2 Pedro 1:6 - Tachi Ak'õre Pedea

⁶ k'ɨ̃risia k'awaa p'anɨne mãra k'ak'ua jĩp'a uru p'ananai k'orea jɨrɨt'ɨ; mãra k'ak'ua jĩp'a uru p'anɨne jõma choadai k'orea jɨrɨt'ɨ; jõma choa p'anɨne Tachi Ak'õrepa k'ɨ̃ria bɨ jĩra p'ananai k'orea jɨrɨt'ɨ;

2 Pedro 1:6 ပူးပေါင်းရင်းမြစ်များ

Luca 21:19

Mãɨ k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ.

Luca 8:15

Maamina net'a tau ĩjũa piade baedapa nãɨ jara bɨma: sõ jĩp'a berãpa mãɨnepa k'ɨ̃risia pia berãpa Tachi Ak'õre pedea ũrinak'ari piarã ĩjãapatama. Ãchia ĩjãa p'anɨ itu bɨdak'a pẽra nepia oopatama.

Hecho 24:25

Mãɨya bɨde Pablopa chi tachi jĩp'a nipai k'orea, k'ak'ua jĩp'a uru bai k'orea mãɨnepa Tachi Ak'õrepa ɨtɨai ewari chei k'orea pedeasima. P'elipa mãɨ k'orea ũriside ne wap'eak'ari nãɨya jarasima: «Naapae wãse. Mɨ pari bɨde mãicha pɨ t'ɨ̃ipɨ».

Romano 15:4

Nejõma Tachi Ak'õre pedeade bɨda tachiá jarateai k'orea bɨma. Tachi sõpiapiparima mãɨnepa k'aripaparima jõma choadamẽrá. Mãɨya tachia piarã k'awa p'anɨma Tachi Ak'õre ome ewaricha pia p'ananait'a.

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

Romano 8:25

Maamina chi tachia nɨ p'anɨt'a waidi nea p'anɨ pẽra jõma choa p'anɨnepa k'awa p'anɨma piarã atadaipɨ.

1 Corintio 9:25

P'irapataɨrãpa ãchi k'ak'ua pia ak'ɨpatama chaarea p'ananai k'orea. Mãɨya oopatama waapẽarã k'aepẽra pia p'iradak'ari poro jũra jɨ̃parí jitadai k'orea. Mãɨ poro jũra jɨ̃parí isapea pɨɨparima. Maamina tachia nejõma pia oopatama Tachi Ak'õrepa teai jarada pɨɨk'apɨ́ atadai k'orea.

2 Corintio 6:4

Mãɨpari ne ãareaɨne unupi p'anɨma tai Tachi Ak'õre pae pari mimiapataɨrã. Minachia mĩa p'anɨne, nenea p'anɨne mãɨnepa nepɨrade p'anɨne jõma choa p'anɨnepa mãɨya unupi p'anɨma.

Gálata 5:23

waapẽarã k'aepẽra pia berã k'ɨ̃risiadak'aɨ mãɨnepa tachi k'ak'ua jĩp'a uru p'anapataɨ. Mãɨ bɨda newẽma chi mãɨ ãarea eda jara bɨt'a «nemietaade» a bɨt'a.

Colosense 1:11

Taipa Tachi Ak'õrea ɨt'aa chiidi p'anɨma ichi jua chaarea waibɨa bɨdepa mãra chaarea p'ananamẽrá. Mãɨya mãra minachia mĩa p'anɨt'a mãɨnepa mãrá mĩapii p'anɨt'a pia choadaipɨ.

1 Tesalonicense 1:3

Taipa Tachi Ak'õre k'ĩrari ewaricha k'ɨ̃risiapatama mãrapa Tachi Ak'õrene ĩjãa p'anɨnepa pia oo p'anɨt'a, chi k'ɨ̃ria p'anɨnepa waapẽarã k'aripa p'anɨt'a, mãɨnepa Tachi Chipari Jesucristopa mãra k'aripait'a k'ẽet'aadawẽa nɨ p'anɨt'a.

2 Tesalonicense 1:4

Mãɨ k'orea taipa ẽpẽrarã Tachi Ak'õrenepemarã p'anɨmá mãra k'orea arapá nepɨrɨpatama. Jarapatama ẽpẽrarãpa mĩapidai k'orea ẽp'ẽ p'anɨmina mãrapa wapida Cristode ĩjãa p'anɨ mãɨnepa minachia mĩa p'anɨmina jõma choa p'anɨ.

2 Tesalonicense 3:5

Taipa k'ɨ̃ria p'anɨma Tachi Chiparipa k'awapimẽrá mãra k'ɨ̃ria bɨt'a. Mãɨnepa k'ɨ̃ria p'anɨma ichia mãra k'aripamẽrá Cristopa choada jĩra choadamẽrá.

1 Timoteo 2:10

Mãɨpari Tachi Ak'õre wap'ea be pẽra, wẽerãpa pia oo p'anɨnepa minachia k'ak'apia p'anɨ jĩra p'ananai p'anɨma.

1 Timoteo 2:2

Jõma nãɨ ĩjũanepema minachia k'awa berã k'orea mãɨnepa chi poro chaarearã be k'orea Tachi Ak'õrea ɨt'aa chiididai p'anɨma tachi ne k'ɨ̃risiadawẽa p'ananai k'orea, Tachi Ak'õre wap'ea p'ananai k'orea, mãɨnepa ne ãareaɨne jĩp'a p'ananai k'orea.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

1 Timoteo 6:11

Maamina pɨa Cristode ĩjãa bɨ pẽra jõma mãɨnepema ãyá wãse. Jĩp'a nipase. Tachi Ak'õre ode wãse. Sõnepa piarã Cristode ĩjãa base. Jõmãɨrã k'ɨ̃ria base. Jõma choase. Mãɨ atepe k'awa bɨmina, jõmãɨrã ome sõpia base.

1 Timoteo 6:3

Abaɨ pida k'ĩra awara jaratea baipɨra, Tachi Chipari Jesucristopa jĩp'a jarateada piawẽa bɨade aipɨra, mãɨnepa tachi jĩp'a nipadai k'orea pida k'ĩra awara jaratea baipɨra,

1 Timoteo 6:6

Piarã tachia ne minachia uru p'anɨma jĩp'a ninanepa. Maamina, aba ara tachia nãɨ ĩjũane uru p'anɨnepa arapá p'anɨpɨra, mãɨya baipɨ.

2 Timoteo 3:5

Tachi Ak'õrene ĩjãapataɨrã jĩra p'ananaipɨ maamina itu bɨdaiwẽma Tachi Ak'õrepa ichi jua chaareadepa ãchi jĩp'a bɨmẽrá. Makɨɨrã ome ará barãse.

Tito 1:1

Mɨ Pablopɨ, Tachi Ak'õre pae pari mimiaparí mãɨnepa Jesucristopa peedapɨ. Mɨ peesima Tachi Ak'õrepa jɨrɨ atadaɨrãpa ichide ĩjãanamẽrá mãɨnepa chi piarã pedea k'awadak'ari Tachi Ak'õrepa k'ɨ̃ria bɨ jĩra p'ananamẽrá.

Tito 1:8

Mãɨpari ichi tede cheutarã́ ãarea pia pedeai bɨma, nejõma nepia oo k'ɨ̃ria bai bɨma, k'ɨ̃risia piadepa bai bɨma, jĩp'a bai bɨma, Tachi Ak'õre pae bai bɨma, mãɨnepa ichia ichi k'ak'ua jĩp'a uru bai bɨma.

Tito 2:2

Chõarã́ jaratease ãchi k'ak'ua jĩp'a uru p'ananamẽrá, k'ĩra jĩp'a p'ananamẽrá, k'ɨ̃risia piadepa nipadamẽrá, Cristode minachia ĩjãa p'ananamẽrá, piarã k'ɨ̃rianepa p'ananamẽrá, mãɨnepa jõma choadamẽrá.

Hebreo 10:36

Mãrapa ãarea choadai p'anɨma. Mãɨya chi Tachi Ak'õrepa k'ɨ̃ria bɨt'a oodak'ari ichia teai jarada ãarea jitadaipɨ.

Hebreo 12:1

Mãɨ ẽpẽerã minachia p'anɨrãpa Tachi Ak'õrene piarã ĩjãasida pẽra tachia pida ara mãɨ jĩra ĩjãa p'ananai p'anɨma. Chi tachiá itu ĩjãapik'aɨ mãɨnepa nemietaapa tachi pɨra uru baparí ãyá bɨdak'ari ãarea choa p'anɨnepa naa wãtɨma tachi wãnai p'anɨmá.

Hebreo 6:12

Taipa k'ɨ̃rianawẽma mãra k'oa p'ananait'a, mãɨyawẽapuru k'ɨ̃ria p'anɨma chi mãra waapẽarã ũpẽarã jĩra p'ananait'a. Ãchia Cristode ĩjãa p'anɨẽra mãɨnepa ãarea choa p'anɨẽra, Tachi Ak'õrepa teai jarada ãarea jitadaipɨ.

Hebreo 6:15

Abrahanpa choa bɨdepa nɨ bak'ari Tachi Ak'õrepa warra teai jarada unusima.

2 Pedro 1:3

Tachi Ak'õre k'awa p'anɨ pẽra, ichi jua chaareadepa tachiá nejõma teasima ichia k'ɨ̃ria bɨ jĩra nipadamẽrá mãɨnepa ewaricha ichi ome chok'ae p'ananamẽrá. Ichi chi atepe bɨ pẽra mãɨnepa jĩp'a bɨ pẽra tachi t'ɨ̃k'ari ne waibɨa mãɨnepa minachia pia bɨt'a, tachi pae ooyade asima. Mãɨya oo bɨ pẽra nãɨ ĩjũanepemarãpa nemietá oo k'ɨ̃ria p'anɨt'a mãrapa itu bɨdak'ari p'ue ichi jĩra jĩp'a p'ananaipɨ.

2 Pedro 3:11

Nejõma jõi pẽra Tachi Ak'õrepa k'ɨ̃ria bɨ jĩra, mãra jĩp'a mãɨnepa nemietá newẽa nipadai p'anɨma.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

Apocalipsi 13:10

«Chi p'uek'oada eda serra bɨde ateewãnai bɨt'a, mãɨ piarã ateewãnait'a. Chi k'ĩruuparí nek'odepa piui bɨ piarã nek'odepa piuipɨ». Mãɨ k'orea Tachi Ak'õre ẽpẽerãpa minachia ĩjãa p'anɨnepa minachia choadai p'anɨma.

Apocalipsi 14:12

Mãɨpuru Tachi Ak'õre ẽpẽerãpa minachia ĩjãa p'anɨnepa chi ichia oopi bɨ pedea ũri p'ananai p'anɨma mãɨnepa minachia choadai p'anɨma.

Apocalipsi 2:2

»Mãrapa oo p'anɨt'a mɨa k'awa bɨma. Mɨ pae minachia mimia p'anɨt'a mãɨnepa minachia mĩa p'anɨne ãarea choa p'anɨt'a k'awa bɨma. Mãrapa chi nemietá oopataɨrã́ itu oopidak'at'a k'awa bɨma. Eda waapẽarã mãramá wãnak'ari Jesucristopa peesiade apachidama. Maamina mãrapa jĩrak'aua ak'ɨ p'anɨnepa k'awasidama ãchi chi sea bet'a.