Apocalipsi 12:10 - Tachi Ak'õre Pedea

¹⁰ Mãɨne mɨa ũrisima aba chi pajãne jĩk'ua pedeamaa bɨt'a. Mãɨpa nãɨya jarasima: «Idi Tachi Ak'õrepa ichi ẽpẽerãt'a k'aripamaa bɨma. Idi ichi jua chaareadepa jõmãɨrã chipari baipɨ mãɨnepa ichidirã ichi juade baipɨ. Cristo ichia Tachi K'aripaparí teai jaradapa ãarea p'ueipɨ. Chi tachi ũpẽarã k'orea nemietá pedeaparit'a pajãnepa nãɨ ĩjũanea bat'a peesima. Ichia ãst'á mãɨnepa teamasi Tachi Ak'õre k'ĩrari tachi ũpẽarã k'orea nemietá pedeapachima.

Apocalipsi 12:10 ပူးပေါင်းရင်းမြစ်များ

Mateo 26:64

Jesupa p'anoosima: —Ãjã, pɨa mãɨya jara bɨma. Mãɨ awara mɨa jararuma: idiipa naa mãrapa mɨ, chi Ẽpẽra Warra ununaipɨ Tachi Ak'õre chi Ne Ãarea P'ue Bɨ juaraari suak'abari bɨt'a mãɨnepa jɨ̃arane cherut'a.

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

Mateo 6:10

Taipa k'ɨ̃ria p'anɨma tãaraawẽa bɨde pɨa pɨchidirã pɨ juade ua bait'a. K'ɨ̃ria p'anɨma pɨa k'ɨ̃ria bɨ nãɨ ĩjũanepemarãpa oodait'a, pajãnepemarãpa oopata jĩra.

Luca 11:2

Jesupa jarasima: —Mãrapa Tachi Ak'õrea ɨt'aa chiidiutade nãɨya chiidit'ɨ: “Tai Ak'õre pajãne bɨ, pɨ t'ɨ̃ waapẽarã t'ɨ̃ k'aepẽra piipará bɨma. Taipa k'ɨ̃ria p'anɨma tãaraawẽa bɨde pɨa pɨchidirã pɨ juade ua bait'a. [Ichiaba k'ɨ̃ria p'anɨma pɨa k'ɨ̃ria bɨ nãɨ ĩjũanepemarãpa oodait'a, pajãnepemarãpa oopata jĩra.]

Luca 22:31

Mãɨ awara Tachi Chiparipa jarasima: «Simón, Simón, tiorepa Tachi Ak'õrea idisima mãra oo bɨdepa mɨne ĩjãa p'anɨ itu bɨpii k'orea.

1 Corintio 5:4

Mãra ará p'aneeutade, mɨ k'ɨ̃risiadepa mãra ome baipɨ. Mãɨnepa Tachi Chipari Jesú jua chaarea mãrá teaipɨ,

2 Corintio 12:9

Maamina ichia jarasima: «Mɨ sõpiadepa pɨ k'aripaipɨ jõma choa bamẽrá. Pɨ ɨbɨwẽa bɨde, mɨ jua chaarea atepe ɨbɨa baparima». Mɨ ɨbɨwẽa bɨde Cristo chaarea bapari pẽra mɨ ɨbɨwẽa bɨ k'orea arapaadepa pia pedeaipɨ.

Tito 2:3

Mãɨnepa chõtãarã́ jaratease Tachi Ak'õre k'ĩrari jĩp'a p'ananamẽrá, waapẽarã k'orea seadepa k'achia pedeadawẽa p'ananamẽrá mãɨnepa piu nipapidaemaapa. Mãɨpari nepia jarateadai p'anɨma.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

Apocalipsi 11:15

Tachi Ak'õrepa ɨt'aripa peeda sietedepema chi k'aadea bɨpa ichi ãnimara k'achu chaasima. Mãɨne pajãne chok'ará nãɨya jĩk'ua pedeasidama: «Chi nãɨ ĩjũanepema poro jũra jɨ̃parí jɨ̃ p'anɨrãpa ãchi jua ek'ari naena uru p'anana, Tachi Chipari mãɨnepa ichi Cristopa mãɨ ãarea ãchi juade uru p'aneesidama». Idiipa naa Tachi Ak'õre ewaricha ãareaɨrã Chipari baipɨ.

Apocalipsi 2:26

Chi nemietá p'uedaadarãpa mãɨnepa chi ewaricha mɨa k'ɨ̃ria bɨ oodaadarãpa mɨa mãɨrã bɨk'oaipɨ ãchi p'uurucha chiparirã padamẽrá, mɨ Ak'õrepa mɨ jõmãɨrã chipari bɨda jĩra. Maapae ãchia sõ chupuriadawẽa ãareaɨrã́ jok'ae oopidaipɨ, mãɨya oodamẽrá. Chok'o ãriuta jĩra jõmãɨrã p'uedaipɨ.

Apocalipsi 7:10

Mãɨne ãareaɨrãpa nãɨya ɨbɨa jarasidama: «¡Tai Ak'õre chi nãɨ suak'a beeparí auk'ará bɨde suak'abari bɨpa mãɨnepa chi Oveja Chak'epa tai k'aripasidama!»