Apocalipsi 12:4 - Tachi Ak'õre Pedea

⁴ Ichi tu jĩnap'et'aside k'ãk'ãi perá estarik'a pajãnepa nãɨ ĩjũanea baepisima. Mãɨ je wẽra warra t'õi k'orea bɨmá bai nɨbeesima warra chak'e t'õrune mii k'orea.

Apocalipsi 12:4 ပူးပေါင်းရင်းမြစ်များ

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

Apocalipsi 12:7

Mãɨya nak'ari Tachi Ak'õrepa ɨt'aripa peeda chi atepe bɨ Miguel apataɨpa chi ichi ome p'anɨrãpa chi je ome pajãne k'ĩruu p'anasima. Mãɨnepa chi jederã paara k'ĩruu p'anasima.

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.

Apocalipsi 13:2

Mãɨ ãnimara mɨa ununa imama jĩra t'ɨt'ɨdɨa basima. Ichi jĩru ui jĩru jĩra basima. Ichi it'ae imama it'ae jĩra basima. Chi jepa mãɨ ãnimara chi nãɨ ĩjũa chipari jĩra papisima. Mãɨnepa ichi suak'a beeparí auk'ará bɨde suak'abari beepisima, chi nãɨ ĩjũane be ichi juade p'ue uru bamẽrá.

Apocalipsi 13:4

Mãɨne ãchia chi je miak'ãe k'ɨ̃riapachidama, ichi jua chaarea chi ãnimará teada pẽra. Mãɨnepa chi ãnimara k'ɨ̃riapachidama. Nãɨya jarapachidama: «¿K'ai jãɨ ãnimara jĩra p'anɨma? ¿K'ai jãɨ ome k'ĩruuima?»

Apocalipsi 16:13

Mãɨnepa mɨa jaore ũpea mietá tobio jĩra bet'a unusima. Abaɨ chi je it'aedepa ochiasima. Ya abaɨ ãnimara it'aedepa ochiasima. Mãɨnepa abaɨ ochiasima chi piarã Tachi Ak'õre pari pedeapariwẽ it'aedepa.

Apocalipsi 17:18

Chi pɨa ununa wẽra k'achia bɨ p'uuru waibɨa bɨ jara k'ɨ̃ria bɨma. Mãɨ p'uurudepema poro jũra jɨ̃parí jɨ̃ bɨpa chi waapẽarã tuachadepema poro jũra jɨ̃parí jɨ̃ p'anɨrã ichi juade uru bɨma».

Apocalipsi 20:2

Chi je jitak'ari mil ãyo jɨ̃ nɨbɨsima. Mãɨ je chi chõarãenapema taamapɨ. Tiore mãɨnepa Tiore apatama.

Apocalipsi 8:10

Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Ara mãɨne k'ãk'ãi waibɨa bɨt'a ĩpira jĩra urua bɨt'a ɨt'aripa baechesima. Perá estarik'a pait'ea toeda mãɨnepa chi to ek'aripa t'ɨ nɨbɨmá baesima.

Apocalipsi 8:11

Mãɨ k'ãk'ãi t'ɨ̃ nãɨpɨ: “Asia Bɨ”. Chi baedamá chi pania ãarea asia beesima. Mãɨ panianepa ẽpẽerã minachia piusidama.

Apocalipsi 8:12

Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Ara mãɨne perá estarik'a pait'ea chi jedek'o mãɨnepa chi ɨmata estarik'a p'ãriosima. Mãɨnepa chi k'ãk'ãi sida perá ichiaba estarik'a p'ãriosidama. Mãɨpuru chi ewari mãɨnepa teamasi perá estarik'a pait'ea p'ãriosima.

Apocalipsi 8:7

Chi naa bɨpa ichi ãnimara k'achu chaasima. Mãɨnepa t'ɨpɨ oa pará ará p'uerada nãɨ ĩjũanea baesima. Mãɨpa nãɨ ĩjũa mãɨnepa pak'uru perá estarik'a pait'ea paawãsima. Mãɨnepa sirua ãarea paawãsima.

Apocalipsi 8:8

Mãɨya bak'ari mãɨ ɨ̃aripema Tachi Ak'õrepa ɨt'aripa peedapa ichi ãnimara k'achu chaasima. Ara mãɨne eya minachia urua bɨ chi p'usadea bat'a peesima. Mãɨpa p'usa perá estarik'a pait'ea oa papisima.

Apocalipsi 8:9

Mãɨne perá estarik'a pait'ea chi ãnimara p'usade beada piusidama, mãɨnepa perá estarik'a pait'ea chi p'ãp'orro mãma nɨbada ãrisima.

Apocalipsi 9:10

Ãchi tu tusõre tu k'umia bɨ jĩra beasima. Ãchi tudepa k'aauta p'ue jedek'o k'ak'o joesoma ãarea ẽpẽerã p'uapidayá p'anasima.

Apocalipsi 9:19

Mãɨ mũra chi mesãrá chi it'aede mãɨnepa chi tude beasima. Ãchi tu taama jĩra beasima. Mãɨ chi tu poro pará bɨdepa ẽpẽerã k'aadak'ari maapae peapachidama.