Apocalipsi 11:19 - Tachi Ak'õre Pedea

¹⁹ Maapae Tachi Ak'õre te minachia bɨ pajãne bɨ ewasima. Mãma chi Tachi Ak'õrepa oopida baulte mɨa unusima. Mãɨne pa wiwirá nɨbeesima, pa bae nɨbeesima, mãɨnepa minachia jĩk'ua bae nɨbeesima. Nãɨ ĩjũa ore nɨbeesima mãɨnepa hielo k'oe jĩra bae nɨbeesima.

Apocalipsi 11:19 ပူးပေါင်းရင်းမြစ်များ

Apocalipsi 11:13

Ara mãɨne iurumia ɨbɨa chesima. Mãɨpa Jerusalén p'uurude te minachia k'orap'et'ak'oasima. Ẽpẽerã siete mil piusidama. Ara mãɨne chi chok'ae beadapa chi pajãnepema Tachi Ak'õrea chi wap'eapa ichi pia bɨade a jarasidama.

Apocalipsi 11:15

Tachi Ak'õrepa ɨt'aripa peeda sietedepema chi k'aadea bɨpa ichi ãnimara k'achu chaasima. Mãɨne pajãne chok'ará nãɨya jĩk'ua pedeasidama: «Chi nãɨ ĩjũanepema poro jũra jɨ̃parí jɨ̃ p'anɨrãpa ãchi jua ek'ari naena uru p'anana, Tachi Chipari mãɨnepa ichi Cristopa mãɨ ãarea ãchi juade uru p'aneesidama». Idiipa naa Tachi Ak'õre ewaricha ãareaɨrã Chipari baipɨ.

Apocalipsi 12:1

Pajãne ne jara k'ɨ̃ria bet'a unupisima. Mɨa unusima wẽrapa ɨmata p'aru jĩra jɨ̃ bɨt'a. Nãɨ wẽra k'ĩra awara bɨma chi Babilonianepema wẽra k'achia bɨ ome. Jedek'o ichi jĩru ek'ari basima. Poro jũra jɨ̃parí k'ãk'ãi k'ak'o doce ooda jɨ̃ basima.

Apocalipsi 16:1

Mãɨne chi abaɨpa chi Tachi Ak'õre te pajãne bɨdepa jĩk'ua pedea bɨt'a mɨa ũrisima. Chi Tachi Ak'õrepa ɨt'aripa peedaɨrã siete p'anɨa nãɨya jarasima: «Chi p'arat'u jãjoa siete p'anɨne ne eda be weade wãt'ɨ ĩjũanea, Tachi Ak'õre k'ĩruupi bɨdepa nãɨ ĩjũa ɨtɨait'a mãɨya unupidai k'orea».

Apocalipsi 16:18

Ara mãɨne pa ɨbɨa wiwirá nɨbeesima, ɨbɨa ɨrrɨa wã nɨbeesima, pa ɨbɨa bae nɨbeesima, mãɨnepa iurumia ɨbɨa wãsima. Nãɨya Tachi Ak'õrepa ẽpẽra oo basiedapema ewariaba pida mãɨya iurumia ɨbɨa wãk'a pasima.

Apocalipsi 16:21

Ɨt'aripa k'oe tau p'ẽya waibɨa k'ojada jĩra chi ẽpẽra ɨ̃rɨ bae nɨbeesima. Mãɨ k'oe tau k'ojada cien libra wãyá chɨk'ɨa basima. Mãɨ k'oe tau k'ojadapa chi ẽpẽerã minachia mĩapiipachi pẽra, Tachi Ak'õre k'orea k'achia pedeapachidama.

Apocalipsi 19:11

Mãɨya nak'ari mɨa unusima pajãne eda wãpataɨ ewa nɨbɨ. Mãɨya bɨde mũra t'ot'oa bɨt'a chesima. Mãɨ mũra ɨ̃rɨ suak'abari bɨt'a Chi Ichia Jarada Jĩra Abarik'a Oo Bɨade apatama mãɨnepa Chi Piarãane apatama. Ichia ẽpẽerã nepɨra jĩp'a ak'ɨparima mãɨnepa jĩp'a oo bɨdepa chi nek'ĩramá ome k'ĩruuparima.

Apocalipsi 4:1

Mãɨya nak'ari mɨa k'ãmok'araa jĩra unusima pajãne eda wãpataɨ ewa nɨbɨt'a. Mãɨne mɨa ãnimara k'achu pedea jĩra naena ũri badapa jarasima: «Nãma ɨt'aa chese. Mɨa pɨá unupiipɨ nãɨ ewari cherude chi mãɨ ne bai bɨt'a».

Apocalipsi 4:5

Ara mãɨya bɨde mãmãɨpa chi tachi Ak'õre suak'a beeparí auk'ará bɨ estarik'aɨpa pa wiwiraasima, mãɨ pa ɨɨrɨa nɨbeesima, mãɨnepa ɨbɨa minachia jĩk'ua bae nɨbeesima. Mãɨ chi suak'a beeparí naa laap'ara k'ak'o siete urua nɨbasima. Mãɨ Tachi Ak'õre naa chi siete p'anɨ jaorerã mãɨ laap'ararãpɨ.

Apocalipsi 7:15

Mãɨpuru Tachi Ak'õre suak'a beeparí auk'ará bɨ k'ĩrari p'anɨma. Ãst'á mãɨnepa teamasi pida Tachi Ak'õre tede ichi pae ne oopatama. Mãɨ suak'a beeparí auk'ará bɨde suak'abari bɨ ãchi ome baipɨ.

Apocalipsi 8:5

Mãɨpuru chi Tachi Ak'õrepa ɨt'aripa peeda chi p'arat'u jitak'ari, ok'ĩtau chi incienso k'era paapataɨde jɨrɨp'ek'ari maapae chi p'arat'u ipirupisima. Chi ok'ĩtau ĩjũane bat'ak'oasima. Mãɨpa pa ɨbɨa baesima, pa minachia ɨrɨterrea wã nɨbeesima, pa wiwirá bae nɨbeesima mãɨnepa nãɨ ĩjũa ore nɨbeesima.

Apocalipsi 8:7

Chi naa bɨpa ichi ãnimara k'achu chaasima. Mãɨnepa t'ɨpɨ oa pará ará p'uerada nãɨ ĩjũanea baesima. Mãɨpa nãɨ ĩjũa mãɨnepa pak'uru perá estarik'a pait'ea paawãsima. Mãɨnepa sirua ãarea paawãsima.