2 Pedro 1:7 - Tachi Ak'õre Pedea

⁷ Tachi Ak'õrepa k'ɨ̃ria bɨ jĩra p'anɨne ũpẽarã k'ɨ̃rianai k'orea jɨrɨt'ɨ; ũpẽarã k'ɨ̃ria p'anɨne jõmãɨrã k'ɨ̃rianai k'orea jɨrɨt'ɨ.

2 Pedro 1:7 ပူးပေါင်းရင်းမြစ်များ

Romano 12:10

Piarã k'ɨ̃rianepa chi k'ɨ̃ria p'anat'ɨ. Chi waapẽarã ome pia p'anat'ɨ, ãchi machi k'aepẽra atepe p'anɨ jĩra mãɨnepa waapẽarã k'orea pia k'ɨ̃risiat'ɨ.

Gálata 6:10

Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.

Colosense 3:14

Mãɨ awara jõmãɨrã ome chi k'ɨ̃ria tuanat'ɨ. Mãɨya mãra jõmãɨrã ome tausia pia tuananaipɨ.

1 Tesalonicense 3:12

Taipa k'ɨ̃ria p'anɨma Tachi Chiparipa mãra k'aripa bai jõmãɨrã ome minachia chi k'ɨ̃ria p'ananamẽrá taipa mãra minachia k'ɨ̃ria p'anɨ jĩra.

1 Tesalonicense 5:15

¡Ũrit'ɨ! Abaɨ pida mãra piawẽa oosira ichi jõnea piawẽa oorãt'ɨ. Mãɨpari ewaricha ara machi paara nepia oot'ɨ, mãɨnepa waapẽarã paara pida.

Hebreo 13:1

Mãra ũpẽarã pẽra ara chi k'ɨ̃ria p'anat'ɨ.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

1 Pedro 2:17

Jõmãɨrã wap'eat'ɨ. Ũpẽarã minachia k'ɨ̃riat'ɨ. Tachi Ak'õre wap'eat'ɨ. Nãɨ ĩjũanepema chi minachia k'awa bɨ wap'eat'ɨ.

1 Pedro 3:8

Mãɨ awara ũpẽarã, abarik'a k'ɨ̃risiadepa jõma mãra ará pia tuanat'ɨ. Waapẽarã k'aripai k'ɨ̃risiadepa p'anat'ɨ. Ũpẽarã pẽra chi k'ɨ̃riat'ɨ. Chi k'ĩra chupuriat'ɨ mãɨnepa waapẽarã k'aepẽra atepe bɨ jĩra k'ɨ̃risiarãt'ɨ.

1 Juan 3:14

Tachia ũpẽarã k'ɨ̃ria p'anɨ pẽra k'awa p'anɨma tachi piu p'anana chok'ae p'aneesidat'a. Chi ichi ũpẽa k'ɨ̃riawẽa bɨ wapida piu bɨma.

1 Juan 3:16

Nãɨne tachia k'awa p'anɨma tachi ũpẽarã k'ɨ̃ria p'anɨt'a: Jesucristo tachi k'orea piusima. Ara mãɨ jĩra tachi sida k'ɨ̃rianepa ũpẽarã k'orea piudai k'orea p'ananai p'anɨma.

1 Juan 4:21

Jesucristopa chi tachi pae oopi bɨ pedea nãɨpɨ: Tachi Ak'õre k'ɨ̃ria bɨpa ichi ũpẽa k'ɨ̃ria bai bɨma.