2 Tesalonicense 3:6 - Tachi Ak'õre Pedea

⁶ Ũpẽarã, Tachi Chipari Jesucristo t'ɨ̃nepa taipa mãrá jara peeutama ũpẽarã k'oa be ome ará p'anapidaemaapa. Jãɨrãpa taipa jarateadada jĩra oodak'ama.

2 Tesalonicense 3:6 ပူးပေါင်းရင်းမြစ်များ

Mateo 18:17

Wapida ãchia jarauta ichia ũri k'ɨ̃riawẽpɨra, Tachi Ak'õrene ĩjãapataɨrã́ ãarea ará t'ɨ̃k'ari, ãchiá mãɨ nepɨra jarase. Maamina Tachi Ak'õrene ĩjãapataɨrãpa jarauta ũri k'ɨ̃riawẽpɨra, ichi Tachi Ak'õre atua bɨ jĩra wa Romanepema pae erreara jɨrɨp'eparí jĩra itu bɨse.

Romano 16:17

Ũpẽarã, mɨa mãrá chichupuria idiruma jĩrak'aua p'ananamẽrá. Chi eda waapẽarãpa ũpẽarã́ ne awara awará k'ɨ̃risiapipatama. Chi mãrapa piarã pedea k'awadada ãchia k'ĩra awara jarateapatama. Mãɨ ẽpẽrarã ome ará p'anarãt'ɨ.

1 Corintio 11:2

Ũpẽarã, ewaricha mɨ k'orea k'ɨ̃risia p'anɨ pẽra mãɨnepa mɨa jarateada ũri p'anɨ pẽra mãrá pia jararuma.

1 Corintio 5:4

Mãra ará p'aneeutade, mɨ k'ɨ̃risiadepa mãra ome baipɨ. Mãɨnepa Tachi Chipari Jesú jua chaarea mãrá teaipɨ,

1 Corintio 5:9

Naena mɨa awaraɨ k'art'ade bɨsima mãra chi awaraɨrã ome k'ãipataɨrã ome ará p'ananaiwẽa p'anɨt'a.

2 Corintio 2:10

Abaɨpa nemietá ooda mãrapa k'ɨ̃risia atuasidara mɨa pida k'ɨ̃risia atuaipɨ. Nemietá mɨa k'ɨ̃risia atuai bɨ piarã pasira, mãɨ nemietá Cristo k'ĩrari jõma k'ɨ̃risia atuasima mãra pia tuananamẽrá.

Ep'esio 4:17

Mãrapa piarã oodamẽrá, mɨa Tachi Chipari t'ɨ̃nepa nãɨ jararuma: waa Tachi Ak'õrene ĩjãanak'apɨɨrã jĩra niparãt'ɨ. Ãchi k'ɨ̃risia piawẽa p'anɨnepa nipapatama.

Colosense 3:17

Mãra pedeautade mãɨnepa ne ooutade jõma oot'ɨ Tachi Chipari Jesupa k'ɨ̃ria bɨ jĩra. Ichidepa Tachi Pajãnepema Ak'õrea sõpia bɨade at'ɨ.

1 Tesalonicense 4:1

Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.

1 Tesalonicense 4:11

Mãɨnepa jɨrɨt'ɨ jõmãɨrã paara ne k'ɨ̃risiadawẽa tuananai k'orea. Waapẽarã nepɨrade barirãt'ɨ. Mãra juapa mimiat'ɨ taipa jaradada jĩra.

1 Tesalonicense 5:14

Ũpẽarã, taipa chichupuria idi p'anɨma chi mãra t'ãena k'oa p'anɨa ũraat'ɨ. Ãchi sõne k'ĩra piawẽa berã́ sõpiapit'ɨ mãɨnepa chi ẽpẽerã p'ue choadawẽa berã mãɨnepa chi ɨbɨwẽa berã k'aripat'ɨ. Jõmãɨrã ome choat'ɨ.

2 Tesalonicense 2:15

Mãɨpuru ũpẽarã, chaarea p'anat'ɨ. Taipa jarateadada mãɨnepa k'art'ade bɨdada k'ɨ̃risia atuarãt'ɨ.

2 Tesalonicense 3:7

Mãrapa k'awa p'anɨma tai nipadada jĩra mãra nipadai p'anɨ. Mãra t'ãena p'anasidaɨde tai k'oa pará p'ananaé pasima.

1 Timoteo 5:21

Tachi Ak'õre k'ĩrari, Cristo k'ĩrari mãɨnepa Tachi Ak'õrepa ɨt'aripa peedarã k'ĩrari mɨa pɨá jararuma: jõma mɨa jarada oose. Mãɨya oorude, ẽpẽra aba bɨ lawari barãse, mãɨpari jõmãɨrã ome abarik'a k'ĩra jĩp'a oo base.

1 Timoteo 6:5

Mãɨ ẽpẽrarã k'ɨ̃risia mietá p'anɨ mãɨnepa chi piarã pedea atua p'anɨ paritua k'ĩruu pedeapatama. Ãchia k'ɨ̃risiapatama Tachi Ak'õrene ĩjãa bɨdepa erreara ununait'a.

2 Timoteo 3:5

Tachi Ak'õrene ĩjãapataɨrã jĩra p'ananaipɨ maamina itu bɨdaiwẽma Tachi Ak'õrepa ichi jua chaareadepa ãchi jĩp'a bɨmẽrá. Makɨɨrã ome ará barãse.

2 Timoteo 4:1

Jesucristo cheipɨ ichidirã ichi juade ua bai k'orea. Mãɨne ẽpẽrarã chok'ae be mãɨnepa piudada nepɨra ak'ɨipɨ. Mãɨpuru Jesucristo k'ĩrari mãɨnepa Tachi Ak'õre k'ĩrari mɨa nãɨ pedea jararuma pɨa oomẽrá:

2 Juan 1:10

Chi ẽpẽra mãramá wãrune Cristopa jarateada jĩra jarateawẽpɨra, mãɨ mãra tede eda chepirãt'ɨ mãɨnepa «sõpia p'anɨane pɨ cheda k'orea» arãt'ɨ.