2 Tesalonicense 1:5 - Tachi Ak'õre Pedea

⁵ Mãɨpa k'awapi bɨma Tachi Ak'õrepa ichi jĩp'a bɨdepa ẽpẽerã ɨtɨaparit'a. Mãɨya ichia mãra pia unu bɨma ichi juade ua bai k'orea. Mãɨ k'orea idiapae ãarea mĩa p'anɨma.

2 Tesalonicense 1:5 ပူးပေါင်းရင်းမြစ်များ

Luca 20:35

Maamina ẽpẽrarã Tachi Ak'õrepa pia unu bɨt'a chok'ae p'irabaridaipɨ. Mãɨne ẽpẽrarãpa k'ima waa atadaiwẽma, mãɨyawẽpɨra k'ima teadaiwẽma, mãɨpari Tachi Ak'õrepa ɨt'aripa peedaɨrã jĩra p'ananaipɨ.

Luca 21:36

Mãɨ k'orea minachia jĩrak'aua p'anat'ɨ. Tachi Ak'õrea ewaricha ɨt'aa chiidi p'anat'ɨ mãɨ ewari k'achiadepema k'aripadai k'orea mãɨnepa mɨ, chi Ẽpẽra Warra k'ĩrari p'eradawẽa p'ananai k'orea».

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

Romano 2:5

Maamina k'ɨɨrɨwẽa bɨ pẽra pɨ nemietá itu bɨk'ama Tachi Ak'õremá cheemaapa. Mãɨ k'orea Tachi Ak'õrepa ɨtɨai ewaride ichi k'ĩruuk'ari atepe ɨtɨaipɨ. Mãɨ ewaride Tachi Ak'õrepa unupiipɨ sãmaasã́ jõmãɨrã jĩp'a ɨtɨait'a.

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

P'ilipense 1:28

Mãra chi nek'ĩramá mi ãpia pida wap'earãt'ɨ. Mãɨpa k'awapiipɨ Tachi Ak'õrepa ãchi k'enaipɨ, maamina mãra k'aripaipɨ. Mãɨ Tachi Ak'õrepa jõma oo bɨma.

Colosense 1:12

Mãɨya arapá p'anɨnepa Tachi Pajãnepema Ak'õrea sõpia p'anɨane adaipɨ. Mãra jõma ichi ẽpẽrarã ome ɨnaane pia bɨsima ichia uru bɨdepema jitadamẽrá.

1 Tesalonicense 2:14

Ũpẽarã, mãrapa ĩjãa p'anɨ k'orea ara machi tuadepemarãpa mãra piawẽa oo p'anasidama ẽpẽrarã Tachi Ak'õrenepemarã judiorã tuade mãɨyana jĩra. Mãma Jesucristode ĩjãapataɨrã judiorã chi ĩjãanak'apɨɨrãpa piawẽa oo p'anasidama.

2 Tesalonicense 1:11

Mãɨ k'orea taipa ewaricha Tachi Ak'õrea ɨt'aa chiidipatama ichia mãra pia unumẽrá. Ichia mãra mãɨ k'orea t'ɨ̃sima. Taipa ɨt'aa chiidi p'anɨma Tachi Ak'õrepa ichi jua chaareadepa mãra ãareane k'aripamẽrá. Mãɨya ichide ĩjãa p'anɨnepa chi nepia oo k'ɨ̃ria p'anɨt'a jõma oodaipɨ.

2 Timoteo 2:12

Tachi minachia mĩa p'anɨ choadaipɨra, ichi ome chi minachia k'awa p'anɨrã jĩra p'ananaipɨ. Tachia Cristo atua p'anɨane adaipɨra, ichia pida tachi atua bɨade aipɨ.

Apocalipsi 15:4

Tai Chipari, ¿k'aipa pɨ wap'eawẽa bɨwẽma? ¿K'aipa pɨ chi atepe bɨade aiwẽma? Pɨt'u chi Tachi Ak'õre paepuru bɨpɨ. Tua ãareaɨrã chedak'ari pɨá pia pedeadaipɨ, pɨa jĩp'a oo bɨt'a unupida pẽra».

Apocalipsi 16:7

Mãɨne chi mãɨ incienso k'era ɨt'ari bɨ paateapataɨdepa mɨa ũrisima abaɨpa nãɨya jara bɨt'a: «Tai Chipari, tai Ak'õre chi ne ãarea p'ue bɨ, pɨa ara pɨ piarãpẽanepa ãarea jĩp'a ɨtɨaparima».

Apocalipsi 19:2

Ara ichi piarãpẽanepa ãarea jĩp'a ɨtɨaparima. Wẽra nemietá ooparí pada chi mãɨ t'ɨ̃ p'oa bada ɨtɨasima, nemietá oo bɨdepa ãarea nãɨ ĩjũanepemarã́ abarik'a nemietá oopida pẽra. Tachi Ak'õrepa mãɨ wẽra ɨtɨasima, chi ichi pae pari mimiapataɨrã k'enana k'orea».

Apocalipsi 3:4

Maamina mãra Sardidepemarã chi eda ãpia p'anɨnepema waidi nemietaade nipadawẽma, mãra neet'á jayoapidawẽa p'anɨ jĩra. Mɨ ome pia p'ananai k'orea p'anɨ pẽra, neet'á t'ot'oa jɨ̃nak'ari mɨ ome ará nipadaipɨ.