3 Juan 1:11 - Tachi Ak'õre Pedea

¹¹ Ũpẽa Gayo, nemietá oopataɨrã jĩra barãse mãɨpari pia oopataɨrã jĩra base. Chi pia ooparí Tachi Ak'õrenepɨ, maamina chi nemietá ooparipa Tachi Ak'õre atua bɨma.

3 Juan 1:11 ပူးပေါင်းရင်းမြစ်များ

Juan 10:27

Mɨ ovejarãpa mɨ pedea k'awa p'anɨma. Mɨa ãchi k'awa bɨma. Mãɨpuru ãchi mɨ k'aade wãpatama.

Juan 12:26

Paritua mɨ pae pari mimiaparí pa k'ɨ̃ria bɨpɨra, mɨ ome nipai bɨma. Mɨ wãrumá, chi mɨ pae pari mimiaparí sida wãipɨ. Paritua mɨ pae pari mimiaparipɨra, mɨ Ak'õrepa ichi chi choma bɨipɨ.

Juan 3:20

Ãarea nemietá oopataɨrãpa chi ɨnaa bɨ k'ɨ̃rianak'ama. Chi ɨnaa bɨdea chedak'ama ãchia nemietá oo p'anɨt'a unupidaemaapa.

1 Corintio 11:1

Mɨ Cristo nipada jĩra nipapari pẽra mɨ jĩra nipat'ɨ.

1 Corintio 4:16

Mãɨ k'orea mɨa mãrá chichupuria idiruma mɨ nipapari jĩra nipadamẽrá.

Ep'esio 5:1

Tachi Ak'õrepa ichi warrarã minachia k'ɨ̃ria bɨma. Mãɨpuru mãra ichi jĩra p'anat'ɨ.

P'ilipense 3:17

Ũpẽarã, mɨ jĩra p'anat'ɨ. Mãra t'ãena nipasidaɨde taipa unupisidama sãmaasã́ p'ananai p'anɨ. Ũpẽarã mãɨya berã paara nipat'ɨ.

1 Tesalonicense 1:6

Ara mãɨya mãrapa tai p'anapachi jĩra oo p'aneesidama. Tachi Chipari nipada jĩra oo p'aneesidama. Mãra minachia mĩa p'anɨmina Tachi Ak'õre Jaorepa arapaapik'ari, chi pedea pia ĩjãasidama.

1 Tesalonicense 2:14

Ũpẽarã, mãrapa ĩjãa p'anɨ k'orea ara machi tuadepemarãpa mãra piawẽa oo p'anasidama ẽpẽrarã Tachi Ak'õrenepemarã judiorã tuade mãɨyana jĩra. Mãma Jesucristode ĩjãapataɨrã judiorã chi ĩjãanak'apɨɨrãpa piawẽa oo p'anasidama.

2 Timoteo 3:10

Maamina pɨa nãɨ ãarea jõma minachia k'awa bɨma: mɨa jaratea bɨt'a, mɨ nipaparit'a, mɨa oo k'ɨ̃ria bɨt'a, mɨa Cristode ĩjãa bɨt'a, mɨa jõmãɨrã ome choa bɨt'a, mɨa waapẽarã k'ɨ̃ria uru bɨt'a, mɨ ne ãareane sẽwẽa choa bɨt'a,

Hebreo 6:12

Taipa k'ɨ̃rianawẽma mãra k'oa p'ananait'a, mãɨyawẽapuru k'ɨ̃ria p'anɨma chi mãra waapẽarã ũpẽarã jĩra p'ananait'a. Ãchia Cristode ĩjãa p'anɨẽra mãɨnepa ãarea choa p'anɨẽra, Tachi Ak'õrepa teai jarada ãarea jitadaipɨ.

1 Pedro 3:11

Ichia nejõma nemietá itu bɨk'ari pia oo bai bɨma. Waapẽarã ome ne k'ɨ̃risiawẽa bai k'orea jɨrɨk'ari mãɨya bai bɨma.

1 Pedro 3:13

Mãrapa pia oo p'ananaipɨra, ¿k'aipa mãra piawẽa ooima?

1 Juan 2:29

Mãrapa k'awa p'anɨma Jesucristo jĩp'a bɨt'a. Mãɨnepa k'awa p'anɨma jõma jĩp'a oo be Tachi Ak'õrenepa t'õnaanarãt'a.

1 Juan 3:10

Nãɨnepa tachia k'awa p'anɨma k'airã Tachi Ak'õre warrarã mãɨnepa k'airã tiore warrarã. Chi jĩp'a oowẽa bɨ Tachi Ak'õre warrawẽma. Mãɨnepa chi ichi ũpẽa k'ɨ̃riawẽa bɨ Tachi Ak'õre warrawẽma.

1 Juan 4:1

Ũpẽarã, Tachi Ak'õre Jaoredepa pedea p'anɨane apataɨrã jõma ĩjãarãt'ɨ, mãɨpari jĩrak'aua ak'ɨt'ɨ ãchia piarã Tachi Ak'õre Jaoredepa wa waapẽarãnepa pedea p'anɨ k'awadai k'orea. Mãɨya oot'ɨ chi seapataɨrã nãɨ ĩjũane minachia p'anɨ pẽra.