2 Timoteo 3:3 - Tachi Ak'õre Pedea

³ Waapẽarã k'ɨ̃rianak'á p'ananaipɨ, k'ĩra chupuriadak'á p'ananaipɨ, waapẽarã ẽk'arra ãpɨte pedea k'achia jara p'ananaipɨ, nemietá oodai k'orea p'ue itu bɨdak'á p'ananaipɨ, ãnimara jĩra k'ĩruu p'ananaipɨ, mãɨnepa nejõma pia be itu bɨdaipɨ.

2 Timoteo 3:3 ပူးပေါင်းရင်းမြစ်များ

Mateo 10:21

»Abaɨpa ara ichi ũpẽa peapiipɨ mɨne ĩjãa bɨ k'orea. Chi ak'õrepa ichi warra peapiipɨ mãɨnepa chi warrarãpa ãchi ak'õrerã k'ĩruunak'ari peapidaipɨ.

Mateo 4:1

Mãɨya bak'ari Tachi Ak'õre Jaorepa Jesú ĩjũa pania newẽa bɨdea enemeesima. Maapae tiorepa ichiá mĩesa jarasima nemietá oomẽrá.

Luca 10:16

Maapae ichi ome p'ɨrrɨapataɨrã́ jarasima: «Chi mãra pedea ĩjãa bɨpa mɨ pedea ĩjãa bɨma. Chi mãra unuemaa uru bɨpa mɨ sida unuemaa uru bɨma. Ichiaba chi mɨ unuemaa uru bɨpa mɨ Peeda sida unuemaa uru bɨma».

Luca 16:14

Jesupa jarada p'ariseorãpa ãarea ũri tuanasidama. Ãchia erreara k'ɨ̃riapata pẽra Jesú oo uru p'aneesidama.

Juan 6:70

Jesupa jarasima: —Mɨa mãra doce jɨrɨ atasima, mɨ ome p'ɨrrɨadamẽrá. Maamina mãranepema aba tioredepɨ.

Romano 1:29

Nejõma k'achia oopatama. K'ĩra p'erai bɨ oopatama, ne minachia uru p'ananai k'ɨ̃riapatama, waapẽarã piawẽa oopatama, waapẽarãpa uru bɨ k'orea piawẽa k'ɨ̃risiapatama, mĩa peapatama, k'ĩruu pedeapatama, waapẽarã seapatama, waapẽarã k'orea k'achia k'ɨ̃risiapatama mãɨnepa waapẽarã k'orea seajarapatama.

Romano 1:31

K'ɨ̃risia newẽa p'anɨma. Ãchia pedea jaradada oodak'ama. Waapẽarã k'ɨ̃rianak'ama mãɨnepa waapẽarã k'ĩra chupuriadak'ama.

1 Corintio 7:5

Mãra k'ak'ua mãra k'imá wãak'arãt'ɨ. Tachi Ak'õrea ɨt'aa chiidi k'ɨ̃ria p'anɨpɨra pedea aba bɨde bɨt'ɨ, mãɨ ewaride ará k'ãinawẽa p'aneenai k'orea. Maamina tãaraa mãɨya p'aneenaiwẽa p'anɨma. Mãɨya bak'ari mãicha ará k'ãinai p'anɨma, mãra p'ue choadawẽa p'aneeutade, tiorea tachi nemietá oopidaemaapa.

1 Corintio 7:9

Maamina mãra k'ak'uapa k'ɨ̃ria bɨ p'ue choadaepɨra, k'ima atadai p'anɨma. Mãra k'ak'uapa k'ɨ̃ria bɨ k'orea minachia k'ɨ̃risia bai k'aepẽra pia bɨma k'ima atadait'u.

1 Tesalonicense 4:8

Chi mãɨ mɨa jarateada itu bɨrupa, ẽpẽrapa jarada itu bɨwẽma, mãɨpari Tachi Ak'õrepa jara bɨt'u itu bɨruma. Ara mãɨ Tachi Ak'õrepa ichi Jaore mãrá teasima nemietá newẽa p'ananamẽrá.

1 Timoteo 3:11

Ara mãɨ jĩra wẽrarã jĩp'a nipadai p'anɨma ẽpẽrarãpa wap'eadamẽrá. Waapẽarã k'orea minachia k'achia pedeadaiwẽa p'anɨma. Minachia k'ĩrip'a p'ananaiwẽa p'anɨma mãɨnepa ne ãareaɨne oodai p'ananai p'anɨma ãchia jaradada jĩra.

Tito 1:8

Mãɨpari ichi tede cheutarã́ ãarea pia pedeai bɨma, nejõma nepia oo k'ɨ̃ria bai bɨma, k'ɨ̃risia piadepa bai bɨma, jĩp'a bai bɨma, Tachi Ak'õre pae bai bɨma, mãɨnepa ichia ichi k'ak'ua jĩp'a uru bai bɨma.

Tito 2:3

Mãɨnepa chõtãarã́ jaratease Tachi Ak'õre k'ĩrari jĩp'a p'ananamẽrá, waapẽarã k'orea seadepa k'achia pedeadawẽa p'ananamẽrá mãɨnepa piu nipapidaemaapa. Mãɨpari nepia jarateadai p'anɨma.

Santiago 2:6

Maamina mãrapa chi mãɨ nenea k'ɨrɨt'a pia ak'ɨdak'ama. Mɨa idiruma: ¿K'aipa mãrá ne oopadade apatama? Chi mãɨya oopataɨrã ¿chi ɨbɨarãwẽk'ãra? ¿Chi mãɨrãpa mãra jitapidak'ari, chi nepɨra ak'ɨpataɨrãmá ateewãnaiwẽk'ãra?

2 Pedro 2:14

K'ima awaraɨ ome k'ãii k'orea p'anapatama. Nejõma nemietá oo p'anɨpa k'ĩra sẽnak'ama. Chi minachia ĩjãawẽa berã seapatama. Nejõma k'ɨ̃riapatama. Mãɨ k'orea Tachi Ak'õrepa ãchi ɨtɨaipɨ.

2 Pedro 2:19

Ãchi k'aade wãnaipɨra, pia p'aneenayane apatama, chi chipari pae pari mimiaparí ichi chipari juadepema mĩruwãru jĩra. Maamina nemietá p'ue itu bɨdak'a pẽra pia p'aneenaiwẽma. Mãɨpa ãchi nemietá pae pari mimiapataɨrã papiipɨ. Piarã paritua nemietá p'ue itu bɨdaepɨra, tachi makɨɨ pae pari mimiapataɨrãpɨ.

2 Pedro 3:3

Nãɨ minachia k'awat'ɨ: k'aadeapema ewaride Tachi Ak'õre oo p'aneenak'ari ee p'anapataɨrã paraɨpɨ. Ãchi k'ak'uapa nemietá oo k'ɨ̃ria bɨ oo p'ananaipɨ.

Juda 1:16

Mãɨ ẽpẽerã ne wariwẽa bɨ k'orea k'ĩroopatama, mãɨnepa waapẽarã k'orea ara ne wariwẽa bɨ k'orea pedeapatama. Abapuru ãchia k'ɨ̃ria p'anɨt'a jɨrɨpatama. Minachia be jĩra pedeapatama. Chi waapẽarã seapatama, chi ara ãchia k'ɨ̃ria p'anɨ jɨrɨdai k'orea.

Juda 1:18

Mãrá nãɨya jarasidama: «K'aadeapema ewaride ẽpẽerã Tachi Ak'õre oo uru p'anapataɨrã pará p'ananaipɨ. Tachi Ak'õre k'ɨ̃rianak'a pẽra ãchi k'ak'uapa oo k'ɨ̃ria bɨt'a oo p'ananaipɨ».

Apocalipsi 13:15

Tachi Ak'õrepa chi ĩjũanepa chedá chi sãdo chi naapema ãnimara k'ĩra jĩra bɨa ɨ̃apa teapade asima. Mãɨya pedea beek'ari, chi juapa oodada sãdo k'ɨ̃rianawẽa p'anɨt'a ãarea itu peapipadaade asima.

Apocalipsi 13:17

Abapuru chi tauchaa beadapuru p'ue ne atadai p'anasima mãɨnepa p'ue ne netodai p'anasima. Mãɨ tauchaa bɨ chi ãnimara p'usadepa ochiada mãɨ t'ɨ̃pɨ wa chi t'ɨ̃ numeropɨ.

Apocalipsi 16:6

Ãchia pɨ ẽpẽerã mãɨnepa chi pɨ pari pedeapataɨrã oa ãripisidama. Mãɨpuru idi pɨa ãchiá oa topimaa bɨma ãchia nemietá oodada jĩra».

Apocalipsi 17:6

Mãɨ ak'ɨside k'awasima mãɨ wẽra ẽpẽerã Tachi Ak'õreneerã oa torudepa piu basit'a, chi Jesude ĩjãapataɨrã peadada oapa. Mɨa mãɨ wẽra unuk'ari, waa k'awa k'ɨ̃risiawẽa beesima.