2 Tesalonicense 3:2 - Tachi Ak'õre Pedea

² Tachi Ak'õrea ɨt'aa chiidit'ɨ tai ẽpẽra k'achia berãpa piawẽa oo k'ɨ̃ria p'anɨnepema k'aripamẽrá, Cristode ĩjãa k'ɨ̃riawẽa berã sida paara p'anɨ pẽra.

2 Tesalonicense 3:2 ပူးပေါင်းရင်းမြစ်များ

Mateo 17:17

Jesupa jarasima: —¡Ẽpẽerã k'achia berã mãɨnepa ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.

Mateo 23:23

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Menta k'irú, anís net'a tau, comino ome Tachi Ak'õre pae awara bɨpatama, mãɨ diezedepemacha, aba. Maamina Moisepa bɨdade chi atepe bɨ oodak'ama; chĩara ome jĩp'a oodak'ama, k'ĩra chupuriadak'ama mãɨnepa Tachi Ak'õrene ĩjãanak'ama. Oodai pia bɨma ichi pedea bɨda jara bɨ jĩra, machi k'irú awara bɨpata jĩra Tachi Ak'õre pae.

Luca 18:8

Mɨa jararuma: piarã tãaraawẽa bɨde Tachi Ak'õrepa k'aripaipɨ. Maamina mɨ, chi Ẽpẽra Warra cherude ¿nãɨ ĩjũane wapida mɨ pedea ĩjãa p'anɨ unune cheik'ãra?»

Hecho 13:45

Maamina chi judiorã chaarearãpa ẽpẽerã minachia nɨbɨ ãchi tede unusidaɨde Pablo k'orea sõpiawẽa tuaneesidama. Pablopa jaratea bɨde ãchia seaade apachidama mãɨnepa Pablo k'orea piawẽa pedeapachidama.

Hecho 13:50

Maamina judiorãpa chi Tachi Ak'õre wap'ea be wẽerã minachia k'awa berã́ mãɨnepa p'uurudepema ɨmɨk'ĩira chi chaarearã́ jarasidama Pablo mãɨnepa Bernabé piawẽa oodamẽrá. Mãɨya ãchi p'uurudepema ãyá jeret'aasidama.

Hecho 14:2

Maamina chi judiorã Jesude ĩjãawẽa bepa mãɨ judiorãwẽpa chi ũpẽarã k'orea piawẽa k'ɨ̃risiapisidama.

Hecho 17:5

Maamina judiorã Jesude ĩjãawẽa berã sõk'achia tuaneesidama. Mãɨpuru ẽpẽerã k'achia berã jɨrɨdak'ari ãchi paara chi p'uurudea k'ĩruupik'ade wãsidama. Maapae Jasón tede eda k'ĩruu wãnak'ari, Pablo mãɨnepa Sila jitasidama ãareaɨrã k'ĩrari ãchi nepɨra ak'ɨdayá.

Hecho 28:24

Pablopa jarada chi eda waapẽarãpa ĩjãasidama, maamina waapẽarãpa ĩjãanaé pasima.

Romano 10:16

Maamina jõma judiorãpa chi pedea pia Cristo k'orea ĩjãanaé pasima. Isaía k'art'ade nãɨya bɨ bɨma: «Tai Chipari, taipa jaradada ¿k'aipa ĩjãasima?»

Romano 15:31

Ichiá ɨt'aa chiidit'ɨ Judea tuadepema Jesude ĩjãanak'apɨɨrãpa mɨ piawẽa oopidaemaapa. Mãɨnepa ɨt'aa chiidit'ɨ mɨa erreara ẽpẽrarã Tachi Ak'õrenepemarã Jerusalenepemarã pae ateerut'a pia jitadamẽrá.

1 Corintio 15:32

Ép'eso p'uurude Tachi Ak'õre pedea jarateai k'orea mɨ minachia mĩasima ãnimara k'achia be ome chõo bɨ jĩra. Piudada chok'ae p'irabaridawẽpɨra, ¿mɨ minachia mĩana k'orea k'ãre piat'a atasima? Piarã tachi chok'ae p'irabaridawẽpɨra, pia bɨma oodai waapẽarãpa jarapata jĩra: «Pia nek'odaipɨ, it'ua todaipɨ nũ piudai pẽra».

2 Timoteo 4:17

Maamina Tachi Chipari mɨ ome basima. Ichia mɨ jua chaarea beepisima ichi pedea jaramẽrá. Mãɨya jõma judiorãwẽa ará p'anɨpa ũrisidama. Mãɨne Tachi Chiparipa mɨ imama it'aedepema k'aripasima.