Apocalipsi 11:6 - Tachi Ak'õre Pedea

⁶ Mãɨ chi ẽpẽra ume p'anɨ Tachi Ak'õre pae pedeamaa p'anɨne chi pajã p'ue serradai p'anɨma, k'oe chepidaemaapa. Mãɨnepa pania oa p'ue papidai p'anɨma mãɨnepa ne minachia wawaria p'ue oodai p'anɨma nãɨ ĩjũa k'enanai k'orea ãchia k'ɨ̃ria p'anɨ jĩra.

Apocalipsi 11:6 ပူးပေါင်းရင်းမြစ်များ

Luca 4:25

K'ɨ̃risiat'ɨ, Elía basi ewaride Israel tuade p'ẽtãarã chok'ará p'anasidama. Mãɨ ewaride ãyo k'ak'o ũpeak'ari ya estarik'a k'oe chewẽa bada pẽra jarra minachia oosima.

Apocalipsi 11:3

Mãɨ ewaride mɨa ẽpẽra ume tea peeipɨ mãɨrãpa mɨ k'orea pia pedeadamẽrá. Ãchia neet'á sõp'ua p'anɨne jɨ̃pataɨ jɨ̃nak'ari maapae Tachi Ak'õre k'orea pedeadaipɨ 1.260 ewari bɨpari».

Apocalipsi 16:3

Mãɨya nak'ari chi abaɨ Tachi Ak'õrepa ɨt'aripa peeda chi p'arat'u jãjoa bɨde uru bada p'usadea wea peesima. Mãɨnepa chi p'usa oa pasima. Ẽpẽra peadada oa jĩra beesima. Mãɨne chi ne p'usade chok'ae beada ãarea piusidama.

Apocalipsi 16:4

Mãɨya nak'ari chi abaɨ Tachi Ak'õrepa ɨt'aripa peedapa toedá mãɨnepa chi to ek'aripa t'ɨ nɨbɨdea ãarea wea peesima. Mãɨpa ãarea oa pasima.

Apocalipsi 8:8

Mãɨya bak'ari mãɨ ɨ̃aripema Tachi Ak'õrepa ɨt'aripa peedapa ichi ãnimara k'achu chaasima. Ara mãɨne eya minachia urua bɨ chi p'usadea bat'a peesima. Mãɨpa p'usa perá estarik'a pait'ea oa papisima.