisima chi naapema ãnimara k'ĩra jĩra, chi nek'opa k'õ bada mãɨ wapida piuwẽa bɨ jĩra.

Apocalipsi 16:14

Mãɨrã chi ãnimara mietaarã jaorerãpa ne p'ue oodak'apɨ́ minachia oopachidama. Mãɨnepa chi tuachadepemarã poro jũra jɨ̃parí jɨ̃ p'anɨrã́ jarade wãsidama Tachi Chipari ome k'ĩruune wãnamẽrá, Tachi Ak'õre chi Ne Ãarea P'ue Bɨpa ɨtɨai ewaride.

Apocalipsi 18:2

Ichia nãɨya jĩk'ua jarasima: «¡Babilonia p'uuru minachia bɨ baesima! ¡Piarã ãarea baesima! Ẽpẽerã newẽma, maawẽapuru jaore mietaarã mãma p'anapatama. Jõma jaore mietá be mãma p'anapatama. Jõma ĩpana Tachi Ak'õre k'ĩrari mietá be mãma p'anapatama.

Apocalipsi 18:23

Mãma ĩpira urua waa ununaiwẽma. K'ima atautade arapaapataɨ tede waa ne oo p'anɨt'a waa ũrinaiwẽma. Chi mãmapema ne netopataɨrã nãɨ ĩjũane minachia ɨbɨarã pasidama. Chi mãmapema jaipanarãpa tuachapemarã ãarea seapachidama.

Apocalipsi 19:20

K'ĩruutade chi mũra ɨ̃rɨ suak'abari bɨpa chi ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a jitasima. Mãɨ chi piarã Tachi Ak'õre pari pedeapariwẽpa chi ãnimara mietá bɨ t'ɨ̃nepa ẽpẽerãpa ne p'ue oodak'apɨ́ waibɨa bet'a oopachima. Mãɨya chi ẽpẽerãpa chi ãnimara mietá bɨa itu tauchaapidaadarã ãarea seapachima. Ichiaba chi mãɨ ãnimara jĩra bɨ juapa oodada sãdo minachia k'ɨ̃rianaanat'a seapachima. Chi mũra ɨ̃rɨ suak'abari bɨpa mãɨ ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a chok'ae p'anɨ senia azup're paara t'ɨpɨ urua bɨdea jirat'aasima.

Apocalipsi 2:13

»Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.

Apocalipsi 2:24

Maamina chi eda mãranepema Tiatira p'uurudepemarãpa chi jãɨ wẽrapa jaratea bɨt'a ĩjãanawẽa p'anɨma. Mãɨ awara mãrapa chi “tiorepa ne mẽra uru bɨade” apataɨ, makɨɨ k'awadayá jɨrɨ p'anɨwẽma. Mɨa waa mãrá waa ne awara oopide peeiwẽma.

Apocalipsi 2:9

»Mãrapa oo p'anɨt'a mɨa k'awa bɨma. Mãra mĩa p'anɨt'a mãɨnepa nenea k'edet'a k'awa bɨma. Mãɨya p'anɨmina Tachi Ak'õrenepa ɨbɨa p'anɨma. Mɨa k'awa bɨma chi ara ãchi judiorãane apataɨrãpa mãra k'orea k'achia pedeapatat'a. Ãchi Tachi Ak'õrené ẽpẽerãane apatamina tioredé ẽpẽerãpɨ.

Apocalipsi 20:10

Mãɨya nak'ari Tachi Ak'õrepa tiore chi ẽpẽerã sea uru bada azup're t'ɨpɨ urua nɨbɨdea jirat'aaipɨ. Naena Tachi Ak'õrepa chi ãnimara mietá bɨ mãɨnepa chi piarã Tachi Ak'õre pari pedeapariwẽ mãɨ t'ɨpɨ uruade jirat'aa basima. Mãma tiore ãchi paara ewaricha ãst'á mãɨnepa teamasi minachia mĩa p'ananaipɨ.

Apocalipsi 20:8

Mãɨne ichia tuacha ãarea seade wãipɨ. Gog tuadepemarã, Magog tuadepemarã sida seaipɨ. Ichia mãɨ tuadepema papaká berã p'usa ipu jĩra chok'ará p'anɨt'a ateewãipɨ ẽpẽerã Tachi Ak'õrenepemarã ome k'ĩruunamẽrá.

Apocalipsi 3:9

¡Ũrit'ɨ! Mãra jĩru k'ait'a mɨa tioredé ẽpẽerã sĩraporode k'op'aneepiipɨ. Ãchi Tachi Ak'õrené ẽpẽerãane apatamina mãɨyawẽma. Ãchi chi sea p'anɨma. K'awadaipɨ mɨa mãra k'ɨ̃ria bɨt'a.

Apocalipsi 9:1

Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Mãɨne mɨa k'ãk'ãi nãɨ ĩjũanea baesit'a unusima. Mãɨne abaɨpa chi k'ãk'ãiya chi uria minachia bɨdepema eda wãpataɨ ewaparit'a teasima.

Apocalipsi 9:20

Chi ẽpẽerã mãɨ mãɨya badadepa piudadawẽpa wapida ãchia nemietá oodai mãɨnepa tiorerãne ĩjãanai itu bɨdaé pasima. Juapa oodada sãdo itu bɨdaé pasima: chi nee ooda, p'arat'a ooda, bronce ooda, mawara ooda mãɨnepa pak'uru ooda mãɨrã ãarea itu bɨdaé pasima. Mãɨrã ãstu ununak'ama, ũrinak'ama, mãɨnepa wãnak'ama.