2 Pedro 3:10 - Tachi Ak'õre Pedea

¹⁰ Tachi Chiparipa ɨtɨai ewari paipɨ nechɨaparí chepari jĩra. Mãɨ ewaride ɨbɨa chi jĩk'ua baek'ari pajã wẽpapiipɨ. Nejõma tachia pajãne unupataɨ paawãipɨ. Mãɨnepa nãɨ ĩjũa mãɨnepa nejõma nãɨ ĩjũane be paawãipɨ.

2 Pedro 3:10 ပူးပေါင်းရင်းမြစ်များ

Mateo 24:35

Pajã mãɨnepa nãɨ ĩjũa jõipɨ, maamina mɨ pedea jõiwẽma.

Marco 13:31

Pajã mãɨnepa nãɨ ĩjũa jõipɨ, maamina mɨ pedea jõiwẽma.

Luca 12:39

»Nãɨ k'awat'ɨ: te chiparipa nechɨaparí sãapae chei k'awa bɨpara, k'ãiwẽa bai pasima tede eda wãpiemaapa.

Romano 8:20

naena piawẽa basi pẽra. Ichi tuaba mãɨya piawẽa beaé pasima, mãɨpari Tachi Ak'õrepa mãɨya beepisima. Maamina nejõma piawẽa beadapa nɨ bɨma,

1 Corintio 1:8

Mãɨpa Tachi Ak'õrepa mãra chaarea uru baipɨ aba nãɨ ewari jõrunea. Mãɨya Tachi Chipari Jesucristo cherude mãra k'orea k'achia pedeadaiwẽa p'ananaipɨ.

1 Corintio 5:5

mãɨ ẽpẽra ɨtɨadamẽrá. Ichi ãyá bɨdai p'anɨma tiorepa minachia mĩapimẽrá. Mãɨya nãɨ k'ak'uapa nemietá oo k'ɨ̃ria bɨt'a itu bɨipɨ. Mãɨnepa Tachi Chipari chei ewaride ichi k'aripaipɨ.

1 Tesalonicense 5:2

mãrapa pia k'awa p'anɨ pẽra Tachi Chiparipa ɨtɨai ewari mãɨya bɨde cheit'a, nechɨaparí teamasi chepari jĩra.

1 Tesalonicense 5:4

Maamina ũpẽarã, mãra p'ãrione p'anɨwẽma. Mãɨpuru Tachi Chiparipa ɨtɨade cheru ewaride mãra p'eradaiwẽma nechɨaparí cherude p'erapata jĩra.

2 Pedro 3:11

Nejõma jõi pẽra Tachi Ak'õrepa k'ɨ̃ria bɨ jĩra, mãra jĩp'a mãɨnepa nemietá newẽa nipadai p'anɨma.

2 Pedro 3:12

Tachi Ak'õrepa ɨtɨai ewari piarã nɨ p'anɨmisa Tachi Ak'õrepa k'ɨ̃ria bɨ oo p'anat'ɨ mãɨ ewari isapea pamẽrá. Mãɨ ewaride Tachi Ak'õrepa pajã paaipɨ. Mãɨne nejõma tachia pajãne unupataɨ mãɨnepa nãɨ ĩjũane unupataɨ t'ɨpɨ taupa torbariipɨ.

2 Pedro 3:7

Ara mãɨ jĩra Tachi Ak'õre pedeapa nãɨ ĩjũa mãɨnepa pajã ak'ɨ bɨma mãɨnepa ichia ɨtɨai ewaride t'ɨpɨ taude paaipɨ. Mãɨ ewaride chi ichi k'ɨ̃rianak'aɨrã nepɨra ak'ɨk'ari ãarea ɨtɨaipɨ.

Juda 1:6

Mãɨnepa k'ɨ̃risiat'ɨ chi eda waapẽarã Tachi Ak'õrepa ɨt'aripa peedaɨrã Tachi Ak'õrepa bɨda jĩra p'aneenaé pasit'a. Mãɨpari ãchi p'anana itu bɨsidama. Mãɨpuru Tachi Ak'õrepa uria p'ãrio bɨde ewaricha eda jɨ̃a nɨbɨsima aba ichia ɨtɨai ewaridea.

Apocalipsi 16:15

Ãchia chi hebreo pedeade Armagedón apataɨ ĩjũanea chi poro jũra jɨ̃parí jɨ̃ p'anɨrã ateewãsidama. «¡Tau pará p'anat'ɨ! Mɨ nechɨaparí jĩra cheipɨ, chi mãɨ abaɨ pida nɨ p'anɨwẽne. Pia p'ananaipɨ chi mãɨ mɨ nɨ p'anɨrãpa mãɨnepa chi ãchi neet'á oo uru p'anɨrãpa. Mãɨya p'ue ãk'adá wãnaiwẽma mãɨnepa k'ĩra p'eradaiwẽma».

Apocalipsi 20:11

Mãɨya nak'ari mɨa chi suak'a beeparí waibɨa t'ot'oa bɨt'a unusima. Ichiaba chi mãɨne suak'abari bɨt'a unusima. Ichi k'ĩrari nãɨ ĩjũa ãarea mãɨnepa pajã sida wẽpasima. Abaɨ pida waa ununaé pasima.

Apocalipsi 21:1

Mãɨya nak'ari mɨa pajã chiwidi mãɨnepa ĩjũa chiwidi unusima. Mãɨne nãɨ ĩjũa mãɨnepa pajã sida neé pasima. Ichiaba p'usa sida neé pasima.

Apocalipsi 3:3

Chi piarãpẽa pedea mãrapa ũrinana k'ɨ̃risia p'anat'ɨ. Mãɨne pia ĩjãat'ɨ. Nemietá itu bɨdak'ari Tachi Ak'õremá chet'ɨ. Mãra taujĩra p'ananaepɨra mɨ cheipɨ mãra ɨtɨai k'orea chi nechɨaparí atua nɨbɨde chepari jĩra.

Apocalipsi 6:14

K'art'a ará pɨra bɨ jĩra, chi pajã wẽpasima. Mãɨnepa chi eya ãarea, mãɨnepa chi p'usade ĩjũa ãpia p'ɨrra beada chi naa ichi beadamá p'aneenaé pasima.