3 Juan 1:7 - Tachi Ak'õre Pedea

⁷ Ãchi Jesucristo k'orea jarateade wãsidaɨde, chi Tachi Ak'õrene ĩjãanak'apɨɨrã́ ne ididaé pasima k'aripadamẽrá.

3 Juan 1:7 ပူးပေါင်းရင်းမြစ်များ

Juan 15:21

Mãra mɨ k'orea mãɨya oodaipɨ ãchia chi mɨ Peeda atua p'anɨ pẽra.

Hecho 20:33

»Mɨa chĩara p'arat'a, nee wa chi neet'á ara mɨ pae k'ɨ̃riaé pasima.

Hecho 20:35

Ãarea mɨa oodadepa mãrá k'awapisima ɨbɨa mimia p'anɨnepa chichupuria k'ede k'aripadai p'anɨt'a. K'ɨ̃risiadai p'anɨma Tachi Chipari Jesupa nãɨya jarasit'a: “Piipará bɨma abaɨa ne teait'a chi mãɨ jitai k'aepẽra”».

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Hecho 8:4

Maamina Jerusalenepa mĩruwãnaanapa ãchi wãutacha chi Jesú k'orea pedea pia jarapachidama.

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

1 Corintio 9:18

Mãɨyara ¿mɨa jaratea bɨ k'orea, k'ãre jitaima? Ne jitaiwẽma. Sõ arapá bɨma chi pedea pia Cristo k'orea pari jaratea bɨ pẽra. Mɨa jaratea bɨ k'orea ne jitai bɨmina, ne idik'ama.

2 Corintio 12:13

¿Mɨa k'ãrenepa mãra piawẽa oosima p'uuru awaraɨdepema ũpẽarã k'aepẽra? ¿Abapuru mɨa mãra juadepema ne idiwẽ pẽra mãɨya k'ɨ̃risia p'anɨk'ãra? Mãɨya bɨpɨra ¡mãɨ piawẽa ooda mɨ chupuria k'ɨ̃risia atuat'ɨ!

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

P'ilipense 2:9

Mãɨ k'orea pajãne Tachi Ak'õrepa ichi chi atepe minachia k'awa bɨ bɨsima. Ichi ãarea Chipari bɨsima.

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

3 Juan 1:8

Mãɨ k'orea tachia mãɨ ũpẽarã k'aripadai p'anɨma. Mãɨya ãchi ome ará mimia p'anɨma Tachi Ak'õre piarã pedea k'awapidai k'orea.

Apocalipsi 2:3

Mãra mɨ k'orea minachia mĩa p'anɨne jõma choa p'anɨma mãɨnepa sõ edá baedawẽa mɨ pae pia mimia p'anɨma.