2 Pedro 2:8 - Tachi Ak'õre Pedea

⁸ Mãɨ ẽpẽra jĩp'a bɨ ãchi t'ãena bapachima. Jĩp'a bɨ pẽra ãchia nemietá oo p'anɨ unuru k'orea mãɨnepa ũriru k'orea ewaricha sõp'ua bapachima.

2 Pedro 2:8 ပူးပေါင်းရင်းမြစ်များ

1 Timoteo 1:9

Nãɨt'a k'awadai p'anɨma: Tachi Ak'õrepa mãɨ Moisepa bɨda teaé pasit'a chi jĩp'a be k'orea, mãɨpari teasima chi Tachi Ak'õrepa jara bɨ jĩra oodak'aɨrã k'orea, chi k'ɨɨrɨwẽa be k'orea, chi Tachi Ak'õre nea be k'orea, chi nemietá oo be k'orea, chi Tachi Ak'õre wap'eadak'á be k'orea, chi nãɨ ĩjũanepemarã jĩra p'anapataɨrã, chi ãchi ak'õre peapataɨrã k'orea, chi nae peapataɨrã k'orea, chi mĩa peapataɨrã k'orea,

Hebreo 11:4

Abelpa Tachi Ak'õrene ĩjãa bada pẽra, Caínpa teada k'aepẽra nepia bɨt'a teasima. Ĩjãana pẽra ichia teada Tachi Ak'õrepa pia unuk'ari, jarasima ichi jĩp'a basit'a. Abel piudamina ichia piarã ĩjãa badapa tachiá wapida k'awapi bɨma Tachi Ak'õrene ĩjãanai p'anɨt'a.

Santiago 5:16

Mãɨ k'orea mãrapa nemietá oodada abaɨa jaradak'ari, jõrea jarat'ɨ. Mãɨnepa tausia Tachi Ak'õrea ɨt'aa chiidit'ɨ pia tuananai k'orea. Ẽpẽra jĩp'a bɨpa Tachi Ak'õrea ɨt'aa chiidisira Tachi Ak'õre jua chaareadepa ne waibɨa ooparima.