2 Timoteo 4:2 - Tachi Ak'õre Pedea

² Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

2 Timoteo 4:2 ပူးပေါင်းရင်းမြစ်များ

Luca 7:23

Chi mɨ itu bɨwẽa ĩjãa bɨt'a pia baipɨ.

Luca 7:4

Ãchi wãnak'ari nãɨya chupuria idisidama: «Jãɨ papaká berã chi mãɨrã chaarea ẽpẽra jĩp'a bɨma. Mãɨpuru pia bɨma pɨa ichi k'aripait'a.

Luca 9:60

Jesupa ichiá jarasima: —Itu bɨse, chi piudaadapa chi piudada t'ɨbaridamẽrá. Maamina pɨa ẽpẽrarã́ jarade wãse Tachi Ak'õrepa ichidirã ichi juade ua bɨ k'orea.

Hecho 13:5

Salamina p'uurude chedak'ari judiorã ará pedeapataɨ techa Tachi Ak'õre pedea jarateasidama. Ãchi k'aripai k'orea Juan Marco ãchi ome p'ɨrrɨasima.

Hecho 16:13

Mimianak'apɨ́ ewaride tai p'uuru tajatá wãnak'ari toedá wãsidama. Mãma judiorãpa Tachi Ak'õrea ɨt'aa chiidipataɨde ununai k'ɨ̃risiasidama. Wãutade wẽrarã ará posoa nɨbɨ unusidama. Jeeda suak'abari p'aneenak'ari taipa ãchiá pedeasidama.

Hecho 20:7

Maapae chi naapema ewari tomione tai mãɨnepa chi waapẽarã Jesude ĩjãapataɨrã ará p'anasidama chi Tachi Chiparidepema k'ɨ̃risiapataɨ nek'opataɨ k'odai k'orea. Mãɨne Pablopa jaratea basima. Norema wãi bɨ pẽra waa teamasi estarik'a pedeasima.

Hecho 28:16

Roma p'uurudea chedak'ari papaká berã chi mãɨrã chaarea bɨpa chi jɨ̃a nɨp'anɨrã chi mãmapema chaarea bɨa juade teasima, maamina Pablo tuaba te awara bɨde itu beepisima. Papaká bɨ aba bɨsima ichi ot'ea bamẽrá.

Romano 10:15

Tachi Ak'õrepa abaɨ pida peewẽpɨra, ¿sãmaasã́ jarateade wãnaima? Tachi Ak'õre pedeade nãɨya bɨ bɨma: «Chi pedea pia jarade cheuta minachia pia p'anɨma».

Romano 12:12

Tachi Ak'õrenepa nepia jitadai k'awa p'anɨ pẽra arapá p'anat'ɨ. Mĩa p'anɨne choat'ɨ. Ewaricha Tachi Ak'õrea ɨt'aa chiidit'ɨ.

Gálata 6:6

Chi pedea ũri bɨpa ichi nepia uru bɨdepema teai bɨma, chi Tachi Ak'õre pedea jarateaparia.

Colosense 1:25

Tachi Ak'õrepa mɨ ichi ẽpẽrarã pae pari mimiaparí bɨsima. Mãɨpuru ichi pedea jõma arí mãrá jaratea bɨma.

Colosense 4:3

Tai k'orea ɨt'aa chiidit'ɨ Tachi Ak'õrepa eda wãpataɨ ewaru jĩra chi Cristo k'orea naena k'awapiwẽa bada itu jarateapimẽrá. Mãɨ jaratea bɨ k'orea mɨ eda jɨ̃a nɨbɨ uru p'anɨma.

1 Tesalonicense 1:6

Ara mãɨya mãrapa tai p'anapachi jĩra oo p'aneesidama. Tachi Chipari nipada jĩra oo p'aneesidama. Mãra minachia mĩa p'anɨmina Tachi Ak'õre Jaorepa arapaapik'ari, chi pedea pia ĩjãasidama.

1 Tesalonicense 5:14

Ũpẽarã, taipa chichupuria idi p'anɨma chi mãra t'ãena k'oa p'anɨa ũraat'ɨ. Ãchi sõne k'ĩra piawẽa berã́ sõpiapit'ɨ mãɨnepa chi ẽpẽerã p'ue choadawẽa berã mãɨnepa chi ɨbɨwẽa berã k'aripat'ɨ. Jõmãɨrã ome choat'ɨ.

1 Tesalonicense 5:20

Tachi Ak'õre pari pedeaparipa jara bɨ itu bɨrãt'ɨ.

1 Timoteo 4:13

Mɨ jãmá wãrumisa, jõmãɨrã k'ĩrari Tachi Ak'õre pedea jĩk'ua eda jarapariese, jarateapariese, mãɨnepa ũpẽarã k'aripapariese pia ĩjãanamẽrá.

1 Timoteo 5:20

Maamina ũpẽarã ak'ɨparipa nemietá oo k'ãri bɨpɨra, jõmãɨrã k'ĩrari ɨtɨase waapẽarãpa wap'eadamẽrá.

2 Timoteo 2:21

Tachi sida ara mãɨ jĩra p'anɨma. Tachia k'achia itu bɨdaipɨra, Tachi Chipari pae pia p'ananaipɨ. Mãɨya tachidepa ichia ne p'ue ooipɨ mãɨnepa nejõma pia oodai k'orea p'ananaipɨ.

2 Timoteo 2:25

Ichia pedea piadepa Tachi Ak'õre pedea k'awapi bɨma, chi ichia jaratea bɨ k'ɨ̃rianak'apɨ́ ẽpẽrarã́, mãɨ Tachi Ak'õrepa ãchi k'ariparupara. Mãɨya ichimá jĩitea chedak'ari chi piarã pedeat'a k'awadaipɨ.

2 Timoteo 3:10

Maamina pɨa nãɨ ãarea jõma minachia k'awa bɨma: mɨa jaratea bɨt'a, mɨ nipaparit'a, mɨa oo k'ɨ̃ria bɨt'a, mɨa Cristode ĩjãa bɨt'a, mɨa jõmãɨrã ome choa bɨt'a, mɨa waapẽarã k'ɨ̃ria uru bɨt'a, mɨ ne ãareane sẽwẽa choa bɨt'a,

Tito 1:13

Mãɨpa jarada piarãpɨ. Mãɨ k'orea mãɨ ẽpẽrarã ɨtɨa base piarã pedea ĩjãanamẽrá, judiorãpa chõarãenapema nepɨrɨpataɨ itu bɨdamẽrá, mãɨnepa chi piarã pedea ĩjãanak'apɨɨrãpa jaratea p'anɨ ĩjãapidaemaapa.

Tito 2:15

Jõma mãɨ jaratea base. K'aripase ũpẽarãpa mãɨ pedea oodamẽrá. Piawẽa oo be ɨtɨase, Tachi Ak'õrepa pɨ bɨda pẽra mãɨya oomẽrá. Ũpẽarã́ pɨ k'ɨ̃rianawẽa uru p'anɨpirãse.

Hebreo 13:22

Ũpẽarã, mɨa nãɨ k'art'a teesoawẽa bɨt'a bɨsima mãrapa pia ĩjãanamẽrá. Mãɨpuru mɨa mãrá chichupuria idiruma nãɨ pedea pia ũrinamẽrá.

Apocalipsi 3:19

Chi mɨa k'ɨ̃ria bɨ ẽpẽerã ɨtɨak'ari ũraaparima, mɨ pedea oodamẽrá. Mãɨpuru ya mɨmá chedak'ari machi sõnepa piarã mɨ ome nipat'ɨ.