2 Tesalonicense 1:9 - Tachi Ak'õre Pedea

⁹ Ãchi t'ɨpɨ tau uruade ewaricha minachia mĩapiipɨ. Tachi Chipari k'ĩraripema mãɨnepa ichi minachia jua chaareadepema t'ɨmɨa p'ananaipɨ.

2 Tesalonicense 1:9 ပူးပေါင်းရင်းမြစ်များ

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Mateo 22:13

Mãɨne chi minachia k'awa bɨpa ichi mimiapataɨrã́ jarasima: “Nãɨ ẽpẽra jua mãɨnepa jĩru bɨradak'ari tajatá p'ãrionea ateewãt'ɨ. Mãma jẽa p'anapatama mãɨnepa p'uapa k'ida k'ɨterrea p'anapatama”.

Mateo 24:30

Mãɨne pajãne ne ununaipɨ. Mãɨ mɨ, chi Ẽpẽra Warra cherudepemapɨ. Mãɨ unuutade jõma nãɨ ĩjũane berã p'uuru jẽanaipɨ chi p'erapa. Mɨ jɨ̃arane jua chaareadepa cheru mãɨnepa k'ĩrawãrea achiterrea bɨ ununaipɨ.

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Mateo 25:46

Maapae Tachi Ak'õrepa ãchi t'ɨpɨ tau urua k'iiwãk'á nɨbɨdea peek'oaipɨ, maamina chi jĩp'a berã ichi ome ateewãipɨ ewaricha chok'ae beadamẽrá.

Mateo 26:24

Piarã mɨ, chi Ẽpẽra Warra piui bɨma Tachi Ak'õre pedeade bɨ bɨ jĩra. ¡Maamina chi mɨ jitapii bɨ ẽpẽra mãɨ chichupuria baipɨ! Pia basima, mãɨ ẽpẽra t'õwẽa badapara.

Mateo 7:23

Mãɨne mɨa piarã jararuma: “Mietá oopataɨrã, ãyá wãt'ɨ. Mɨa mãra unuk'ama”.

Luca 13:27

Mãɨne ichia mãrá jaraipɨ: “Mɨa mãra unuk'ama mãɨnepa sãmapema atua bɨma. K'achia oopataɨrã, ãyá wãt'ɨ”.

Juan 5:14

Mãɨya nak'ari Jesupa ichi Tachi Ak'õre te eda unuside jarasima: —Ũrise: pɨ jɨpa beeda pẽra waa nemietá oorãse pɨ piawẽa bada k'aepẽra atepe wariara piawẽa beepiemaapa.

P'ilipense 3:19

Mãɨpuru piuutade Tachi Ak'õrepa ãchi minachia ɨtɨaipɨ. Ãchi k'ak'uapa k'ɨ̃ria bɨt'a chi ãchi ak'õrepɨ. K'ĩra p'era oo p'anɨ k'orea pia pedeapatama. Abapuru nãɨ ĩjũanepema k'ɨ̃risiapatama.

1 Tesalonicense 5:3

Ẽpẽrarãpa nãɨya jara p'ananaipɨ: «Ãarea ne k'ɨ̃risiawẽa p'anɨma, p'eradawẽa p'anɨma». Mãɨya p'anɨne chi jõma jõi ewari cheipɨ wẽra warra t'õyá bi p'ua bɨ jĩra. Mãɨne ãchi mi ãpia pida mĩrunaiwẽma.

2 Tesalonicense 2:8

Maapaepuru chi ẽpẽra k'achia bɨpa unupiipɨ. Maamina Tachi Chipari Jesú k'ĩrawãrea achiterrea cherude ara pedearupa mãɨ ẽpẽra peaipɨ.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

Hebreo 10:29

Mãɨpa ¿sãmaasã́ k'ɨ̃risia p'anɨma? ¿Tachi Ak'õrepa chi ichi Warra itu bɨpataɨ atepe ɨtɨaiwẽk'ãra? Tachi Ak'õrepa ichi Warra oadepa pedea chiwidi ausima tachi ichi pae pia bɨi k'orea. Mãɨyara chi Tachi Ak'õre Warra oa ãrina piawẽa bɨade apataɨrã ¿ichia atepe ɨtɨaiwẽk'ãra? Mãɨ awara Tachi Ak'õre Jaorepa ichi sõpiadepa tachi k'aripa bɨma. Mãɨyara chi Tachi Ak'õre Jaore k'orea mietá bɨade apataɨrã ¿ichia atepe ɨtɨaiwẽk'ãra?

2 Pedro 2:17

Sea jarateapataɨrã p'ẽya uriadepa pania wea bada p'oa bɨ jĩra p'anɨma. Ãchi jɨ̃ara nãupa ãyá ateeru jĩra p'anɨma. Nãupa jɨ̃ara ãyá ateewãrune k'oe chek'ama. Ara mãɨ jĩra ãchia jaratea p'anɨt'a k'aripak'ama. Tachi Ak'õrepa uria minachia p'ãrio bɨde bɨsima ãchi ɨtɨai k'orea.

2 Pedro 3:7

Ara mãɨ jĩra Tachi Ak'õre pedeapa nãɨ ĩjũa mãɨnepa pajã ak'ɨ bɨma mãɨnepa ichia ɨtɨai ewaride t'ɨpɨ taude paaipɨ. Mãɨ ewaride chi ichi k'ɨ̃rianak'aɨrã nepɨra ak'ɨk'ari ãarea ɨtɨaipɨ.

Juda 1:13

Ãchi p'usa jɨ̃ara t'awa jĩra p'anɨma. Ara chi p'usapa ichi t'awadepa k'ok'op'ea amaapari jĩra, ãchia ne k'ĩra p'era wawaria oopatama. Mietade wãpata pẽra, ãchi chi k'ãk'ãi urua wãru jĩra p'anɨma, chi o atua p'anɨẽra. Tachi Ak'õrepa uria minachia p'ãrio bɨde bɨsima ãchi ewaricha ɨtɨai k'orea.

Apocalipsi 20:11

Mãɨya nak'ari mɨa chi suak'a beeparí waibɨa t'ot'oa bɨt'a unusima. Ichiaba chi mãɨne suak'abari bɨt'a unusima. Ichi k'ĩrari nãɨ ĩjũa ãarea mãɨnepa pajã sida wẽpasima. Abaɨ pida waa ununaé pasima.

Apocalipsi 20:14

Tachi Ak'õrepa chi tachi piudai p'anɨt'a jõpisima t'ɨpɨ uruade bat'a peeru jĩra. Ichiaba chi piudaadarã p'anapataɨmá t'ɨpɨ uruade bat'a peesima. Mãɨ uria azup're t'ɨpɨ urua nɨbɨmá bari k'ak'o ume piusiade apatama.

Apocalipsi 21:8

Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.