2 Tesalonicense 2:14 - Tachi Ak'õre Pedea

¹⁴ Taipa chi pedea pia jaratea p'anɨnepa Tachi Ak'õrepa mãra t'ɨ̃sima Tachi Chipari Jesucristo pia bɨdepema atadamẽrá.

2 Tesalonicense 2:14 ပူးပေါင်းရင်းမြစ်များ

Mateo 25:21

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa arí ooda pẽra, mɨa ne minachia pɨ juade bɨipɨ. Eda chese mɨ ome sõ arapaade”.

Juan 17:22

Pɨa mɨ ateewãsima tachi ará p'ananamẽrá. Mãɨya mɨ chi choma bɨsima. Ara mãɨ jĩra mɨa ãchi chi choma bɨsima tachi ome k'ak'ua aba bɨ jĩra p'ananamẽrá.

Juan 17:24

»Ak'õre, pɨa nãɨ ĩjũa ooi naena mɨ k'ɨ̃ria basima. Mãɨpuru pajãne mɨ chi choma bɨsima. Mɨa k'ɨ̃ria bɨma ãarea pɨa mɨá teadaɨrã mãma mɨ ome ará p'ananait'a, pɨa mɨ chi choma bɨda ununamẽrá.

Romano 16:25

Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

Romano 2:16

Jõmãɨrãpa ãchi sõne mẽra uru p'anɨt'a Tachi Ak'õrepa nepɨra ak'ɨi ewaride Jesucristodepa mãɨ ak'ɨipɨ. Mɨa chi pedea pia jaratea bɨ jĩra ara mãɨya baipɨ.

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

Ep'esio 1:18

Mãɨnepa ɨt'aa chiidiparima Tachi Ak'õrepa mãrá k'ɨ̃risia teamẽrá. Mãɨya mãrapa k'awadaipɨ k'ãre ichidepa jitadai k'orea nɨ p'anɨt'a, mãɨ jitadamẽrá t'ɨ̃na pẽra. Mãɨne mãrapa k'awadaipɨ ichi ẽpẽrarãpa minachia pia bɨ jitadait'a.

1 Tesalonicense 1:5

Taipa chi pedea pia Cristo k'orea mãrá jarateasidaɨde taipa pedeadeepuru pedeadaé pasima. Mãɨpari mãɨ pedea piarã arí k'awa p'anɨ pẽra Tachi Ak'õre Jaore jua chaareadepa pedeasidama. Mãrapa k'awa p'anɨma tai sãmaasã́ mãra paara p'anapachit'a, mãra pia p'ananamẽrá.

1 Tesalonicense 2:12

Taipa minachia ũraasidama mãra Tachi Ak'õrepa k'ɨ̃ria bɨ jĩra nipadamẽrá. Ichia mãra t'ɨ̃sima ichi juade ua bai k'orea mãɨnepa ichi pia bɨdepema uru p'ananamẽrá.

2 Timoteo 2:12

Tachi minachia mĩa p'anɨ choadaipɨra, ichi ome chi minachia k'awa p'anɨrã jĩra p'ananaipɨ. Tachia Cristo atua p'anɨane adaipɨra, ichia pida tachi atua bɨade aipɨ.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

2 Pedro 1:3

Tachi Ak'õre k'awa p'anɨ pẽra, ichi jua chaareadepa tachiá nejõma teasima ichia k'ɨ̃ria bɨ jĩra nipadamẽrá mãɨnepa ewaricha ichi ome chok'ae p'ananamẽrá. Ichi chi atepe bɨ pẽra mãɨnepa jĩp'a bɨ pẽra tachi t'ɨ̃k'ari ne waibɨa mãɨnepa minachia pia bɨt'a, tachi pae ooyade asima. Mãɨya oo bɨ pẽra nãɨ ĩjũanepemarãpa nemietá oo k'ɨ̃ria p'anɨt'a mãrapa itu bɨdak'ari p'ue ichi jĩra jĩp'a p'ananaipɨ.

Apocalipsi 21:23

Ɨmata mãɨnepa jedek'o newẽa mãɨ p'uuru ɨnaa baparima, Tachi Ak'õre achiterreapa mãɨ ɨnaa bapipari pẽra, mãɨnepa chi Oveja Chak'epa jẽrat'ĩu bapipari pẽra.

Apocalipsi 3:21

Mɨa nemietá p'ueda pẽra mɨ Ak'õre ome ichi suak'a beeparí auk'ará bɨde suak'abari beesima. Ara mãɨ jĩra nemietá p'uedaadarã mɨ suak'a beeparí auk'ará bɨde mɨ ome suak'abari beepiipɨ.