Apocalipsi 11:8 - Tachi Ak'õre Pedea

⁸ Chi piudada chi Jerusalén p'uuru waibɨa bɨde bari beaipɨ. Mãɨ p'uuru «Sodomaane» wa «Egitoade» apatama, mãma ãchi Chipari Jesú k'urusude barijira bɨdada pẽra.

Apocalipsi 11:8 ပူးပေါင်းရင်းမြစ်များ

Mateo 10:15

Mɨa piarã jararuma: Tachi Ak'õrepa ɨtɨai ewaride Sodoma, Gomorra p'uuru k'aepẽra mãɨ p'uuru atepe ɨtɨaipɨ.

Hecho 9:4

Mãɨpa Saulo jeeda baepisima. Mãɨne pedea ũrisima. Mãɨ pedeapa jarasima: —Saulo, Saulo, ¿k'ãre k'orea mɨ ẽp'ẽ bɨma?

Hebreo 13:12

Ara mãɨ jĩra Jesú p'uuru awara minachia mĩasima ichi oapa ẽpẽerã Tachi Ak'õre pae pia bɨi k'orea.

Hebreo 6:6

abaɨpa Cristo itu bɨda pẽra mãicha jĩitea ichimá p'ue cheiwẽma. Mãɨyasidara Tachi Ak'õre Warra k'orea jõmãɨrã́ piawẽa pedeapidaipɨ mãicha k'urusude barijira bɨuta jĩra.

2 Pedro 2:6

Mãɨnepa Tachi Ak'õrepa Sodoma p'uuru mãɨnepa Gomorra p'uuru ɨtɨaside jõma paa peesima. Mãɨ ãarea et'abarra jora papisima. Mãɨneepuru ichia k'awapisima chi ichi k'ɨ̃rianak'aɨrã́ ãchi sãanait'a.

Juda 1:7

Ara mãɨ jĩra Tachi Ak'õrepa Sodomanepemarã, Gomorradepemarã, mãɨnepa ãchi k'ait'a be p'uurudepemarã sida ɨtɨasima. Mãɨ ẽpẽrarãpa k'ĩranejasia oopachidama. Nejõma nemietá tachi k'ak'uapa ooiwẽa bɨt'a oopachidama. Mãɨpuru Tachi Ak'õrepa ãchi t'ɨpɨ urua k'iik'ade ewaricha minachia mĩa uru bɨma. Mãɨpa k'awapi bɨma nemietá oopataɨrã ãarea mãɨya minachia mĩa p'ananait'a.

Apocalipsi 11:13

Ara mãɨne iurumia ɨbɨa chesima. Mãɨpa Jerusalén p'uurude te minachia k'orap'et'ak'oasima. Ẽpẽerã siete mil piusidama. Ara mãɨne chi chok'ae beadapa chi pajãnepema Tachi Ak'õrea chi wap'eapa ichi pia bɨade a jarasidama.

Apocalipsi 11:9

Ẽpẽerã p'uurucha, pedeacha, ẽpẽerã awaraɨcha mãɨnepa ĩjũacha mãɨrãnepemarãpa chi piudada ak'ɨdaipɨ ewari k'ak'o ũpeak'ari ya estarik'a. Chi piudada itu t'ɨbaripidaiwẽma.

Apocalipsi 14:20

Jerusalén p'uuru awara chi uva pertɨasima. Mãɨ pertɨasidaɨde mãmãɨpa oa minachia chesima. Chi t'umá mũra k'idat'umá pa basima.

Apocalipsi 14:8

Mãɨ Tachi Ak'õrepa ɨt'aripa peeda mãɨ ɨ̃ari chek'ari nãɨya jarasima: «Babilonia p'uuru jõsima. Piarã ãarea baesima. Mãɨ p'uurudepemarãpa chi minachia k'ĩra p'era oo p'anɨpa tuachadepemarã́ abarik'a nemietá oopisidama uvaba topiuta jĩra».

Apocalipsi 16:19

Chi p'uuru waibɨa bɨ bari k'ak'o ũpea ãarea t'odochoapisima. Mãɨnepa jõma nãɨ ĩjũanepema p'uuru baewãk'oasidama. Tachi Ak'õrepa Babilonia p'uuru waibɨa bɨdepema k'ɨ̃risiasima, mãɨ ɨtɨai k'orea. Ichi k'ĩruupidepa mãɨ p'uuru minachia ɨtɨasima uvaba minachia asia bɨ topi bɨ jĩra.

Apocalipsi 17:1

Chi Tachi Ak'õrepa ɨt'aripa peedaɨrãnepema aba bɨpa chi p'arat'u jãjoa be siete uru bada mɨmá chek'ari maapae nãɨya jarasima: «Wãnama. Mɨa unupiipɨ sãmaasã́ Tachi Ak'õrepa chi wẽra k'achia bɨt'a ɨtɨait'a. Mãɨ “wẽra chi to minachia berãk'á suak'abari baparipɨ”.

Apocalipsi 17:18

Chi pɨa ununa wẽra k'achia bɨ p'uuru waibɨa bɨ jara k'ɨ̃ria bɨma. Mãɨ p'uurudepema poro jũra jɨ̃parí jɨ̃ bɨpa chi waapẽarã tuachadepema poro jũra jɨ̃parí jɨ̃ p'anɨrã ichi juade uru bɨma».

Apocalipsi 17:5

Ichi tau bɨɨrɨde t'ɨ̃ aba tachia ũrinak'apɨ́ bɨ uru basima. Nãɨya bɨ basima: «Mɨ Babilonia chi p'uuru minachia bɨpɨ. Mɨ wẽrarã k'achiarã naepɨ, mãɨnepa chi ãarea nãɨ ĩjũane Tachi Ak'õrepa k'ɨ̃riak'apɨ́ naepɨ».

Apocalipsi 18:10

Wap'ea p'ananaipɨ Tachi Ak'õrepa Babilonia p'uuru ɨtɨada jĩra ãchi sida ɨtɨaipɨ. Mãɨ k'orea t'ɨmɨɨpa ak'ɨ p'anɨne nãɨya jaradaipɨ: «¡Miachupuri, miachupuri Babilonia p'uuru minachia bɨ ne wawaria oo bada pẽra! Tachi Ak'õrepa jãɨ p'uuru isapea ɨtɨasima».

Apocalipsi 18:18

Mãɨ p'uuru paa nɨbɨ nãri unuutade nãɨya jĩk'ua jaradaipɨ: «¿Sãɨ p'uuru jãɨ p'uuru bada jĩra bɨma?»

Apocalipsi 18:2

Ichia nãɨya jĩk'ua jarasima: «¡Babilonia p'uuru minachia bɨ baesima! ¡Piarã ãarea baesima! Ẽpẽerã newẽma, maawẽapuru jaore mietaarã mãma p'anapatama. Jõma jaore mietá be mãma p'anapatama. Jõma ĩpana Tachi Ak'õre k'ĩrari mietá be mãma p'anapatama.

Apocalipsi 18:21

Maapae Tachi Ak'õrepa ɨt'aripa peeda chi atepe bɨpa mawara waibɨa k'ũruma minachia bɨt'a atak'ari p'usadea jirat'aasima. Mãɨya oorude nãɨya jarasima: «Mãɨ mawara p'usadea jirat'aada jĩra Babilonia p'uuru minachia bɨ isapea ãarea jõipɨ. Mãɨ p'uuru waa ununaiwẽma.

Apocalipsi 18:24

Tachi Ak'õre pari pedeapataɨrã peadada k'orea, ẽpẽerã Tachi Ak'õreneerã peadada k'orea mãɨnepa ãarea nãɨ ĩjũane peadada k'orea mãɨ p'uuru nepɨra pará beesima».