2 Pedro 2:4 - Tachi Ak'õre Pedea

⁴ Chi Tachi Ak'õrepa ɨt'aripa peedaɨrãpa nemietá oosidaɨde Ichia k'ĩra chupuriaé pasima. Mãɨpari mietade uria p'ãrio bɨde jirak'oasima. Mãma k'ãnenapa jɨ̃ p'anɨma aba Tachi Ak'õrepa ãchi nepɨra ak'ɨi ewaridea.

2 Pedro 2:4 ပူးပေါင်းရင်းမြစ်များ

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Mateo 8:29

Mãɨne Jesua jĩk'ua biasidama: —¡Tachi Ak'õre Warra! ¿K'ãre k'orea mɨ ome bariyá bɨma? ¿Tai mĩapiyá ewari chei naena pɨ cheruk'ãra?

Marco 5:7

jĩk'ua biak'ari, nãɨya jarasima: —Tachi Ak'õre chi Atepe bɨ Warra, Jesú, ¿k'ãre k'orea mɨ ome bariyá bɨma? ¡Tachi Ak'õre k'ĩrari piarãpẽa jarase mɨ mĩapiiwẽt'a!

Luca 10:18

Mãɨ k'orea Jesupa ãchiá jarasima: —Ãjã, mɨa unu basima tiore ɨt'aripa pa baepari jĩra baesit'a.

Luca 8:31

Mãɨne ãchia Jesua chichupuria idisidama edá uria minachia bɨ p'ue ochiadak'apɨɨdea peepiemaapa.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Romano 11:21

Judiorãpa ĩjãanawẽa p'anɨ k'orea Tachi Ak'õrepa ãchi itu bɨsima pak'uru jua t'ɨat'uru jĩra. Ara mãɨ jĩra mãra judiorãwẽpa ĩjãanaepɨra, Tachi Ak'õrepa mãra sida itu bɨipɨ.

Romano 8:32

Piarã Tachi Ak'õrepa ichi Warra wãak'aé pasima mãɨpari jõma tachi k'orea itu peapisima. Mãɨpuru ¿ichia tachiá nejõma pia Cristo ome ará teaiwẽk'ãra?

2 Pedro 2:11

Mãɨpari, tachi Ak'õrepa ɨt'aripa peedarã mãɨ sea jarateapataɨrã k'aepẽra atepe jua chaarea bemina, Tachi Chipari k'ĩrari jaore mietaarã chi atepe berã k'orea k'achia pedeadak'ama.

2 Pedro 2:5

Mãɨnepa chõarãenapemarãpa Tachi Ak'õre itu bɨsidaɨde ichia k'ĩra chupuriaé pasima. Mãɨpari to minachia chepisima mãɨ ẽpẽrarã ãarea todepa piudamẽrá. Maamina Noepa tachi jĩp'a nipadai k'orea jarateapachima. Ichi, ichi ẽpẽrarã siete p'anɨ sida Tachi Ak'õrepa k'aripasima.

2 Pedro 2:9

Mãɨpa unupi bɨma Tachi Chiparipa chi jĩp'a oo berã minachia mĩa p'anɨnepema k'aripayá bɨt'a. Mãɨnepa k'awa bɨma chi jĩp'a oowẽa berã sãmaasã́ uru bait'a aba ichia ɨtɨai ewaridea.

1 Juan 3:8

Chi nemietá oo bɨt'u tioredepɨ, tiore jua chiwidieda nemietá oopari pẽra. Tachi Ak'õre Warra nãɨ ĩjũanea chesima tiorepa oo bɨt'a p'uei k'orea.

Juda 1:13

Ãchi p'usa jɨ̃ara t'awa jĩra p'anɨma. Ara chi p'usapa ichi t'awadepa k'ok'op'ea amaapari jĩra, ãchia ne k'ĩra p'era wawaria oopatama. Mietade wãpata pẽra, ãchi chi k'ãk'ãi urua wãru jĩra p'anɨma, chi o atua p'anɨẽra. Tachi Ak'õrepa uria minachia p'ãrio bɨde bɨsima ãchi ewaricha ɨtɨai k'orea.

Juda 1:6

Mãɨnepa k'ɨ̃risiat'ɨ chi eda waapẽarã Tachi Ak'õrepa ɨt'aripa peedaɨrã Tachi Ak'õrepa bɨda jĩra p'aneenaé pasit'a. Mãɨpari ãchi p'anana itu bɨsidama. Mãɨpuru Tachi Ak'õrepa uria p'ãrio bɨde ewaricha eda jɨ̃a nɨbɨsima aba ichia ɨtɨai ewaridea.

Apocalipsi 20:10

Mãɨya nak'ari Tachi Ak'õrepa tiore chi ẽpẽerã sea uru bada azup're t'ɨpɨ urua nɨbɨdea jirat'aaipɨ. Naena Tachi Ak'õrepa chi ãnimara mietá bɨ mãɨnepa chi piarã Tachi Ak'õre pari pedeapariwẽ mãɨ t'ɨpɨ uruade jirat'aa basima. Mãma tiore ãchi paara ewaricha ãst'á mãɨnepa teamasi minachia mĩa p'ananaipɨ.