2 Pedro 3:7 - Tachi Ak'õre Pedea

⁷ Ara mãɨ jĩra Tachi Ak'õre pedeapa nãɨ ĩjũa mãɨnepa pajã ak'ɨ bɨma mãɨnepa ichia ɨtɨai ewaride t'ɨpɨ taude paaipɨ. Mãɨ ewaride chi ichi k'ɨ̃rianak'aɨrã nepɨra ak'ɨk'ari ãarea ɨtɨaipɨ.

2 Pedro 3:7 ပူးပေါင်းရင်းမြစ်များ

Mateo 10:15

Mɨa piarã jararuma: Tachi Ak'õrepa ɨtɨai ewaride Sodoma, Gomorra p'uuru k'aepẽra mãɨ p'uuru atepe ɨtɨaipɨ.

Mateo 11:22

Maamina mɨa mãrá jararuma: Tachi Ak'õrepa jõmãɨrã ɨtɨai ewaride Tirodepemarã mãɨnepa Sidonepemarã k'aepẽra mãra atepe ɨtɨaipɨ.

Mateo 11:24

Maamina mɨa jararuma: Tachi Ak'õrepa ãareaɨrã ɨtɨai ewaride Sodomanepemarã k'aepẽra mãra atepe ɨtɨaipɨ.

Mateo 12:36

Pɨa nepia jaraipɨra Tachi Ak'õrepa pɨ pia beepiipɨ. Maamina ne piawẽa jaraipɨra ɨtɨaipɨ. Mɨa mãrá jararuma: Tachi Ak'õrepa ɨtɨai ewaride jõmãɨrãpa ichiá jaradai ãchia pedea mietá paritua jaradada k'orea».

Mateo 24:35

Pajã mãɨnepa nãɨ ĩjũa jõipɨ, maamina mɨ pedea jõiwẽma.

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Marco 6:11

Maamina ãchia mãrá pia chesidade adaepɨra mãɨnepa mãra pedea ũri k'ɨ̃rianaepɨra, mãmãɨpa wãt'ɨ. Wãutade yooro jora mãra jĩrunepema jãrap'et'at'ɨ, Tachi Ak'õrepa mãɨ k'ɨ̃riawẽa bɨt'a ãchiá unupidai k'orea.

Juan 12:48

Maamina chi mɨ itu bɨrupa, chi mɨ pedea ũri k'ɨ̃riawẽa bɨpa, mãɨ Tachi Ak'õrepuru ɨtɨaipɨ. K'aadeapema ewaride Tachi Ak'õrepa k'awapiipɨ mãɨ nepɨra pará bɨt'a, mɨa jarada pedea ĩjãawẽa bɨ pẽra.

Romano 2:5

Maamina k'ɨɨrɨwẽa bɨ pẽra pɨ nemietá itu bɨk'ama Tachi Ak'õremá cheemaapa. Mãɨ k'orea Tachi Ak'õrepa ɨtɨai ewaride ichi k'ĩruuk'ari atepe ɨtɨaipɨ. Mãɨ ewaride Tachi Ak'õrepa unupiipɨ sãmaasã́ jõmãɨrã jĩp'a ɨtɨait'a.

1 Corintio 3:13

Cristopa tachi nepɨra ak'ɨi ewaride tachicha oodada t'ɨpɨ uruapa chaa ajoroipɨ, choai k'awai k'orea. Mãɨpa k'awapiipɨ tachia oodada sãmaasã́ basit'a.

P'ilipense 1:28

Mãra chi nek'ĩramá mi ãpia pida wap'earãt'ɨ. Mãɨpa k'awapiipɨ Tachi Ak'õrepa ãchi k'enaipɨ, maamina mãra k'aripaipɨ. Mãɨ Tachi Ak'õrepa jõma oo bɨma.

2 Tesalonicense 2:3

Mi ãpia pida abaɨa itu seapirãt'ɨ. Tachi Chiparipa ɨtɨai ewari pai naena chok'araɨrãpa Tachi Ak'õre itu bɨdaipɨ. Mãɨne chi ẽpẽra k'achia bɨt'a unupiipɨ. Mãɨ ẽpẽra Tachi Ak'õrepa t'ɨpɨ uruadea jira peeipɨ.

1 Timoteo 6:9

Maamina erreara minachia uru k'ɨ̃ria berãpa nejõma awaa p'anɨnepa k'achiade baepatama. Chi ne tachi k'aripak'aɨ mãɨnepa ne tachi nemietá oopataɨ k'ɨ̃ria p'anɨnepa k'achiade p'aneepatama ãnimara k'idap'ede baeda jĩra. Mãɨne ãchi ãarea chichupuria p'aneepatama, toeda t'aawãru jĩra.

Hebreo 12:29

Tachi Ak'õrepa t'ɨpɨ uruapa ãarea paa peei bɨẽra.

2 Pedro 2:9

Mãɨpa unupi bɨma Tachi Chiparipa chi jĩp'a oo berã minachia mĩa p'anɨnepema k'aripayá bɨt'a. Mãɨnepa k'awa bɨma chi jĩp'a oowẽa berã sãmaasã́ uru bait'a aba ichia ɨtɨai ewaridea.

2 Pedro 3:10

Tachi Chiparipa ɨtɨai ewari paipɨ nechɨaparí chepari jĩra. Mãɨ ewaride ɨbɨa chi jĩk'ua baek'ari pajã wẽpapiipɨ. Nejõma tachia pajãne unupataɨ paawãipɨ. Mãɨnepa nãɨ ĩjũa mãɨnepa nejõma nãɨ ĩjũane be paawãipɨ.

2 Pedro 3:12

Tachi Ak'õrepa ɨtɨai ewari piarã nɨ p'anɨmisa Tachi Ak'õrepa k'ɨ̃ria bɨ oo p'anat'ɨ mãɨ ewari isapea pamẽrá. Mãɨ ewaride Tachi Ak'õrepa pajã paaipɨ. Mãɨne nejõma tachia pajãne unupataɨ mãɨnepa nãɨ ĩjũane unupataɨ t'ɨpɨ taupa torbariipɨ.

1 Juan 4:17

Mãɨya tachia Tachi Ak'õre mãɨnepa jõma ẽpẽrarã piarã k'ɨ̃ria p'anɨma. Tachi Ak'õrepa ɨtɨai ewaride tachi ne wap'eawẽa p'ananaipɨ, nãɨ ĩjũane Jesucristo nipada jĩra nipadada pẽra.

Juda 1:7

Ara mãɨ jĩra Tachi Ak'õrepa Sodomanepemarã, Gomorradepemarã, mãɨnepa ãchi k'ait'a be p'uurudepemarã sida ɨtɨasima. Mãɨ ẽpẽrarãpa k'ĩranejasia oopachidama. Nejõma nemietá tachi k'ak'uapa ooiwẽa bɨt'a oopachidama. Mãɨpuru Tachi Ak'õrepa ãchi t'ɨpɨ urua k'iik'ade ewaricha minachia mĩa uru bɨma. Mãɨpa k'awapi bɨma nemietá oopataɨrã ãarea mãɨya minachia mĩa p'ananait'a.

Apocalipsi 17:11

Chi ãnimara mietá bɨ naena bada maamina waa newẽma, mãɨt'u awara poro jũra jɨ̃parí jɨ̃ bɨ cheit'a jara k'ɨ̃ria bɨma. Ichi mãɨ siete poro jũra jɨ̃parí jɨ̃ p'anɨrãnepemapɨ. Cristopa ichi ewaricha ɨtɨaipɨ.

Apocalipsi 17:8

Chi pɨa ununa ãnimara mietá bɨ naena chok'ae bada, idiapae newẽma, maamina ewariaba chi uria minachia bɨdepa cherude, Cristopa mãɨ ɨtɨaipɨ. Nãɨ ĩjũanepemarãpa mãɨ ãnimara unuutade k'awa k'ɨ̃risiadawẽa p'aneenaipɨ. Nãɨ ĩjũa ooi naena ãchi t'ɨ̃ chi ewaricha chok'ae p'ananai k'art'ade bɨwẽa basima.

Apocalipsi 20:11

Mãɨya nak'ari mɨa chi suak'a beeparí waibɨa t'ot'oa bɨt'a unusima. Ichiaba chi mãɨne suak'abari bɨt'a unusima. Ichi k'ĩrari nãɨ ĩjũa ãarea mãɨnepa pajã sida wẽpasima. Abaɨ pida waa ununaé pasima.

Apocalipsi 21:1

Mãɨya nak'ari mɨa pajã chiwidi mãɨnepa ĩjũa chiwidi unusima. Mãɨne nãɨ ĩjũa mãɨnepa pajã sida neé pasima. Ichiaba p'usa sida neé pasima.