2 Tesalonicense 1:3 - Tachi Ak'õre Pedea

³ Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Taipa mãɨya oodai pia bɨma. Mãrapa ewaricha Cristode pia ĩjãa p'anɨma mãɨnepa machicha pia chi k'ɨ̃ria p'anɨma.

2 Tesalonicense 1:3 ပူးပေါင်းရင်းမြစ်များ

Luca 15:32

Maamina naapae sõ arapaadai pia bɨma, pɨ ũpẽa piuda jĩra bada chok'ae bɨẽra; chi atua bada unusidaɨdeepuru”».

Luca 17:5

Mãɨne Tachi Chiparipa ichi peedaɨrãpa ichiá jarasidama: —Tai k'aripase pia ĩjãanai k'orea.

Juan 15:2

Mɨ pak'uru jua chaudak'aɨ ichia mãɨ t'ɨat'uparima, maamina chi chaupataɨ pak'uru jua mãɨ t'ɨat'uparima atepe chaudamẽrá.

Romano 1:8

Naa mɨa jararuma: Jesucristodepa mɨa jõma mãra k'orea Tachi Ak'õrea sõpia bɨade aparima mãrapa Jesucristode ĩjãa p'anɨ k'orea tuachadepemarãpa pedea p'anɨ pẽra.

1 Corintio 1:4

Mãra Jesucristo ome p'anɨ pẽra Tachi Ak'õrepa ichi sõpiadepa k'aripa bɨma. Mãɨpuru mɨa Tachi Ak'õrea ɨt'aa chiidirucha mãra k'orea sõpia bɨade aparima.

2 Corintio 10:15

Waapẽarãpa oodada k'orea ara tai k'orea pia pedeadak'ama ara taipa oodada jĩra. Mãɨpari taipa k'ɨ̃ria p'anɨma mãrapa Cristode pia ĩjãanait'a. Mãɨya taipa mãra tuade p'ue pia jarateadaipɨ ara Tachi Ak'õrepa oopi bɨ jĩra.

Ep'esio 5:20

Tachi Chipari Jesucristo t'ɨ̃nepa ewaricha tachi Pajãnepema Ak'õrea nejõma k'orea sõpia bɨade at'ɨ.

P'ilipense 1:7

Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

P'ilipense 1:9

Mɨa Tachi Ak'õrea ɨt'aa chiidi bɨma mãra minachia chi k'ɨ̃ria p'ananamẽrá, ichi pia k'awadamẽrá mãɨnepa sãmaasã́ nipadai p'anɨ k'awadamẽrá.

1 Tesalonicense 3:12

Taipa k'ɨ̃ria p'anɨma Tachi Chiparipa mãra k'aripa bai jõmãɨrã ome minachia chi k'ɨ̃ria p'ananamẽrá taipa mãra minachia k'ɨ̃ria p'anɨ jĩra.

1 Tesalonicense 3:6

Maamina Timoteo mãramá bada taimá chesima. Mãrapa Cristode ĩjãa p'anɨ k'orea mãɨnepa mãra k'ɨ̃ria k'orea ichia pia jarade chesima. Ichia jarasima mãrapa tai k'ɨ̃ria p'anɨane a p'anɨẽra, tai k'ɨ̃risia atuadawẽa p'anɨt'a, ichiaba tai unu k'ɨ̃ria p'anɨt'a taipa mãra unu k'ɨ̃ria p'anɨ jĩra.

1 Tesalonicense 3:9

¿Sãmaasã́ jaradaima, tai sõ arapá p'anɨt'a Tachi Ak'õre ome, mãra k'orea?

1 Tesalonicense 4:1

Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.

2 Tesalonicense 2:1

Mãɨ awara ũpẽarã, taipa chichupuria idi p'anɨma Tachi Chipari Jesucristo chei k'orea mãɨnepa tachi ichi ome ará p'ananai k'orea mãrapa minachia k'ɨ̃risiarãt'ɨ. Abaɨ pida Tachi Chiparipa ɨtɨai ewari ará pasiade aipɨra, ne k'ɨ̃risia pará p'anarãt'ɨ. Parituapa Tachi Ak'õrenepa pedea bɨ jĩra mãɨya jaraipɨra, wa mãɨya jarateaipɨra, wa taipa k'art'ade mãɨya bɨsidade aipɨra, ĩjãarãt'ɨ.

2 Tesalonicense 2:13

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Tachi Chiparipa mãra k'ɨ̃ria bɨma. Ichia jua chiwidieda mãra jɨrɨ atasima k'aripai k'orea. Mãrapa ichi piarã pedea ĩjãa p'anɨ pẽra mãɨnepa ichi Jaorepa mãra ichi pae pia bɨda pẽra k'aripaipɨ.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

2 Pedro 1:13

Mɨmá pia bɨma wapida chok'ae bɨmisa mãɨ mãrá k'ɨ̃risiapi bait'a.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.