2 Pedro 3:1 - Tachi Ak'õre Pedea

¹ Ũpẽarã, nãɨ chi mãɨ ɨ̃aripema k'art'a mɨa mãra pae bɨruma. Nãɨ k'art'a bari k'ak'o ume bɨdade, mɨa k'ɨ̃risiapii bɨma chi naena k'awa p'anana k'orea, jĩp'a k'ɨ̃risiadamẽrá.

2 Pedro 3:1 ပူးပေါင်းရင်းမြစ်များ

Mateo 5:8

Pia p'anɨma mãra sõnepa abapuru Tachi Ak'õre pae p'anɨrã, Tachi Ak'õre ununai pẽra.

2 Corintio 13:2

Bari k'ak'o ume mãramá wãside mɨa nemietá oo berã́ jarasima waa oopidaemaapa. Mãɨya oodaepɨra, mãicha cherude mɨa ãchi k'ĩra chupuriawẽane asima. Mãɨnepa ara nãɨena mɨ mãra ome bɨwẽmina abarik'a jararuma: nemietá oo berãpa itu bɨdaepɨra, mɨ mãicha wãrune ãchi k'ĩra chupuriaiwẽma.

1 Timoteo 5:22

Jĩrak'aua k'ɨ̃risiawẽa, pɨ jua abaɨ ɨ̃rɨ bɨrãse ũpẽarã ak'ɨparí bamẽrá. Pɨa mãɨya ooipɨra, ichia nemietá oosira, pɨ sida nepɨra pará bayade aipɨ mãɨ nemietá k'orea. Jõma k'ɨ̃risia piadepa k'ɨ̃risia base.

2 Timoteo 1:6

Mɨ jua pɨ ɨ̃rɨ bɨside Tachi Ak'õrepa pɨá ne teasima ichi pae oomẽrá. Mãɨ k'orea mɨa jararuma: mãɨ Tachi Ak'õrepa teada pia oo bapariese, et'abarrade t'ɨpɨ p'uapari jĩra.

Hebreo 6:9

Ũpẽarã, tai mãɨya pedea p'anɨmina k'awa p'anɨma Tachi Ak'õrepa mãra k'aripada pẽra o piade wãutat'a.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

1 Pedro 2:11

Mɨ ũpẽarã, nãɨ ĩjũane mãra tua awaraɨdepemarãpɨ. Mãɨpuru mɨa mãrá chichupuria idiruma nãɨ k'ak'uapa nemietá oo k'ɨ̃ria bɨt'a itu bɨdamẽrá. Mãɨ ara tachi ome chõo bɨma.

2 Pedro 3:14

Ũpẽarã, mãrapa jõma mãɨ nɨ p'anɨ pẽra ne ãareaɨne k'ĩra jĩp'a nipat'ɨ Tachi Ak'õrepa mãra pia, ne k'achiawẽa, ichi ome ne k'ɨ̃risiawẽa p'anɨ unumẽrá.

2 Pedro 3:17

Ũpẽarã, mãrapa mãɨ k'awa p'anɨ pẽra jĩrak'aua p'anat'ɨ ẽpẽra k'achiarãpa piawẽa jaratea p'anɨnepa seapidaemaapa. Mãɨya mãrapa minachia ĩjãa p'anɨt'a itu bɨdaiwẽma.

2 Pedro 3:8

Maamina ũpẽarã, nãɨ k'ɨ̃risia atuarãt'ɨ: Tachi Chiparimá ewari aba bɨt'a mil ãyo p'anɨ jĩra bɨma mãɨnepa mil ãyo p'anɨt'a ewari aba bɨ jĩra bɨma.

Juda 1:5

Mãɨ ãarea k'awa p'anɨmina mɨa k'ɨ̃risiapiruma Tachi Chiparipa ichi p'uuru Egitodepa k'aripasit'a. Maamina k'aripak'ari chi ichide ĩjãanawẽa berã k'enasima.