Apocalipsi 11:12 - Tachi Ak'õre Pedea

¹² Maapae chi Tachi Ak'õre pae pedeapataɨrãpa pajãne pedea ɨbɨa ũrisidama. Nãɨya jarasima: «Nãma ɨt'aa chet'ɨ». Ara mãɨne chi nek'ĩramaapa ak'ɨ p'anɨne ãchi ɨt'aa pajãnea jɨ̃arane wãsidama.

Apocalipsi 11:12 ပူးပေါင်းရင်းမြစ်များ

Luca 16:23

»T'ɨpɨ uruade minachia mĩa bɨde chi ɨbɨa badapa Abrahán, Lázaro ome ará p'anɨ t'ɨmɨɨpa unusima.

Hecho 1:9

Jesupa mãɨya jarak'ari ãareaɨrãpa ak'ɨ p'anɨne ɨt'aa ateewãsima. Mãɨne jɨ̃arapa ichi ɨ̃rɨ ãarea p'ãriona pẽra waa ununaé pasima.

1 Tesalonicense 4:17

Ara mãɨne tachi, chi chok'ae berã, ãchi ome ará ɨt'aa wãnaipɨ Tachi Chipari ome jɨ̃arane chi ununai k'orea. Mãɨya Tachi Chipari ome ewaricha tuananaipɨ.

Apocalipsi 12:5

Mãɨne wẽrapa ɨmɨk'ĩra warra t'õsima. (Mãɨ warrapa ichi jua chaareadepa jõma nãɨ ĩjũane berã́ ichi pedea oopiipɨ). Maamina jepa mii naena Tachi Ak'õrepa mãɨ warra ɨt'aa ateesima ichi suak'a beeparí auk'ará bɨde suak'abari bɨmá.

Apocalipsi 3:21

Mɨa nemietá p'ueda pẽra mɨ Ak'õre ome ichi suak'a beeparí auk'ará bɨde suak'abari beesima. Ara mãɨ jĩra nemietá p'uedaadarã mɨ suak'a beeparí auk'ará bɨde mɨ ome suak'abari beepiipɨ.

Apocalipsi 4:1

Mãɨya nak'ari mɨa k'ãmok'araa jĩra unusima pajãne eda wãpataɨ ewa nɨbɨt'a. Mãɨne mɨa ãnimara k'achu pedea jĩra naena ũri badapa jarasima: «Nãma ɨt'aa chese. Mɨa pɨá unupiipɨ nãɨ ewari cherude chi mãɨ ne bai bɨt'a».