2 Tesalonicense 3:14 - Tachi Ak'õre Pedea

¹⁴ Taipa nãɨ k'art'ade jarateadada abaɨ pida ĩjãaepɨra, jõmãɨrã́ k'awapit'ɨ piawẽa oo bɨt'a. Ichi ome ará p'anarãt'ɨ p'eramẽrá.

2 Tesalonicense 3:14 ပူးပေါင်းရင်းမြစ်များ

Mateo 18:17

Wapida ãchia jarauta ichia ũri k'ɨ̃riawẽpɨra, Tachi Ak'õrene ĩjãapataɨrã́ ãarea ará t'ɨ̃k'ari, ãchiá mãɨ nepɨra jarase. Maamina Tachi Ak'õrene ĩjãapataɨrãpa jarauta ũri k'ɨ̃riawẽpɨra, ichi Tachi Ak'õre atua bɨ jĩra wa Romanepema pae erreara jɨrɨp'eparí jĩra itu bɨse.

Romano 16:17

Ũpẽarã, mɨa mãrá chichupuria idiruma jĩrak'aua p'ananamẽrá. Chi eda waapẽarãpa ũpẽarã́ ne awara awará k'ɨ̃risiapipatama. Chi mãrapa piarã pedea k'awadada ãchia k'ĩra awara jarateapatama. Mãɨ ẽpẽrarã ome ará p'anarãt'ɨ.

1 Corintio 4:14

Mɨa mãɨ bɨwẽma mãra p'erapii k'orea. Mãɨpari mɨ warrarã jĩra mãra k'ɨ̃ria bɨ pẽra mãɨya bɨ bɨma jĩp'a k'ɨ̃risiapii k'orea.

1 Corintio 5:11

Mãɨpari mɨa mãrá bɨsima parituapa ara ichi ũpẽaane aipɨra, maamina awaraɨ ome k'ãipataɨde nipaipɨra, erreara awaa baipɨra, juapa oodada sãdo k'ĩrari ɨt'aa chiidi baipɨra, seadepa waapẽarã k'orea k'achia pedea baipɨra, piu nipaipɨra, wa nechɨaparí baipɨra, makɨɨ ẽpẽra ome ará p'ananaiwẽa p'anɨ mãɨnepa ará nek'odaiwẽa p'anɨ.

1 Corintio 5:9

Naena mɨa awaraɨ k'art'ade bɨsima mãra chi awaraɨrã ome k'ãipataɨrã ome ará p'ananaiwẽa p'anɨt'a.

2 Corintio 10:6

Taipa ũpẽarã k'ɨɨrɨwẽa be ɨtɨadai k'orea p'anɨma. Maamina naa nɨ p'anɨma mãrapa Cristode nejõmane ĩjãa p'anɨt'a unupidamẽrá.

2 Corintio 2:9

Mɨa naena mãɨ k'orea bɨsima mãrapa piarã jõma mɨa jarada oodai k'awai k'orea.

2 Corintio 7:15

Titopa k'ɨ̃risia baparima mãrapa ichia jarada jĩra oosidama mãɨnepa wap'ea p'anɨnepa ichi pia bɨade asidama. Mãɨpuru mãra minachia k'ɨ̃ria bɨma.

P'ilipense 2:12

Mãɨya mɨ ũpẽarã chi k'ɨ̃ria berã, mɨ mãra ome badadepa Tachi Ak'õre pedea jara bɨ jĩra oo p'anɨma. Naapae mɨ mãra ome bɨwẽmina Tachi Ak'õre minachia wap'ea p'anɨnepa mãɨ oo p'anat'ɨ ichia mãra k'aripada pẽra.

Colosense 4:16

Mãrapa nãɨ k'art'a eda jaradak'ari ũpẽarã Laodicea p'uurudepemarã́ pida eda jarapit'ɨ. Mãra pida chi k'art'a mɨa ãchimá tea peeda eda jarat'ɨ.

1 Tesalonicense 4:8

Chi mãɨ mɨa jarateada itu bɨrupa, ẽpẽrapa jarada itu bɨwẽma, mãɨpari Tachi Ak'õrepa jara bɨt'u itu bɨruma. Ara mãɨ Tachi Ak'õrepa ichi Jaore mãrá teasima nemietá newẽa p'ananamẽrá.

2 Tesalonicense 3:6

Ũpẽarã, Tachi Chipari Jesucristo t'ɨ̃nepa taipa mãrá jara peeutama ũpẽarã k'oa be ome ará p'anapidaemaapa. Jãɨrãpa taipa jarateadada jĩra oodak'ama.

Tito 2:8

Piarã pedea jaratea base mi ãpia pida pɨ k'orea k'achia pedeapidaemaapa. Mãɨya jaratea baipɨra, pɨchi nek'ĩramaarã k'ĩranejasiadaipɨ. Ãchia mi ãpia pida tachi k'orea p'ue k'achia pedeadaiwẽma.

Tito 3:10

Abaɨpa ũpẽarã́ k'ĩruu pedeapisira, ichi ɨtɨase waa mãɨya oopiemaapa. Ichia ĩjãawẽpɨra, mãicha ɨtɨase. Mãɨne waidi ĩjãawẽpɨra, ichi ome barãse.

P'ilemón 1:21

Mɨa mãɨya bɨruma k'awa bɨ pẽra pɨa mɨ pedea ĩjãait'a. K'awa bɨma mɨa jara bɨ k'aepẽra atepe pia ooit'a.

Hebreo 13:17

Ũpẽarã, mãra minachia k'awa p'anɨrãpa jara p'anɨt'a oot'ɨ. Mãra ak'ɨ p'anɨ pẽra ãchi juade p'anat'ɨ. Ãchia k'awa p'anɨma Tachi Ak'õrepa ak'ɨrude ãarea ãchia oodada ichiá ará jaradait'a. Mãɨpuru ãchia jara p'anɨt'a oot'ɨ. Mãɨya ãchia arapá mãɨnepa sõk'achiawẽa ãarea oodaipɨ. Mãrapa mãɨya oodawẽa p'anɨnepa ãchi sõk'achiapidaipɨra, mãɨ mãra p'ue pia k'aripapidaiwẽma.

2 Juan 1:10

Chi ẽpẽra mãramá wãrune Cristopa jarateada jĩra jarateawẽpɨra, mãɨ mãra tede eda chepirãt'ɨ mãɨnepa «sõpia p'anɨane pɨ cheda k'orea» arãt'ɨ.