2 Pedro 3:16 - Tachi Ak'õre Pedea

¹⁶ Ichia k'art'acha mãɨ k'orea bɨsima. Mãɨnepema k'ɨ̃risia ichia bɨda t'aju bɨma k'awadai k'orea. Chi piarã pedea k'awadak'aɨrãpa mãɨnepa chi minachia ĩjãanak'apɨɨrãpa ichia bɨda piawẽa jarateapatama, jõma Tachi Ak'õre pedea bɨdada piawẽa jarateapataɨ jĩra. Mãɨ k'orea Tachi Ak'õrepa ãchi ɨtɨaipɨ.

2 Pedro 3:16 ပူးပေါင်းရင်းမြစ်များ

Mateo 15:3

Mãɨne Jesupa p'anoosima: —Mãra pida ¿k'ãre k'orea Tachi Ak'õrepa oopi bɨ pedea itu bɨpatama ara machia oopataɨ oodayá oo p'anɨẽra?

Mateo 15:6

Mãɨya jarak'ari, pia bɨade apatama, chi ak'õrerã k'aripapiemaapa. Mãra chõarãenapemarãpa jarateadada ĩjãa p'anɨ k'orea, Tachi Ak'õre pedea itu bɨpatama.

Mateo 22:29

Mãɨpuru Jesupa p'anoosima: —Mãrapa Tachi Ak'õre pedea mãɨnepa ichi jua chaarea bɨ atua p'anɨ pẽra, pia k'ɨ̃risia atua p'anɨma.

P'ilipense 3:19

Mãɨpuru piuutade Tachi Ak'õrepa ãchi minachia ɨtɨaipɨ. Ãchi k'ak'uapa k'ɨ̃ria bɨt'a chi ãchi ak'õrepɨ. K'ĩra p'era oo p'anɨ k'orea pia pedeapatama. Abapuru nãɨ ĩjũanepema k'ɨ̃risiapatama.

Hebreo 5:11

Mãɨ k'orea taipa minachia jaratea k'ɨ̃ria p'anɨma. Maamina chi t'aju bɨma arí k'awapidait'a, mãɨ mãra poro chaarea p'anɨẽra.

Santiago 1:8

Ichi k'ɨ̃risiat'a ume uru bɨ pẽra k'ɨ̃risia aba bɨde ap'i bak'ama.

1 Pedro 1:1

Mɨ Pedro, Jesucristopa peedapɨ. Mɨa nãɨ k'art'a bɨruma Tachi Ak'õrepa jɨrɨ atadaɨrã Ponto tuade, Galacia tuade, Capadocia tuade, Asia tuade, Bitinia tuade mãɨnepa chi tua awaraɨrãnepa chedak'ari p'anɨrã pae.

1 Pedro 2:8

Mãɨnepa nãɨya bɨ bɨma: «Mãɨ mawaramá ẽpẽrarã t'enabaridak'ari baedaipɨ». Ãchia Tachi Ak'õre pedea ĩjãanawẽa p'anɨ pẽra mawaramá t'enabariuta jĩra p'anɨma. Tachi Ak'õrepa ãchi bɨsima mãɨya p'ananamẽrá.

2 Pedro 2:1

Israel ĩjũanepemarã t'ãena Tachi Ak'õre pari pedeapataɨrã sea jarateapataɨrã pasima. Mãra t'ãena pida sea jarateapataɨrã pará p'ananaipɨ. Seadepa ãchia tachi o ãyá wãpiparii k'ɨ̃risiat'a, Tachi Ak'õre pedea jĩra jarateadaipɨ. Tachi Chipari Jesupa ãchi k'aripa bada waa k'aripawẽa beesiade adaipɨ. Mãɨ k'orea Tachi Ak'õrepa isapea ɨtɨaipɨ.

2 Pedro 2:14

K'ima awaraɨ ome k'ãii k'orea p'anapatama. Nejõma nemietá oo p'anɨpa k'ĩra sẽnak'ama. Chi minachia ĩjãawẽa berã seapatama. Nejõma k'ɨ̃riapatama. Mãɨ k'orea Tachi Ak'õrepa ãchi ɨtɨaipɨ.

2 Pedro 3:14

Ũpẽarã, mãrapa jõma mãɨ nɨ p'anɨ pẽra ne ãareaɨne k'ĩra jĩp'a nipat'ɨ Tachi Ak'õrepa mãra pia, ne k'achiawẽa, ichi ome ne k'ɨ̃risiawẽa p'anɨ unumẽrá.

2 Pedro 3:2

Mɨa k'ɨ̃ria bɨma Tachi Ak'õre pari pedeapataɨrãpa naena jaradaadade mãrapa k'ɨ̃risiadamẽrá. Mãɨnepa k'ɨ̃ria bɨma Jesucristo Tachi Chipari mãɨnepa Tachi K'aripaparipa jarateadade k'ɨ̃risiadamẽrá. Mãɨ ichia peedaɨrãpa mãrá jarateasidama.

Juda 1:4

Mãɨya mɨa nãɨ bɨruma chi eda waapẽarã ũpẽarã jĩra berã chedak'ari mãra t'ãena eda p'anɨ pẽra. Mãɨ ẽpẽrarãpa seadepa jarateapatama Tachi Ak'õrepa ichi sõpiadepa tachi k'aripada pẽra tachi k'ak'uapa nemietá minachia oo k'ɨ̃ria bɨt'a p'ue oodai p'anɨt'a. Ãchia Tachi Chipari aba bɨ Jesucristot'a itu bɨpatama. Tãaraaenapemat'u eda bɨ basima Tachi Ak'õrepa ãchi ɨtɨait'a.